Ауғанның от жалыны тақырыбындағы кездесу тәрбие сағаты

«Ауғанның от жалыны»

Мақсаты:

Ұлтжандылыққа, отанын сүюге тәрбиелеу.Оқушыларға Ауған соғысы жайлы толық мәлімет беру, ардагер ағалармен ашық әңгімелесу, сұхбаттасу; Өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету; Ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу.

Көрнекілігі:Слайд, тақырыптық банер, гүлдер, шарлар.

1-жүргізуші: Армысыздар, ардагерлер лектегі,

Өмірлерің – ерлік-күрес мектебі!

2-жүргізуші:

Құрметті қонақтар, ұстаздар, оқушылар!

Өткенін ескермеген өшеді,

Өткенін қастерлеген өседі,- демекші,

Берер тәлімі мол тарихтың тірі куәгері бүгін біздің ортамызда!

Бүгінгі кездесуімізге Ауған соғысының ардагері Шапағат Сақыпұлы, Ата-аналар комитетінің төрағасы Сапарбай Оралбайұлы, Мектеп дирек-торы Әліпқали Үмбетұлы, Әкелер кеңесінің төрағасы Ақтай Бірімұлы қатысып отыр.

1-жүргізуші: Құрметті қонақтар,оқушылар, ұстаздар!

Жеңіске жету жолында қазақстандықтардың асқан ерлігі мен әскери жан қиярлығы Отан соғысы тарихындағы жарқын тарихқа айналды.Сондықтан бүгінгі жиын Ауған соғысының аяқталғанына 29 жыл толуына арналады.

2-жүргізуші:Өкінішке орай, уақыт осы ұлы оқиғаға қатысушыларды біздің қатарымыздан алып кетіп жатыр. Бірақ ешкім де, ештеңе де ұмытылмауы тиіс!Себебі, бұл-біздің тарихымыз, біздің мақтанышымыз, біздің даңқымыз!

Кездесуімізді ашу үшін сөз кезегін мектеп басшысы

Әліпқали Үмбетұлына береміз.

1-жүргізуші:

Биыл 15-ақпанда Кеңес әскерлерінің Ауғанстан жерінен шығарылғанына 29 жыл толып отыр. Бұл – аз уақыт емес.Ауған соғысының қасіреті кімдердің жүрегін жараламады десеңізші?! Азаматтық борышын атқаруға әскерге кетіп, табытпен оралғандары қаншама?

2-жүргізуші: Атышулы Ауған соғысының зардабы заман ауысқанымен тарихтың қасірет беттерінде жазулы. Ауған соғысына қатысқандардың өздері келтірген статистикалық мәліметке жүгінсек, бұл соғысқа Қазақстаннан 22269 жауынгер барды. Олардың 924-і сұрапыл шайқастарда ерлікпен қаза тапты, мыңдаған жігіттер елге мүгедек болып оралды.Хабар-ошарсыз кеткен 21 тағдыр және бар. Азалы Ауған тақырыбын біз еш уақытта ұмытпаймыз.

1-жүргізуші: Ауғанстан жерінде қаза болған жауынгер ағаларымызды еске алуға бір минуттық үнсіздік жариялаймыз.

( Бір минуттық үнсіздік)

Отан – оттан да ыстық! Азаматтық парыздың ішіндегі ең үлкені – Отан қорғау! Жауынгер жүгі қашан да салмақты. Солардың арқасында біз той тойлап, ештеңеге алаңдамай өмір сүріп жатырмыз!

2-жүргізуші:

Білеміз, жас өседі, туады ерлер,

Қастерлеп, әке жолын қуады ерлер.

Тумайды, сіздерден соң, тумасын-ақ,

Соғыс деген сұм тажалға куәгерлер!

1-оқушы: Бөкенбай

Біз ауғандық емеспіз,

Бастан аяқ Кеңеспіз!

Отқа оранған он жылды

Зая кетті демеспіз.

Базбіреулер айыптап,

Қалталарын байытпақ.

Барған жоқпыз біз онда

Қайту үшін айыптап.

2-оқушы: Ануар

Отанымыз бұйырды,

Қиып өттік қиырды.

Сасқалақтап қашты әуел,

Сақалдылар үйірлі

Жігіттердің талайы,

Қапқа түсті қалайы.

Құтқарамыз деп барып,

Құрсаулардан анайы.

3-оқушы: Алдияр

Тәжік, өзбек, пұштындар,

Бірін-бірі мысқылдар…

Бет-ауызын жүн басқан

Қорқынышты ұсқындар.

Онда адамның құны-ақша,

Қуанады-құлатса…

Тастан-тасқа кәззаптар

Секіреді лақша.

Ақша деген зат есім,

Жаулап алған жат есін.

Ондағылар ақша үшін

Бауыздайды әкесін.

2-жүргізуші:

1979-1989 жылдар арасындағы тарихта қалған «Ауған ақиқаты» туралы қысқаша мәліметпен тарих пәнінің мұғалімі Қойшыбаева Гүлайым таныстырып өтеді.

/Слайд көрсету/

Ән: «Аққу арман» орындайтын 5-сынып оқушысы Кеңес Жадыра

1-жүргізуші: Отансүйгіштік қасиетіңді таныту үшін … соғыстың болуы міндетті ме? Әрине, жоқ!

Кейде маған өсіп келе жатқан жас ұрпаққа соғыстан да қиын кезең туатындай болады да тұрады …

Сол қиын кезеңдерде жеңіске жету үшін біздерге үлкен күш, ұлы рух қажет. Сіздердің Отанға, Антқа адал болған ұлы сезімдеріңіз бізді де Отансүйгіш-тікке жетелейді.

2-жүргізуші: Ел басына күн туған кезде «ереулі атқа ер салып, егеулі найза қолға алып», «толарсақтан саз кешіп» бабаларымыз қазақ елін сыртқы жаулардан қорғады. Кешегі Ұлы Отан соғысы кезеңінде қаншама ата-апаларымыз Антқа адал болудың үлгісін танытты. Мөлдір бұлақтан еш уақытта лай су ақпайтынын сіздер істеріңізбен дәлелдедіңіздер.

«Жауынгер хаты» оқитын 9-сынып оқушысы Бағыт Аида

Бауырым, бұл хатымды аласың ба?

Ауғанның тауларының арасында,

Бораған қорғасын оқ бас көтертпей,

Жатырмыз ессіз-түссіз жар астында.

Қоршаудамыз, барады айдан асып,

Анталаған жаулармен тайталасып,

Іздеп жатқан ел де жоқ артымыздан,

Шер-қайғыңды енді кімге айта аларсың?

Күңіреніп, күрсінеді Ауғанстан,

Жігіттер де шаршады сұм соғыстан.

Түн ортасы басталар қанды қырғын,