Ата-аналармен жүргізілетін заманауи жұмыс түрлері

Заманауи білім беру жүйесінде ата-аналармен жүргізілетін жұмыстар

Болашақта өркениетті елдің қатарына ену үшін, өсіп келе жатқан болашақ ұрпақтарымызға бөбекжай мен ата - аналар бірлесе отырып заман талабына сай білім беру қажет. Өйткені Тәуелсіз Қазақстанның дамыған бәсекеге қабілетті 50 елдің қатарында терезесін тең ететін – білім. Сондықтан қазіргі білім беру жүйесінің алдында оқыту үрдісінің технологияландыру мәселесі қойылып отыр. Оқытудың әртүрлі технологиялары терең қадағалау.«Ел боламын десең, бесігіңді түзе», «Тәрбие талбесіктен», -деп дана халқымыз айтқандай парасатты, зерек, кішіпейіл, адал, адамгершілігі мол ұрпақ ұлтымыздың басты құңдылығы. Заман өзгерген сайынәдіс – тәсілдер көбейіп, жаңартылып,толығып отыр. Әр түрлі жаңа технологияларды бала тәрбиесінде қолданып, заман талабына сай бала тәрбиелеу үшін ата- ананың да жаңаша технологияны меңгергені шарт. Балалармен заман талабына сай ата- аналарға көмек көрсету мақсатында бөбекжайымызда ата –аналармен жұмыста бала тәрбиесіне байланысты түрлі әдіс- тәсілдер ортаға салынып,талқыланып жаңаша білім мен тәрбие жүйесі қарастырылады.

Конференция - түрлі жағдаяттарды модельдеу арқылы ата-аналарға бөбекжайдың тыныс тіршілігін таныстыруға мүмкіндік туады. Ата-аналарға көрнекі ақпараттар өте әсер етеді. Осыған орай бөбекжайымызда мынадай жұмыстар жүргізіліп отырады:

Конферанцияның өзекті тақырыбы мысалы: «Бала денсаулығына қамқорлық» атты конференция ұйымдастырып дәрігерді шақыру.

Ашық оқу қызметтері- ата-аналарды бағдарлама бойынша қол жеткен жетістіктермен таныстыру, тәрбиешінің талаптарына ден қоюға бағыт беру.Ата-аналардың оқу тәрбие жұмыстары мен педагогикалық сауаттылығын арттырып баламенжұмыс жасау жолдарын үйренеді.

Жеке тақырыптық кеңестер, ата-анамен өзінің баласы жайында, бөбекжай тыныс-тіршілігін, тәрбиешінің отбасымен тығыз байланыс орнықтыруы маңызды.

Білім кеңістігінде пайда болған отбасымен қарым-қатынастың жаңа формаларын игеру, озық тәжірибелерді енгізу.

Отбасы мүшелерімен қарым-қатынас жасау мәдениеті бойынша психолог тарапынан кеңестер мен түрлі сауалнамалар беру және осы жұмыстардың орындалуын қадағалау.

Педагогтар ата-аналармен мекеме арасындағы жасалатын келісім- шарттың мазмұнын нақты берілуін қамтамасыз ету.

Ата–аналардың белсенділігін арттыратын жаңаша әдіс- тәсілдерді жаңа технологияларға сүйеніп жаңартып отыру.

Отбасында жүргізілетін жұмыстар жоғарыдағыдай жаңаша өзгертіліп отыру керек. Себебі бүгінгі күннің ата-аналары жаңа заман озық технологиясының ата- аналары. Осыдан бірнеше жыл бұрын ата-ана үшін бөбекжайда баланың дұрыс тамақтануы, қаралуы ғана маңызды болса, ал бүгінгі ата-ана үшін аталған шарттармен қоса, сапалы білім мен саналы тәрбиемен қамтамасыз етілуі маңызды. Сол үшін ата-аналарды мекемеде болып жатқан жұмыстарға қызықтыра білу керек.