Ата заң туралы 1 сыныпқа арналған тәрбие сағаты

Тәрбие сағат тақырыбы: «Сен еліміздің Ата Заңы – Конституция туралы білесің бе?» Тәрбие сағат мақсаты: Еліміздің Ата заңы жөнінде түсінікті тереңдету. Тәрбие сағат міндеттері: Білімділік: Оқушыларға Конституция ұғымы, тараулары, қабылдануы, қазіргі кездегі қолданысы жөнінде түсіндіре отырып, бүгінгі өмірмен байланыстыра білім беру. Дамытушылық: Түрлі сұрақтар, суреттер арқылы баланы ойланта отырып, олардың көзқарасын танытуға мүмкіндік жасау, сөйлеу мәдениетін жетілдіру. Тәрбиелік: Өзіндік көзқарасы бар ұлтжанды азамат тәрбиелеу, оқушыларға патриоттық тәрбие беру. Тәрбие сағат түрі: Байқау-сабақ Көрнекіліктер: Мемлекеттік рәміздер суреті, газет материалдары

Тәрбие сағатының барысы І. Ұйымдастыру бөлімі -Амандасу, оқушылардың сабаққа қатысымын тексеру.

Ашық болсын күніміз, Жарқын болсын жүзіміз.

Жақсы оқушы болайық,

Егеменді елде біз.

Өскемен қаласы әкімдігінің «№27 орта мектеп» КММ

Бастауыш сынып мұғалімі: Қыдырбекова

К.А

ІІ. Ой қозғау Балалар, мына өлеңді мұқият тыңдап отырып, онда не туралы жырланғанын айтыңыздар.

Ата Заң Ата Заңым, Алтын Заңым – ардағым, Аялаған адамзаттың арманын. Жол бастайды болашаққа жасампаз, Әрбір бабаң, тарауларың, тармағың. Алтын Заңда – Парасатым, пайымым. Алтын Заңда - Күш – қуатым, жалыным. Сен қорғайсың Бостандық пен құқықты, Анамдайсың елжіреген жаны күн.

(Балалардың жауабы тыңдалады)

ІІІ. Кім біледі? 30 тамыз қандай атаулы мереке? (Конституция күні) -1 қыркүйектің ерекшелігі? (Білім күні) -Конституция туралы не білесіңдер?

ІV. Жаңа сабақ: «Санаға сапар»

Қазақстан Республикасының Конституциясы – Қазақстанның Ата (негізгі) заңы.

Конституция 1995 жылы 30 тамызда бүкілхалықтық дауыс беру арқылы қабылданды. Қазақстан халқы мемлекеттік биліктің қайнар көзі – өзінің егемендік құқығын баянды етті. Ата заң қабылданған күн 30 тамыз – мемлекеттік мереке – ҚР Конституциясының күні деп жарияланды.

Оның құрылымы кіріспеден, 9 бөлімнен, 98 баптан, көптеген тармақтар мен тармақшалардан тұрады.

Конституция – барлық заң салаларының негізі, ал оның нормалары – басқа заңдар үшін басты қағида болып есептеледі.

Конституция дегеніміз – қоғамдық және мемлекеттік құрылыс негіздерін, мемлекеттік органдар жүйесін, олардың