Атам бата береді тақырыбына ашық сабақ, 5-сынып

Бөлім: Отбасындағы дәстүрлер мен мерекелер

Батыс Қазақстан облысы, Бәйтерек ауданы, Достық жалпы орта білім беретін мектебі

Күні: 12.09.2019ж

Қазақ тілі мен әдебиеті пәні мұғалімі: Искалиева Анар Ермеккалиевна

Сынып: 5д

Сабақ : № 9

Қатысқандар саны:

Қатыспағандар:

Сабақтың тақырыбы:

Атам бата береді.

Сабақ негізделген оқу мақсаты (мақсаттары)

5.Т1. Тақырыпты тірек сөздер арқылы болжау.

5.А2. Қазақша бата беру мен салт – дәстүрлерімен танысу.

5.О1. Мәтіндегі негізгі ақпаратты анықтау.

5.Ж5 Жазба жұмыстарында жалғаулардың ерекшелігін ескеріп, үндестік заңына сәйкес орфографиялық нормаға сай дұрыс жазу;

Жетістік критерийлері:

Оқушының төменгі жетістігі:

Тақырыпқа қатысты мәтінді мәнерлеп оқиды, мәтіндерден тақырыпқа қатысты негізгі ақпаратты таба алады.

Оқушының орташа жетістігі:

Сабақ барысында мәтіндерді талдау,сипаттау арқылы бата- тілектер туралы толық ақпарат бере алады.

Оқушының жоғарғы жетістігі: Жаңа тақырып аясында шағын мәтін құрай алады.

Тілдік мақсаттар:

Пәнге тән лексика мен терминология: Ардагер , соғыс , еңбек ,

бата беру

Бастапқы білім:

«Тоқта , ботам! Атаң келеді артыңда...» тақырыбын сипаттайды. Жетекші сұрақтар арқылы пысықтап өту.

Әдіс-тәсілдер

Сұрақ-жауап, әңгімелеу, түсіндіру, көрнекілік. Рефлексия.

Пәнаралық байланыс

Музыка, қазақ тілі.

Сабақтың барысы:

Жоспарланған

уақыт

Жоспарланған жаттығу түрлері

Ресурстар

Басталуы

5 минут

Психологиялық ахуал қалыптастыру: «Ыстық алақан» әдісі бойынша шеңберде тұрып, бір- біріне ыстық лебіздерін білдіру.

Қызығушылығын ояту: Жаңа тақырыпқа қатысты суреттер әкелу. Оқушылар сурет қиындыларын біріктіру арқылы топқа бөлініп, суреттің мазмұны бойынша жаңа тақырыпты ашады.

Жаңа сөздермен танысу, оқушыларға оқытып, сөздік дәптеріне жаздыру.

Ардагер – ветеран

Соғыс ардагері – ветеран войны

Еңбек – труд

Бата беру – давать благословение

1-топ «Бата»

2-топ «Тілек»

3-топ «Арман»

Ортасы

20 минут

Тыңдалым: «Суреттер сөйлейді» әдісі арқылы жаңа тақырыпты түсіндіру.

Бата, бата беру — адал ниет, жақсы тілек білдірудің ұлттық дәстүрі. Дастарқан басында, түрлі жиын-тойларда, т.б. адам өмірінде кездесер ірілі-ұсақты қуаныштар кезінде той, қуаныш иесіне арнап қол жайып, бата береді. Сондай-ақ, қиын сапар, алыс жолға аттанған азаматына ақ жол тілейтін халқымыздың ежелден келе жатқан, кең таралған дәстүрлерінің бірі. Бата беретіндер, көбіне, көпті көрген ақсақалдар мен кемеңгер де дуалы ауызды билер болып келеді. Бата қысылғанда — қуат, қиналғанда—медет беріп, әрбір іс-әрекетіңе даңғыл жол ашып, бәле-жаладан қорғайды деп есептелген. Бата көзі тірілерге ғана емес, аруақтарға да жасалған. Батасыз, тілексіз өмір болмайды. “Батамен ер көгереді, жаңбырмен жер көгереді” деп халқымыз текке айтпаған. Батаның да қисыны, айтылатын, айтылмайтын жері болады, қуаныш пен тойдың ретіне қарай, соған лайық Бата тілегі болады.

Оқылым: 4-тапсырма.

«Ойлан, бірік, бөліс» әдісі арқылы мағынаны тану. Топтар бір – бірінің жауабын «Бағдаршам» әдісі арқылы бағалайды.

Айтылым: 5-тапсырма. Мәтін мазмұны бойынша төмендегі тақырыптарды ретімен орналастырып, жоспар құра.

Жазылым: 2-тапсырма.

Суреттегі бата беріп отырған атаның бейнесін сипаттап жаз. Жаңа сөздерді қолдан.