Атамекен алтын бесік 7 сынып ашық сабағы

Сабақтың тақырыбы: Атамекен – алтын бесік

Сабақтың мақсаты: Оқушылардың өз атамекенін, туған жерін қорғай білу, Отанын сүйе білу түсініктерін кеңейту.

Құндылығы: Туған жерге, Отанға деген сүйіспеншілік

Міндеттері мен қасиеттері:

Қазақстанның байтақ жерін қорғап, сақтап келген ата – бабамыздың тарихы, еліміздің тәуелсіздігін қорғаудағы орасан ерліктері туралы мағлұмат беру;

Қазақстанның рәміздерін құрметтеу, Атамекенді ардақтау сезімдерін дамыту;

Туған жерін көркейтуге атсалысу, еліне адал қызмет етуге тәрбиелеу.

Көрнекіліктер: нақыл сөздер, презентация

І Кіріспе бөлімі

І Ұйымдастыру кезеңі.

Кезекшінің есебі ( оқушылардың түгелдеу, оқу құралдарын түгелдеу, оқушылардың үй тапсырмаларына дайындығын анықтау )

ІІ Шаттық шеңбері:

Мұғалім сөзі: Өзіңнің сүйікті оқушыларыңды «өзін – өзі тану » сабағында көрген қандай ғанибет. Бүгінгі сабақта сіздердей талантты, білімге құштар шәкірттермен қауышқаныма өте қуаныштымын. Ендеше біздер бір – бірімізге күлімсіреп, сәлемдесіп, сабағымызды бастайық! Бәріміз орнымыздан тұрып, шаттық шеңберін құрайық! Шаттық шеңберінде бірге шаттанып, Қадыр Мырза Әлінің сөзіне жазылған Ескендір Хасанғалиевтің «Атамекен» әнін шырқайық!

Атамекен

Сөзі: Қ. Мырза Әлінікі

Әні: Е. Хасанғалиевтікі

Жасыл жайлау – түкті кілем, көк кілем.

Көк кілемде көп ойнаймын, көп күлем.

Айдарымнан сипап өткен самалды

Қазағымның алақаны деп білем.

Қайырмасы:

Қайда жүрсең, атамекен

Көкейіңде жатады екен.

Күннің өзі ұясына

Қимай оны батады екен,

Жасыл жайлау – түкті кілем, көк кілем,

Көк кілемде көп аунаймын, көп күлем.

Асқар тауың аспаныммен таласқан

Қазағымның мәртебесі деп білем.

Қайырмасы:

Жасыл жайлау – түкті кілем, көк кілем,

Көк кілемде көп аунаймын, көп күлем.

Күннің нұрын, айдың аппақ сәулесін

Қазағымның махаббаты деп білем.

Қайырмасы:

Мұғалім:

Мұғалім: Өте керемет, әсерлі ән ғой, келісесіңдерме?

Топқа бөлу. «Бағдаршам» тәсілі. Ал енді балалар, бағдаршам арқылы топқа бөлініп алайық. Балалар «қызыл», «жасыл», «сары» түстердегі дөңгелек тәрізді жетондарды таңдайды. Өз таңдаулары бойынша «Туған жер», «Атамекен», «Отан» топтарына бөлінеді. Қызыл түсті таңдағандар «Туған жер», жасыл түс таңдағандар «Атамекен», сары түс таңдағандар «Отан» тобына жиналады.

Балалар айтыңдаршы, таңдаған түстеріңмен, топтың атауын қалай байланыстыра аласыңдар? Балалар өз жауаптарын айтады.

Балалар бүгінгі сабағымыздың тақырыбы: «Атамекен – алтын бесік» тақырыбына арналмақ. Оқушыларды жаңа сабақ тақырыбымен, мақсат – міндеттерімен таныстырамын.

Балалар, әдеттегідей сабағымызды « 5 Т » ережесімен бастаймыз.

Тәртіп

Талап

Тыныштық

Тазалық

Татулық

Мұғалім: Ал, енді балалар, «Ойланайық, пікірлесейік» деп аталатын әңгімелесу айдарын бастаймыз. «Миға шабуыл» әдісімен «Алматы апорты» сұрақ – жауап ойынын жүргіземін. Сендерге ой қозғау үшін мен бірнеше ой бөлісу сұрақтарын дайындап келдім, олар мына алма жемістерінде, теріп алып, топпен ақылдасып жауап беріңдер.

Атамекен дегенде ойларыңа бірінші не келеді?

Адамның туған жері әрқашанда атамекен болады ма?

Сенің арман – қиялыңда атамекеніңе қандай орын берілген?

Атамекенін анасындай сүю үшін адам қандай болуы керек?

Ел баласы атану үшін адамға қандай қасиеттер қажет деп ойлайсыңдар?

Біздің Отанымыз қандай деп ойлайсыңдар?

ІІ Негізгі бөлім

Мұғалім: Адам жас кезінде өз болашағын атамекенімен байланыстыра отырып, сол елде өмір сүріп, қызмет ету мақсатын көздейді, бала үшін ата – анасы мекен еткен жерден артық жер жоқ.

Сабақ тақырыбын аша түсу үшін оқушылар әдебиетімізде өзіндік қолтаңбасы бар жазушы, тарихи шығармалардың авторы Қабдеш Жұмаділовтің «Қаздар қайтып барады» әңгімесін талдап, өз түсініктерін айтады. Өйткені алдын – ала осы әңгімені оқушыларға үйде оқып, түсініп келуге тапсырамын. Алдымен Қабдеш Жұмаділовтың өмірі жайлы қысқаша баяндап өтемін.