Атырау қаласының тарихы авторлық бағдарламасы

Атырау қаласының тарихы.

Бағдарлама балаларды адамгершілік - отансүйгіштік қасиетке туған өлкесін терең таныстырады. Өлкеміз тұрғындары арасында мәдениеттілік және біліктілікті насихаттауда болашақ ұрпақ бойына тәрбиенің толымсыз жағын жетілдіру. Бағдарламаға шығармашылық әдебиеттер: жоспар, технологиялық карта жобалардың тақырыптық үлгілері, мақал – мәтелдер, жергілікті ақын жазушылар өлеңдері жинақталған. Мектепке дейінгі ұйым тәрбиешілеріне арналған көмекші құрал

І-тоқсан

Балаларға Атырау қаласының тарихымен, табиғатымен таныстырып туған жерін, қаласын қамқорлап сүюге тәрбиелеу. Атырау қаласының таңбасына терең тоқталу, қаланың бұрынғы атауы, көріністеріне тоқталып, балаларды ерлікті құрметтеп, турашыл, шындыққа тәрбиелеу үшін Исатай мен Махамбет өмірімен таныстыру. Ескерткіштердің қойылу мақсатын түсіндіру. Киелі топырақтан туылған атақты адамдарының аты мен олардың шығармашылығымен таныстыру.

ІІ-тоқсан

Бағдарламаның екінші бөлімінде балаларға Жайық өзені және оның табиғаты, Атыраудағы дәрумен шөптер аттарын, қасиетін үйрету. Қаланың көрікті жерлері Иманғали мешітіне, Өлкетану мұражайына саяхат ұйымдастырып, туған өлкеміздің қазба байлықтары және халыққа қызмет көрсеткен зауыттар туралы,ол жерлерде еңбек еткен ардагерлермен кездесу ұйымдастырып,топта шағын мұражай жасақтау.

ІІІ-тоқсан

Бағдарламаның үшінші тоқсанында балаларға Атыраудағы бүгінгі өзгерістер мен қаланың гүлденуіне ата - аналарының қосып жүрген үлесін әңгімелей білуге үйрету. Жеті хан жерленген тарихи ескі қала Сарайшық туралы, Ұлы Отан соғысы кезінде Атыраулықтардың ерлігі туралы бейнефилъм арқылы көрсетіп, жыл соңында балалардың ойларын қорытындылау.