Бала тәрбиесі ортақ міндет ата-аналармен жұмыс материалы

Бала тәрбиесі - баршаға ортақ

“Қазіргі заман талабына сай жан-жақты жетілген, бойында ұлттық сана мен ұлттық психология қалыптасқан, имандылық әдебі парасаты бар ұрпақ тәрбиелеу,өсіру, білім беру бүгінгі таңда отбасының, балабақшаның , барша елдің халықтың міндеті”

Н.Ә. Назарбаев.

Тренинг бағдарламасы:

1.«Тілек шоғы» тренингі

2 Ой қозғау. «Бала деген кім?»

3.Топқа бөлу «Гүл теруге барайық»

4 . Қызықты сұрақтар.Сергіту жаттығуы

5. Ситуациялық сұрақ. «Қымбат машина» әңгімесі

6 . Жүректен-жүрекке.

1.«Тілек шоғы» тренингі

Мақсаты:топта ары қарай жақсы қарым –қатынас орнату үшін қолайлы орта туғызу, танысу.

Ата-аналар ортаға шығып,шеңбер құрады.Қолдарына бір шоқ гүл беріледі. Мұғалім өзін таныстырып,қасында тұрған ата-анаға жақсы лебізін білдіріп,гүл шоғын ұсынады.Гүлді алған ата-ана өзін таныстырып, жанындағы адамға жақсы тілек тілеп қолындағы гүл шоқтарын береді.Гүлдер бірте-бірте үлкейіп , мұғалімге оралады.

Ьь

2. Ой қозғау. « Бала деген кім?»

Мұғалім:

-Мен сіздерге балаларыңыздың суреті жапсырылған стикерлер таратып беремін.Сіздер «Бала деген кім?» деген сұраққа жауап беріп,суреттерді тақтадағы бәйтерек ағашына жапсырасыздар.

( Мысалы: бауыр етіміз,болашағымыз,үмітіміз,мұрагерім,

жанымның саясы,асыраушым т.б).

3.Топқа бөлу «Гүл теруге барайық»

( Әуен ойналып тұрады , арнайы дайындалған гүлдер алқабына бару) Барлық ата - аналар орындарынан тұрып , гүл теруге шығады . Бір - бір гүлден алады . Сол гүлдерде жазылған сандар бойынша топқа бөлінеді. Әр топқа тапсырмалар беріледі.

1-тапсырма.

І топ.Бала – білімді әрі тәрбиелі болып өсуі үшін ата - ана қандай жағдай жасауы керек?

ІІ топ.Балаларды теріс қылығы үшін жазалау керек пе?

2-тапсырма. Мақалдардың мәнін аш.

І топ.Жақсы бала сүйініш,

Жаман бала күйініш.

ІІ топ.Балапан ұяда не көрсе ұшқанда соны іледі.

3-тапсырма. Ситуациялық сұрақтар

1.Балаңыз сіздің ең қымбат затыңызды байқамай сындырып алды, сіздің әрекетіңіз.

2.Балаңыздың тәртібінен көп ескертпе аласыз, сіздің әрекетіңіз.

3.Мектептен балаңыз басқа баланың ойыншығын алып келді, сіздің әрекетіңіз.

4.Сіз асығыс қонаққа жиналдыңыз, балаңыз ертегі оқып беруді өтінді, не істейсіз?

4 . «Қызықты сұрақтар» сергіту жаттығуы.

Ата-ана шарды таңдап алып, жарып, сұраққа жауап береді және тапсырманы орындайды.