Ата-аналарға арналған Біз біргеміз ойын жаттығуы

Мұғалжар ауданындағы психологиялық-

Педагогикалық түзеу кабинеті

ММ кабинеттің

Әлеуметтік педагог

Жугинисова Бағдагүл Самигуллаевна

Ата-аналарға арналған “Біз біргеміз” ойын –тренингі.

Мақсаты: ата-аналарды біріктіру

Міндеті: -жағымды қарым-қатынас жасауға, түсінісуге жағдай жасау;

-топтық ынтымақтастықты нығайту;

-эмоциялық босансыту;

-эмоциялық жағдайды жақсарту.

Құрал-жабдықтар:

- доп

- ақ қағаздар

- қалам, қарындаштар,

- “топ жүрегі” макет т.б

- әсем әуендер жинағы

Тренинг барысы:

Әлеуметтік педагог: Қайырлы күн, құрметті ата-аналар. Тренингке келгендеріңізге көп рахмет. Бәріміз осылай кездесіп, демалып, ойнап, бір-бірімізбен жақынырақ танысып, жақындасамыз деген үміттемін.

№1 жаттығу. “Сәлемдесеміз”. Ата-аналар еркін жүріп алдына келген адаммен арнайы қимылмен сәлемдеседі. Сөйлесуге болмайды.

Әлеуметтік педагог: 1. Қол алысып сәлемдесеміз

2. Басымызды түйістіріп сәлемдесеміз

3. Иықтарымызды тигізіп сәлемдесеміз

4. Арқа тақап сәлемдесеміз

5. Беттерімізді тақап сәлемдесеміз т.б .

№2 жаттығу. “Жақсы тілек”.

Ата- аналар дөңгеленіп отырады.Педагог қолында доп.

Әлеуметтік педагог: Бір-бірімізге қысқа бір сөзбен доп лақтырып қалаған адамға тілек айтамыз.

Тілек бәріне айтылуы тиіс.

Мысалы: Денсаулық, шаттық, дәулет, қуаныш, амандық, бақыт, т.б

№3 жаттығу. “Мен сен сияқтымын”.

Әлеуметтік педагог: Өз қалаған адамына допты лақтырып есімін айтып неге оған ұқсайтынын түсіндіріп айтады.

Мысалы: Алия, мен де сен сияқты орта бойлымын.

Алия, менің шашым қысқа сенікі сияқты

Алия, мен де сен сияқты екі (үш) бала тәрбиелеп отырмын.

№4 жаттығу.»Көңіл-күй».

Әлеуметтік педагог: Мәтінді түрлі көңіл-күймен оқып беру

Бала,бала, балақан,

Қане, қайсы алақан.

Саусақтарын әйбат,

Былай, былай ойнат.

Топ, топ, топ басайық,

Жалаудан күн жасайық.

Жаса, жаса алтын күн

Жаса, жаса жарқын күн!

Көңілсіз күймен оқу

Ашулы көңіл-күймен оқу

Терең ойға шомылған көңіл-күймен оқу

Үрейлі көңіл-күймен оқу

Көңілді көңіл-күймен оқу

№5 жаттығу. “Жұмсақ қол”. Әлеуметтік педагог: Көздері орамалмен байланған ата-аналар жәймен жүріп бір-бірінің қолдарын ұстап өзіне жұмсақ көрінген қолды таңдап алады.

Жаттығу соңында әңгімелесу:

-қол кімдікі деп ойладыңыз?

-жұмсақ қолды табуға қалай әрекет жасадыңыз?

-№6 жаттығу. “Күтпеген суреттер”.