Аталар жолымен, ағалар ізімен кездесу шарасы

Жамбыл облысы,Т.Рысқұлов ауданы, Қарақат ауылы№2 шағын орталықты орта мектебініңқазақ тілі мен әдебиет пәнінің мұғаліміҚораласбаева Гүлнара Ілімханқызы

«Аталар жолымен, ағалар ізімен»

Өтетін күні:

Өтетін орны: Қарақат ауылдық клубы

Көрнекілігі:шарлар, көрме, жалаушалар

Мектептің кіре беріс алаңында 3-4 сынып оқушылары екі қатарға тұрып қарсы алады. ( қолдарында шарлар болады)

ІІ бөлім: Түлектер келе бастаған мезгілде жүргізушілер сөздерін бастайды.Түлектер орнынажайғасады. (Мектеп туралы музыка ойнап тұрады)

1-жүргізуші:

Бойларында жігер күші тасыған,

Кездері жоқ қиындықтан жасыған.

Түлектерім келе жатыр сап түзеп,

Арналсыншы оларға бүгін сый құрмет.

2-жүргізуші:

Нұрлы үмітін арқалаған арқаға

Жан сәулесін тарататын баршаға.

Шын пейілмен құрметімізді көрсетіп,

Түлектерді қарсы алайық қол соға.

Хор «Менің елім - Қазақстан»

1-жүргізуші:Бұлар – ел бірлігін ойлайтын, өз Отанын қорғайтын, өркетниетін өрістететін біздің ардақты аға-апаларымыз.

2-жүргізуші:

Тірлік осы – атады жаңа таңдар,

Жаңа таңдар алмасқан алақандар...

Өмір деген биікке дара самғап

Азамат боп оралған аға-апалар!

1 - жүргізуші: Армысыздар құрметті мектебімізге келген қонақтар және мектеп түлектері . Еліміз жаңа тарихи кезеңге аяқ басты.Елбасының «Болашаққа бағдар: Рухани жаңғыру» атты бағдарламасы стратегиялық маңызға ие, жасампаз халықтың жарқын болашағын айқындайтын ой-толғам."Болашаққа бағдар: Рухани жаңғыру". Елбасының осы мақаласы арқылы қазақ елі шынымен де рухани жаңғырып келеді десек қателеспейміз, ұлттың өзінің ұлттық кодын, генетикалық жадысын сақтап қалу деген дүниеге барынша мән беруге міндеттіміз. Бұл өте маңызды. Өйткені тамырынан үзілген бәйтерек ол жапырақ жаймайтыны сияқты негізгі дәстүріне тамырына сүйенбеген халық ұзақ сапарға шыдай алмайды. Бүгінгі өздеріңізге арналған Елбасымыздың «Болашаққа бағдар: Рухани жаңғыру» атты мақаласымен, республикалық «Мектепке тағзым» акциясы аясында өткелі отырған «Аталар жолымен, ағалар ізімен» атты кездесу кешіне қош келдіңіздер!

Өткен оқу жылында «Туған мектепке тағзым» атты акциясы жоғары деңгейде жүргізілген. Танымал мектеп түлектерімен бірнеше мәрте сырлы сұхбат кештері, кездесулер өткізілді. Осы аталған акциялар бүгінгі таңда жалғасын табуда.

2-жүргізуші:

Тірлік осы – атады жаңа таңдар,

Жаңа таңдар алмасқан алақандар...

Өмір деген биікке дара самғап

Азамат боп оралған аға-апалар!

1-жүргізуші:

Қуаныш бүгін мереке

Шуағын шашып тұр әлем

Мектепке келген сағынып

Біздерден сізге мың сәлем

2 - жүргізуші:Құрдастар, сыныптастар, парталастар

Шәкірттер, бір кездегі балғын жастар

Жылдар өтті мектепті бітіргелі

Бастарын қосқалы отыр бүгін достар

2 - жүргізуші:

Береке мен бірліктің басым құрап

Жүрген жандар жайқалған жасыл құрақ

Бітіргелі мектепті өтті жылдар

Сағынысып кездесу – асыл-мұрат.

Облыстық, аудандық байқаулардың жеңімпазы «Шұғыла» би тобының

«Наурызға шашу » биін қабыл алыңыздар.

1-жүргізуші:

Бүгін біздің ортамызда мектебімізді бітіріп, бүгінгі мектеп бітіргендеріне

20-30 жыл тіпті 40 жылдан асып отырған мектеп түлектері мен арнаулы қонақтарымыз келіп отыр. Ендеше осы мектеп түлектермен таныс болайық.

(музыка сүйемелдеуімен таныстырылады)

1-жүргізуші:

1. Жанадилов Үмбет Дәулетбайұлы – Құлан ауылы аймағы әкімінің Қарақат ауылындағы тұрақты уәкілі

2-жүргізуші:

2. Дарханбеков Айбас – өмірін колхозда агроном болып қызмет етуге арнаған. Қазіргі таңда зейнеткер.

1-жүргізуші:

3. Базарқұлов Әбіш Әбілдаұлы – «Луговой жөндеу-механика» заводында мастер-инженер болып жұмыс атқарған. Қазіргі уақытта зейнеткер.

