Ауа және оның қасиеттері туралы 3-сынып сабақ жоспары

Тақырыбы: Ауа және оның қасиеті 3-класс

Негізгі идея: Ауасыз тіршілік жоқ

Оқу мақсаты: Ауа туралы ұғым бере отырып, ауаның адам өміріндегі маңызын түсіндіру.Қоршаған ортаны қорғауға үйрету арқылы экологиялық тәрбие беру.Тәжірбиелер жасау арқылы оқушы танымын кеңейтіп,қызығушылығын ояту

Күтілетін нәтиже: Ауа және оның қасиеттерін біле отырып,ауаның жер бетіндегі тіршілік үшін маңызын ұғынады,ауаның кез-келген жерде болатынын тәжірибе жасау арқылы дәлелдейді. Оқушылар сын тұрғысынан ойлай білуге дағдыланады, өз пікірлерін айта білуге үйренеді.

Cабаққа қолданылатын белсенді әдістер: «Стикердегі диалог, Еркін жазу, Кластер,Бес жолды өлең жазу,Тұжырымдамалық карта

Сабақтың барысы

I.Ынтымақтастық атмосфера

Күлім қағып,

Қолымды бір, екі, үш деп соғайын.

Қарап тұрған көршіме,

Қолымды мен бұлғайын.

Жылы алақаныммен

Маңдайынан сипайын.

Жылы-жылы сөзбенен,

Жүрегімді сыйлайын.

Ыстық алақаныммен,

Қолыңды бір қысайын.

Амандасып өзіңмен,

Құшақтап бір алайын

(Оқушылар өлең жолдарындағы сөздерге байланысты қимыл жасайды.)

II.Үй тапсырмасын тексеру «Стикердегі диалог»әдісі бойынша өткізіледі.Әр топқа стикерге жазылған сұрақтар беріледі.

І топ:

1.Дене деген не?

2.Дене нешеге бөлінеді?

3.Табиғи денені атап шық?

ІІ топ:

1.Жасанды денені ата

2.Табиғи дене нешеге бөлінеді?

3.Тірі денелерді атап шық.

ІІІ топқа

1.Өлі денелер деп қандай денелерді айтамыз?

Өлі денелерге мысал келтір.

2.Заттарды бір-бірінен қалай айырады?.

3.Дене неден тұрады?

ІҮтоп:

1. Табиғат құбылыстары деген не?

2. Қыс мезгілінде болатын табиғат құбылыстарын ата.

3.Көктем мен күзде болатын табиғи құбылыстарды ата

Үтоп:

1.Тірі және өлі денелердің арасында қандай айырмашылық бар?

2.Жаз мезгіліндегі құбылыстарды ата

3. Дене мент заттың суретін салу

III.Қызығушылықты ояту

Жұмбақ

Мұрныннан кеудеге өтеді,Одан кері кетеді,Өзі көзге көрінбейді,Онсыз өмір сүрілмейді.

Шешуі:Ауа

-Видеокөрсетілім «Ауа туралы (Оқушылар жауабын айтады.Сөйтіп сабақтың тақырыбы хабарланады.)

-Көрсетілім көрсетпес бұрын оқушыларға неге көңіл аудару керектігіне нұсқау беру

-Жер шарын не қорғап тұрады?

-Ол не үшін қажет?

-Ауаның құрамы

-Ауа қабатын не дейміз?

-Ол бізді неден қорғайды?

IV.Мағынаны тану

Мәтінмен жұмыс

Әр топқа мәтінді теңдей бөліп оқытып,талдауға уақыт беру .Әр топ постерге жазып ,сурет салып қорғайды

*Бақылау күнделігімен жұмыс