Атажұрт тақырыбындағы сыныптан тыс жұмыс 11 сынып

Жамбыл облысы. Мерке ауданы.

№34 Жалпы білім беретін мектебінің

Педагог-психологы: Нұрмаханбетова Г.А.

«Атажұрт» интеллектуалды ойын сабақ

Мақсаты:

Білімділік: Аталардан қалған ұлағатты ғибрат аларлық сөздерді

балаларға ұғындыру.

Тәрбиелілігі: Сол сөздерден өнеге алуға баулу.

Дамытушылық: Ойын нақты дұрыс жеткізуге, тапқыр сөйлеуге, ақылды,

салмақты ой айтуға үйрету

Көрнекіліктер: дәйексөздер, бәйтерек макеті, таратпа жүрекшелер.

Сабақтың типі: Сыныптан тыс

Сабақтың түрі: интеллектуалды ойын сабақ.

Кіріспе сөз:

Баланы жастан бақпасан,

Жамандықтан қақпасан.

Қадірден жұрдай қасқа боп,

Кешкенің өмір босқа тек, - дегендей-ақ, баланың ыстық-суығына күймейтін, әрбір жетістігіне сүйсінбейтін ұстаз жоқ шығар. Бүгінгі ұл - ертеңгі әке, ұл әкеге қарап өседі. Бүгінгі қыз - ертеңгі ана, ол шешеге қарап өседі, осыған қарағанда «Әкеге қарап – ұл өсер, шешеге қарап – қыз өсер» деп бекер айтылмаса керек. Балаға білім мен тәрбие беруде басты тұлға ұстаз болса, оны жалғастырушы, демеуші – ата-ана болып табылады. Сондықтан біздер үшін ата-бабаларымыздан бізге жеткен көптеген ұлағатты ғибрат аларлық, тамаша тәлім-тәрбие берерлік өсиет сөздері өте көп. Ұрпақтар арасында үзілместей жіпті берік байлау мақсатында, бүгінгі, «Атажұрт» интеллектуалды психологиялық ойынын ұйымдастырып отырмыз.

Интеллектуалды психологиялық ойынға қатысушыларымен таныс болыңыздар лақап аты, өмірлік ұстанымы.

Ануар: «Болашақ»

Айгерім: «Білім»

Арайлым: «Бақыт»

Арыстан: «Арман»

Бүгінгі ойынға қатысушыларымыздың айтқан пікірін тыңдап, өз бағасын беріп, сарапқа салатын, сарапшылар мен көрермендер дауысымен бағаланады.

Ойын бағдарламасы:

1 тур – «Аталар сөзі – ақылдың көзі»

2 тур - «Самғау» -мақал – мәтелді жалғастыр. Ерекшеленген сөзді орыс, ағылшын тілінде аударыңыз. (Қосымша көмек беріледі досыңызға қоңырау соғыңыз).

3 тур – «Шарықтау» – идеялар аукционы

4 тур - «Жарасып тұр дәстүрім»

5 тур - «Жер ұйық» - сұрақ жауап.

6- тур - «Шырқау».

1 тур «Аталар сөзі –ақылдың көзі» бөліміне кезек берейік.

Ал балалар! 1. Қол бастау қиын ба, Жол бастау қиын ба, Сөз бастау қиын ба? Осы сауалға аталарыңның үнімен жауап беріп көрейік.

Иә балалар, сөзді түйіндейтін болсақ Ақыл- аздырмайтын ем.

Білім-таусылмайтын кен.

Адамның басшысы-ақыл.

Жетекшісі –талап.

Шолғыншысы –ой.

Қорғаны – сабыр.

Қорғаушысы – мінез.

2. Үйде кім, елде кім қадірлі?

Үйде қонақ, қарт, бала қадірлі. Елде хан, әкім, ұстаз қадірлі.

3. Үйдегі алтын қазық кім?

Алтын қазық-ана. Ана ақылды болса, бала дана болады. ана-ақылшың, әке-қарқоршың.

4. Достықты нығайтатын не?

«Ынтымақ, сыйластық» -өмірде дос болуды ойласаң «Сәлеметсіз бе?, Кешіріңіз, рахмет, сау болыңыз, рұқсат па?, сәлем айтыңыз» деген сөздерді шын көңілмен айтуға үйрен. Сәлемдесуді білген кешіре де біледі. Жөн сөз – көңіліңді өсіреді, жөнсіз сөз үмітіңді өшіреді.

Рахмет, балалар сендер керемет жауп бере алдыңдар, олай болса ойынымыздың келесі

2 тур - «Самғау» Мақал – мәтелді жалғастыр. Мен сендерге 5 мақалдан оқимын және сол бесеудің ішінен бір сөзді айтамын сол сөзді ғана орыс, ағылшын тілінде аударасыз. (Қосымша көмек беріледі досыңызға қоңырау соғыңыз).

«Болашақ»

Балалы үй базар, /Баласыз үй қу мазар./

Атадан жақсы ұл туса,

Қар үстінде от жанар.

/Атадан жаман ұл туса,

Ат үстінде ит қабар./

3. Ақ жаулығы ананың —

/Ақ көрпесі баланың./

4. Ананың ойы ұяда,

/Баланың ойы қияда./

Шәкіртсіз ұстаз – /тұл./

«Білім»

1. Ата – бәйтерек, /бала – жапырақ./

2. Балаңды бес жасқа дейін хандай көтер,

Он бес жасқа дейін құлдай жұмса,

/Он бестен ары онымен досыңдай ақылдас./

3. Атадан жақсы ұл туса,

Елінің қамын жейді;