2-жүргізуші:

4. Маймақов Оспанбек Маймақұлы – совхозда бас дәрігері, экономист қызметін атқарған. Қазіргі кезде зейнеткер.

1-жүргізуші:

5. Жаманбаев Тұрсынхан Есімқұлұлы – аудандық «Құлан таңы» газетінің бас редакторы, аудандық мәдениет бөлімінде аға-инспектор, редакторы орынбасарлары қызметін атқарды. Қазіргі таңда Тұрар Рысқұлов аудандық маслихат хатшысы.

2-жүргізуші:

6. Кенжебеков Несіпбек Кенжебекұлы – еңбек жолын дәрігер қызыметінен бастаған. Қазіргі таңда зейнеткер.

1-жүргізуші:

7. Наметқұлов Мұрат Бекбосынұлы – жастайынан Алматы мемлекеттік медецина институтының емдеу факультетіне түсіп, өзінің еңбек жолында бас дәрігер қызметіне дейін көтеріліп еңбек етті.

2-жүргізуші:

8. Сүлейменов Пазыл Әбілдаұлы – аудан, облысқа танымал, бірнеше жыл аудандық маслихат хатшысы қызметін атқарды. Қарақат ауылының біртуар азаматы. Қазіргі таңда жеке кәсіпкерлікпен айналысады.

1-жүргізуші:

9. Төленова Зирабүбі Маймаққызы – Алматы қаласындағы Шоқан Уалиханов атындағы тарих және этнология Институтының сыртқы байланыс ақпарат және ғылыми кластер бөлімінің меңгерушісі. Қазақ ұлттық Университетінің оқытушысы. Сонымен қатар С.Ж. Асфендияров атындағы Қазақ ұлттық Университетінде және Қазақ мемлекеттік архитектура және құрылыс академиясында аға оқытушылық қызметін қосымша атқарып келеді.

2-жүргізуші:

10. Жанасова Алшакүл – ардагер ұстаз

1-жүргізуші:

11. Сүлейменова Салима Нұрмашқызы – ауданымыздың әр саласында экономист – бухгалтер, бас бухгалтер басшы қызметін атқарды. Қазіргі таңда зейнетте, кәсіпкерлікпен айналысады.

2-жүргізуші:

12. Терекбаев Қайрат Сәрсенұлы – 1995 жылдан бері Ұлттық Қауіпсіздік Комитетінде қызмет атқарады. Ұлттық Қауіпсіздік Комитетінің полковнигі. «Тіл жанашыры» медалінің иегері.

1-жүргізуші:

13. Мешітбаев Бәкен Есбергенұлы – ауыл шаруашылық институтының аяқтады. Ақтау қаласында «Ақтау строй -экспорт» компаниясында қызмет атқарады.

2-жүргізуші:

14.Бақтықожаев Жаңғали Жұмақадірұлы – Тараз инновациялық гуманитарлық Университетінде құқықтану кафедрасының меңгерушісі, факультет деканы. Сонымен қатар мектептің материалдық - техникалық базасын нығайтуда елеулі үлесін қосып жүрген азамат.

1-жүргізуші:

15. Мұсаев Сабыржан Алтынбайұлы – Тараз Мемлекеттік Университетінде шаруашылық жөніндегі меңгерушісі.

2-жүргізуші:

16. Тәттіқожаев Талғат Сайлауұлы - №2 шағын орталықты орта мектебінің қамқоршылық кеңесінің төрағасы. «Дауыл» Жауапкершілік шектеулі серіктестігі директорының орынбасары. Сонымен қатар мектептің материалдық - техникалық базасын нығайтуда елеулі үлесін қосып жүрген азамат.

1-жүргізуші:

17. Құлшықов Ардақ Базыкейұлы – аудандық ата-аналар комитетінің төрағасы. Сонымен қатар мектептің материалдық - техникалық базасын нығайтуда елеулі үлесін қосып жүрген азамат. Жеке кәсіпкер

2-жүргізуші:

18. Иманбаев Ерғали Тоқтасынұлы – жеке кәсіпкер. Мектепке үздік демеушілік көрсетіп жүрген азамат.

1-жүргізуші:

19. Гериков Смайыл Рамазанұлы – жеке кәсіпкер. Сонымен қатар мектептің материалдық - техникалық базасын нығайтуда елеулі үлесін қосып жүрген азамат.

2-жүргізуші:

Бүгінгі кешіміздің қонақтары:

Мамырбаев Арман Пойызбайұлы - Құлан ауылы аймағының әкімі

Самылтыров Бауыржан Қуанышбайұлы - Аудандық білім бөлімінің әдіскері

Өмірзақов Мұратбек Тоқсанбайұлы - «Құлан таңы» газетінің бас редакторы

1-жүргізуші:

Мектеп, мектеп менің жарқын жүрегім

Мектеп, мектеп шаттық толы өмірім

Мектеп, мектеп әнім болып төгілдің

Мектеп, мектеп ана болып көріндің – дей отыра алғашқы сөз кезегін мектебіміздің директоры Стыбаева Ақбота Мұратханқызына беріледі.

2-жүргізуші:

Бойларында жігер күші тасыған

Кездері жоқ қиындықтан жасыған

Түлектерім келіп отыр бой түзеп

Арналсыншы оларға бүгін сый құрмет

1 – жүргізуші: