Ауа райы және климаттық өзгерістер ашық сабағы

Қысқа мерзімді сабақ жоспары

Сабақ: 1/9

Ауа райы және климаттық өзгерістер

Күні

Сыныбы 7

Қатысып отырғаны

қатыспағаны

Тақырыбы

Табиғат және адам.

Мұғалімнің аты-жөні

Кызайбаева Дарига Айткурмановна

Осы сабақ арқылы жүзеге асатын оқу мақсаттары (оқу бағдарламасына сәйкес)

1. О1.Мәтіндік және графиктік (кесте, диаграмма, сурет, шартты белгілер) ақпаратты интерпретациялау.

2. ӘТН1. Жалғаулар мен шылаулардың ерекшелігін ескере отырып, үндестік заңына сәйкес орфографиялық нормаға сай жазу.

Сабақ мақсаттары

Барлық оқушы істей алады: Мәтіннен негізгі ақпаратты біледі.

Оқушылардың көпшілігі жасай алады: Мәтінді графикалық органайзерге түсіре алады.

Оқушылардың кейбірі істей алады: Мәтін бойынша ақпараттарға өзіндік көзқарасын білдіреді.

Бағалау критерийі

1. Мәтіннен негізгі ақпаратты түсінеді.

2. Мәтін бойынша негізгі ақпаратты жинақтап, кестеге салады.

3. Жалғаулар мен шылаулардың ерекшелігін ескеріп, үндестік заңына сәйкес орфогравиялық нормаға сай жаза алады.

Ойлау деңгейлері

Түсіну, қолдану, талдау.

Тілдік мақсат

Барлық оқушы істей алады: Жалғаулар мен шылаулардың ерекшелігін ескере отырып, үндестік заңына сәйкес орфографиялық нормаға сай жазады.

Пәнге қатысты сөздік қор мен терминдер: цунами, вулкан, плита, лава.

Диалог құруға/ шығарма жазуға арналған пайдалы терминдер: Табиғи апаттар, найзағай, вулкан, лава, цунами.

Талқылауға арналған сұрақтар: табиғи апаттар адам өміріне қауіпті ме?

Құндылықтарға баулу:

Қоршаған ортаны қорғап, табиғатты аялау.

Пәнаралық байланыс

Қазақ әдебиеті, география

Алдыңғы оқу:

Ауа және климат туралы мәлімет алды

Жоспарланған уақыт

Жоспарланған жаттығу түрлері

Ресурстар

Сабақтың басы

4 минут

3 минут

1.Ұйымдастыру кезеңі: Оқушылармен амандастым, сурет көрсету арқылы назарларын сабаққа аудардым.

Әр топ осы сөздерге қатысты 5 сөзден жазып, оқиды. Сол сөздермен тақырыпты ашамын.

Біздің тақырып қандай деп ойласыңдар?

Иә, өте дұрыс. Бүгінгі біздің сабағымыздың тақырыбы «Адам және табиғат». Тақырыпқа сай сыныпты екі топқа бөлемін. Топтың аттарын тақырыппен байланыстырып қоямын. 1- топ - «Адам» тобы, 2-топ - «Табиғат» тобы.

Үй тапсырмасын тексеру. «Сұрақтар жаңбыры» әдісі арқылы үй тапсырмасын сұрау.

Қазақ халқы қандай жұлдыздар арқылы жолды білген?

Неліктен аспан картасын Темірқазықтан бастаған?

Қалау райы қандай жолдармен жасалады?

Ширату жаттығуы

АКТ

«Сұрақтар жаңбыры» әдісі

Сабақтың ортасы

5 минут

10 минут

5 минут

4 минут

1-тапсырма. Өлеңді дауыс ырғағы мен кідірісті дұрыс қолданып, мәнерлеп оқы. Ақынның идеясын тақырыппен байланыстырыңдар.

1-топқа

Сұр бұлт, түсі суық, қаптайды аспан,

Күз болып, дымқыл тұман жерді басқан.

Білмеймін тойғаны ма, тоңғаны ма,

Жылқы ойнап, түйе қашқан, тай жарысқан.

Жасыл шөп бәйшешек жок бұрынғыдай,

Жастар күлмес, жүгірмес бала шулай.

Қайыршы шал-кемпірдей түсі кетіп,

Жапырағынан айырылған ағаш, қурай.

2-топқа.

Біреу малма сапсиды, салып иін,

Салбыраңқы тартыпты жыртық киім.

Енесіне иіртіп шуда жібін,

Жас қатындар жыртылған жамайды үйін.

Кемпір-шал құржаң қағып, бала бүрсең.

Көңілсіз қара суық қырда жүрсең.

Кемік сүйек, сорпа-су тимеген соң,

Үйде ит жоқ, тышқан аулап, қайда көрсең.

Күзеу тозған, оты жоқ елдің маңы,

Тұман болар, жел соқса, шаң тозаңы.

От жақпаған үйінің сұры қашып,

Ыстан қорыққан қазақтың құрысын заңы.

Дескриптор:

Өлеңді мәнерлеп оқиды.

Дауыс ырғағы мен кідірісті дұрыс қолданады.

Ақынның идеясын тақырыппен байланыстырады.

Кері байланыс: Қолдаушы бағытындағы кері байланыс арқылы жүргізіледі.

«Жарайсыңдар!», «Өте жақсы!», «Бәрекелді!»

2-тапсырма. 1-2 топқа.

Өлеңдегі ақпаратты «Төрт сөйлем» тәсілін пайдаланып айтыңдар.

Пікір. Оқыған мәтін бойынша пікіріңді бір сөйлеммен жаз.

Дәлел. Өз пікіріңді бір сөйлеммен жаз.

Мысал. Пікіріңді өмірмен байланыстырып, мысал келтір.

Қорытынды. Тақырып бойынша қорытынды жаз.

Дескриптор.

Пікірін бір сөйлеммен жазады.

Дәлелін бір сөйлеммен жазады.

Пікірін өмірмен байланыстырып, мысал келтіреді.

Ойын қорытындылайды.

Екі топ оқушылары бір-бірін дескриптор арқылы бағалайды.

Кері байланыс. Қолдаушы-бағалаушы бағытында беріледі.

3-тапсырма.

Екі топқа мәтін беріледі. Мәтінді мәнерлеп оқиды.

1-топ. 1. Мәтіндегі негізгі үш сөйлемді өз ойыңмен сурет арқылы жеткізіңдер.