Атамның сөзі ақылдың көзі тәрбие сағаты

Атамның сөзі ақылдың көзі.

Мақсаты:1.Оқушылардың білімдерін жинақтап , сөз қорын молайту,тереңдету.

2.Оқушылардың қызығушылықтарын арттыру,шапшаңдыққа баулу,белсенділіктерін арттырып, зияткерлік қабілетін дамыту.

3.Топпен жұмыс істей отырып ,өзгенің пікірін құрметтеуге ,ұйымшылдыққа баулу.

Сабақтың түрі: Интеллектуалдық ойын- сайыс.

Көрнекілігі: Жұмбақтар, презентация.

1-жүргізуші:

Біздің топта ұл- қыздар,

Тату- тәтті ойнаймыз.

Әлемдегі бар адамға ,

Тек жақсылық ойлаймыз.

1-оқушы:-Арман деген не?- депті жігіт.

-Арман дегеніміз ақыл-ойдың шындығы.Құс- ұшсам дейді, бала- өссем дейді,қыз-көрікті болсам дейді, қарт жүзге жетсем дейді,ұстаз –шәкіртіне үлгі болсам дейді.Арманына адаспаған жетеді,адасқан арманына жете алмайды.Арманына ақылды жетеді, ақымақ бұл өмірден түңіліп өтеді,-депті қарт.

2-оқушы: Өткен өмір деген не ата ?

Өткен өмір деген сонау ежелгі ата –бабамыздың ерте кезден бері өткен өмір жолы, тарихы.

3-оқушы:- Адамға ақыл беретін кімдер ? депті қарт.

-Ата, ана тілі ғой ақыл беретін,-депті жігіт.

-Жоқ, балам , ана тілі ойды өсіреді.Адамға ақыл беретін ата-ана, ұстаз, досы екенін ұмытпа .Ата-ана ақылын баласы мен қызына айтады,ұстаз шәкіртіне айтады.Жақсы ақыл адамды есейтеді.Адамға ақыл беретін адал дос.

4-оқушы: Өмір сүру үшін не қажет,- депті қарт?

-Ата, өмір сүру үшін ақша ,алтын нан ,мал қажет,-депті жігіт.

-Жоқ, балам, адамның өмңр сүруі үшін су, от , тұз,қыз , ақыл қажет.Су -тіршілік нәрі болса, от-өмірдің әрі, тұз -тағамның дәмі,қыз-өмірдің сәні , ақыл-өмірдің мәні.Адам ақылмен ағайынды табады,ақымақ адам ағайыннан безеді,-депті қарт.

2-жүргізуші: Ата –салты ардақты,

Әрбір сөзі салмақты.

Сол сөздерді ұқпасаң,

Тістерсің бір күн бармақты деген екен қария.

-Міне балалар көрдіңдер ме , дос табу үшін ,елде кімнің қадірлі екенін , өмір сүру үшін не қажет , шындықты бұзатын , достықты нығайтатын не екенімен таныстық, және осыдан ғибрат аларлық , сөздерді есте сақтауымыз керек.

*Балаға нұсқау бергеннен гөрі , аз да болсын таңдау еркін берген жөн.

*Іске жұмсағанда бұйырғаннан гөрі ,оны көмекке шақыру керек.

*Баланың өз қолынан келетін ісі оның алдына түсіп жасауға тырыспау.

*Балаға ұзақ- сонар әңгіме айтып ,ақыл үйретуден аулақ болу.

Интеллектуалды ойын сайы.

1-жүргізуші: Біздің ана тіліміз –қазақ тілі .Біздің Отанымыз Қазақстан.