Ата-аналармен өтетін көңілді көңіл-күй іс-шарасы

«Көңілді көңіл күй!» ата-анамен ашық бірлескен шараның сценарийі.

Мақсаты: Ата-аналармен тығыз байланыс орнату, балаларды өнерге баулуда ынтымақтаса жүргізіген жұмыстың нәтижелі болатындығына көз жеткізу. Балалардың өнерге деген қызығушылықтарын арттыру.

Көрнекіліктер: Интерактивті тақта, музыкалық үнтаспа, «Көңілді көңіл күй!» ата-анамен ашық бірлескен шараның тақырыптық слайды; музыкалық аспаптар(слайд) , әртүрлі ұлттар бейнеленген кәртішкелер.

Жүргізуші: Сәлеметсіздер ме құрметті ата-аналар, қадірлі қонақтар, әріптестер! Сәттілік тілей отырып, бүгінгі «Көңілді көңіл күй!» ата-анамен ашық бірлескен шарамызды бастауға рұқсат етіңіздер! Құрметті қонақтар, әріптестер, балабақша бүлдіршіндері және өнер сүйер қауым! Бүгінгі қоғам мүддесіне лайықты, жан-жақты жетілген, бойында имандылық сана-сезім қалыптасқан, мәдениетті, дені сау ұрпақ өсіру отбасының балабақшаның міндеті екені баршамызға мәлім. Болашақта халқына қалаулы, еліңе елеулі, ата-ананың мақтанышы, білімді, өнерлі, ұрпақ өсіру жолында біздің балабақша ұжымы да аянбай жұмыс жасап келеді. Міне, бүгін бізде айтулы мереке, «Көңілді көңіл күй!» ата-анамен ашық бірлескен шара - отбасылық өнер сайысымызға қош келдіңіздер!

(1-слайд)

Жүргізуші: Қызады бүгін той сайыс,

Ортамызды ашайық!

Ән мен күйді төгілтіп,

Інжу маржан шашайық!

Ән: «Балаларға сол бақыт!» Балалар хормен орындайды.

Жүргізуші:Берекеде осында,

Мерекеде осында.

Болып жатыр той-думан,

«Балбөбек» балабақшасында!!!

Көңіл қойып қараңыз,

Жарасып тұрған бірлігі менен әні де,

Отбасы болған берекелі, мәнді де,

Жұптарды жанұясымен қошеметтеп,

Қол соғып қарсы аламыз!

Олай болса, жарысқа қатысушы топтарды қарсы алайық!

Музыка залына Қыдырәлі мен Қарақаттың орындауындағы «Ханзадам» көңілді ән әуенімен ата-аналар балаларымен яғни, жанұясымен шақырылады, келіп кіреді.

Жүргізуші: Өнерге биік сеніңіз,

Думанға қызық келіңіз.

Әділқазы ел сенген,

Өнерге баға беріңіз!

Жарысты бастамас бұрын әділқазылар алқасымен таныс болыңыздар!

(Әділқазылар алқасы 5 адам сайланады, меңгеруші, әдіскерлер, психолог-педагогтар; жоғарғы балл көрсеткіші, сайыстың шарттары таныстырылады, сайыстың әр турында әділқазылар алқасы «10», «20», «30», «40», «50»)

Жүргізуші:Ырыс-дәулет мол болсын,

Жылда осындай той болсын!

Жарысты енді бастайық,

Ал қанекей жол болсын!

1-бөлім. «Таудай биік шаңырақты, болаттай берік отбасы!»

Отбасылардың, жанұялардың өзін өзі таныстыруы. (2-слайдтар: Отбасылардың, жанұялардың өзін-өзі таныстыруға үйден дайындап алып келген слайдтары)

Жүргізуші: Ал енді әнге деген құмарлықтарыңызды «Әуенді тап» сайысы арқылы сынап көрейік.

2-бөлім. «Әуенді тап!» сайысы (3-слайд)

Жүргізуші:Біздің халық өнерге бай,

Әнші де, сал-сері де шыққан текті.

Әнді сүйсең, менше сүй деп, айтқан екен, - Абайдай дана атамыз!

Тыңдап алып, ән шумағын жалғастырамыз?