Аталы сөз иесі Әйтеке би тәрбие сағаты

«Туған жерім – нұрлы елім» облыс аудандары күндері акциясы аясындағы «Аталы сөз иесі – Әйтеке би» атты Әйтеке би көшесінің мерекесінің өткізілу сценарийі

Өтетін күні: 14 шілде, 2017 жыл

Сағат:10-30

(Көше мерекесі өтетін жерге киіз үй тігіледі. Оның ішінде ұлттық тағамдар көрмесі ұйымдастырылады. Ұлттық тағамдар «Көше мерекесіне» келгендерге үлестіріледі.) Шағын экран қойылады.

Фанфар.

Би: «Қазақ биі»

Фанфар.Сахнаға жүргізушілер шығады.)

Жұбаныш: Қайырлы күн,ағайын!

Өзінің көптен озған көсемдігімен, аса тауып айтқан шешендігімен еліне елеулі, халқына қалаулы болған қазақ жұртының бірлігін ұстаған би, мемлекет қайраткері, әділдіктің айнасы болған – Әйтеке Байбекұлының есіміне ие Әйтеке би ауданының– «Туған жерім – нұрлы елім» облыс аудандары күндері акциясы аясындағы «Аталы сөз иесі – Әйтеке би» атты Әйтеке би көшесінің «Көше мерекесіне» қош келдіңіздер!

Гүлсезім: Армысыздар, ару қала Ақтөбенің тұрғындары мен қонақтары берекесі мен бірлігі ұйыған, тірлігі тамаша Әйтеке би ауданының ыстық ықыласын Сіздерге жеткізгелі келдік.

Жұбаныш: «Бай болсаң, халқыңа пайдаң тисін,

Батыр болсаң, жауыңа найзаң тисін.

Егер бай болып, елге пайдаң тимесе,

Батыр болып, жауға найзаң тимесе,

Елден бөлек үйің күйсін»-деп Әйтеке бабамыз өз заманында елдің баянды болашағы үшін барын аямады.

Жұбаныш: Баба өсиетін жалғастырған ұрпағының бүгінде Тәуелсіздіктің Туын желбіреткеніне ширек ғасырдан асты. Елбасымыз Н.Ә. Назарбаев «Қазақстан жолы – 2050: бір мақсат, бір мүдде, бір болашақ» атты Қазақстан халқына Жолдауында Тәуелсіздік жылдарында барша қазақстандықтарды біріктіріп, ел болашағының іргетасын қалаған басты құндылықтар қатарында тарихтың, мәдениет пен тілдің ортақтығын айта келіп, «Жаңа Қазақстандық Патротизмнің идеялық негізі осы мемлекет құраушы, жалпыұлттық құндылықтарда жатыр» – деп ерекше атап көрсетті.

Гүлсезім: Төртқара руы Әлім тайпасынан шыққан Сейтқұл әулиенің үшінші ұрпағы Әйтеке - Әбілқайырханға дейін кіші жүздің сөзін ұстаған, бес жасқа дейін молдадан сауат ашқан.

Жұбаныш::Сейтқұлдың сегіз баласының бірі Әйтеке бидің әкесі Ақша, кейін Самарқанның билеушісі болған атақты Жалаңтөс Баһадүр.

Жұбаныш: Әйтеке шешен қара қылды қақ жарған әділ ғана емес, жоңғарлармен ұрыста қолбастаған батыр да болған.

Гүлсезім: 1685 жылы Нұрата маңына шабуыл жасаған Қалдан Ошақтың он мың жасағына 5 мың қол әскерімен қарсы аттанған. Бұл Әйтекенің мемлекеттік саяси мәселелердегі көрегендігін көрсеткен еді.

Жұбаныш:Әйтеке би 1700 жылы Өзбекстанның Нұрата ауданы Сейтқұл қорымында жерленген.

Гүлсезім: Бидің ұрпақтары қазіргі таңда Ақтөбе өңірінде тамыр таратып, өрісін жайған. Ақтөбе облысының бұрынғы Қарабұтақ және Комсомол аудандары біріктіріліп, қазір Әйтеке би ауданы аталды.

Жұбаныш:Әйтеке бабамыздың қазақы берекені нақылына нақыштағаны секілді, біздің аудан ел тәуелсіздігін алғалы бері талай жетістіктерге жетіп келеді.

Гүлсезім 2003 жылы Ел мен елді байланыстырған Хромтау-Алтынсарин шойын жол құрылысы тартылды.

Жұбаныш: 2014 жылы қазан айында Әйтеке би ауданы, көгілдір отынмен алғаш рет қамтамасыз етілді.

Гүлсезім: 2015 жылы Қазақ хандығының 550 жылдығының аясында Толыбай ауылында Хан Моласы мемориалдық кешені, кіші жүздің кенже биі, төртқараның төбе биі атанған Былшық би бабамыздың еңселі ескерткіштері ашылды.