Отбасым мақтанышым тәрбие сағаты сынып жетекшіге

Сабақтың тақырыбы: Отбасым-мақтанышым

Сабақтың мақсаты: Отбасы деген түсінікті қалыптастыру. Отбасы мүшелері, отбасындағы өзінің орны туралы толық түсінік беру.

Отбасы мүшелеріне қамқорлық, жанашырлық сезімдерін дамыту.

Отбасына деген сүйіспеншілікке тәрбиелеу. Туып-өскен үйде тату болуға үйрету.

Көрнекілігі: түрлі-түсті ленталар тағылған шеңбер, отбасы мүшелерінің суреттері

Сөздік жұмыс: ата, әже, әке, ана, аға, іні, әпке, сіңілі, қарындас.

Әдіс-тәсілдер: әңгімелеу, түсіндіру, көрсету, РАФТ әдісі, сұрақ-жауап, ойын.

Сабақтың барысы: Балалар дөңгелене тұрады.

Шаттық шеңбері:

Сәлем деймін достарға

Сәлем деймін құстарға

Сәлем деймін аспанға

Сәлем болсын баршаға

Буги-буги билейміз

Айналамыз тағы біз

Алақанды соғамыз

1,2,3 буги-буги Ок

Ашық болсын айымыз

Биік болсын туымыз

Тату болып халықтар

Аман болсын балалар!

Қане, балалар мына ленталарды бір-бірден ұстаңдар.

-Не пайда болды?

Шаңырақ, уықтар, кереге. Киіз үйге ұқсадық.

-Балалар біздің шеңберіміз киіз үйге ұқсайды екен. Жоғарғы шеңбер шаңырақ деп аталады.

-Шаңырақтың суреті қай рәмізде бейнеленген?

-Елтаңбада.

-Ал шаңырақ ненің белгісі?

-Шаңырақ отбасының белгісі

-Ендеше бүгінгі сабағымыз отбасы туралы болмақ.

Тақтаға ілу «Отбасым-мақтанышым»

Әр адам, үлкен болсын, кіші болсын өз үйін жақсы көреді. Себебі ол үйде оның отбасы тұрады. Отбасының болуы үлкен бақыт. «Адамға ең қымбат-отбасы» деген халық даналары. Отбасы-бұл сенің жақын адамдарың. Қане атаңдаршы, олар кімдер?

-Ата, әже, ана, аға, іні, әпке, сіңілі, қарындас.

Әңгімелесу: -Отбасы дегеніміз не?

-Отбасы деген бір үйде тұратын жақын адамдар.

-Сен отбасында кімсің?

Балалардың жауаптары:- Мен отбасының мүшесімін, әкем мен анамның баласымын.

-Отбасы мүшелері бір-бірімен қандай қарым-қатынас жасайды?

-Бірге отырып тамақ ішеді, әңгімелеседі, бір-бірін сыйлайды, қамқор болады. Балалар үлкендерді тыңдайды, бірге демалады, қыдырады.

-Жанұя дегенді қалай түсінесіңдер?

-Естеріңде ме біз жанұя туралы өлең жаттап едік қой.

Қане, есімізге түсірейікші. А.Асылбековтың «Жанұя» өлеңін айтқызу

Сенде де бар жанұя, Менде де бар жанұя.

Үлкенде де, кішіде, Жанұя бар әрбір кісіде.

Жанұя бары шуақ қой, Қуаныш пен қуат қой.

Сергіту сәті: (қимылмен көрсету)

Асқар таудай әкем,

Мен сені жақсы көремін.

Кең даладай анам,

Мен сені жақсы көремін.

Ойын: «Сиқырлы қалта » 6 сурет бар

Балалар сиқырлы қалтадан отбасы мүшелерінің суреттерін алады. Кімге қай отбасы мүшесінің суреті түссе, отбасы туралы жаттаған тақпақтарын айтып береді.

-Отбасының ошағы киіз үй болғандықтан, киіз үйдің ішіндегі сұрақтарға жауап берейік.

Логикалық сұрақтар:

1.Әкеңнің әкесі саған кім?

2.Сен атаңа кімсің?

3.Анаңның анасы саған кім болады?

4.Сеннен үлкен ер бала саған кім?

5.Өзіңнен кіші ұл ше?

6.Сеннен үлкен қыз бала?

7.Сеннен кіші қыз бала?

8. Сенің отбасыңда неше адам тұрады?

«Сөйлем құрау» Ата, әже, ана, аға, іні, әпке, сіңілі, қарындас- сөздерін қатыстырып сөйлем құрау

Үстел үстіндегі күлтешелерді алып, не жазылғанын оқу және сол сөзге сөйлем құрып, тақтаға іледі.

-Балалар не пайда болды? Ол қандай гүл?

-Түймедақ. Түймедақ-ол отбасының символы.

Ойын «Суретті жасыр»

Теледидар, үстел, үй, әже.