Ауған ақиқаты Қазақстан тарихы бойынша танымдық материал

Ауған ақиқаты

1-жүргізуші: Қайырлы күн қымбатты ұстаздар мен оқушылар!

2-жүргізуші: Армысыздар бүгінгі кездесуіміздің аса құрметті қонақтары!

1-жүргізуші: Кеңес әскерлерінің Ауған жерінен шығарылғанына 25 жыл толуына байланысты «Ауған ақиқаты» тақырыбындағы тарихи-танымдық кездесу кешімізді:

1-2 жүргізуші: Ашық деп жариялаймыз!

1-жүргізуші: : Армысыңдар, ауғандық жауынгерлер?

Жырым бар жараланған жаныңды емдер.

Өлгендердің жәннатта болсын жаны,

Тірілерің мың жаса, дәуірлеңдер.

2- жүргізуші:

Жаулардан қарсы келген жасқанбаған,

Жасаған ерлігіне мастанбаған.

Ұрпаққа өмір жолың өнеге боп,

Тарихта ардагерлер асқан бағаң – деп батылдық пен ерліктің ерен үлгісін көрсеткен қаһарман жерлестеріміз бүгін біздің ортамызда.

1-жүргізуші: Бүгінгі кешке қатысушы қонақтарымызбен таныс болайық:

Ауған соғысының ардагерлері: Айнеков Марат Сейтайұлы – Талдықорған қаласындағы Нұрғиса Тілендиев атындағы саз мектебінің оқытушысы. Омаров Амангелді – жол жөндеу мекемесінің қызметкері.

2-жүргізуші: Құрметті қонақтар сіздерді ортаға шақырамыз.

1-жүргізуші: Соғыс жан алып – жан беру.

2-жүргізуші: Соғыс халықтың басына келген қасірет, жұт.

1-жүргізуші: Ауғанстан жеріндегі соғыс тарих беттерінде өзіндік із қалдырды. Тарих бетінен сызып алып тасталмайтын бұл соғыстың қысқаша тарихын сөз етейік. (Бейне таспа көрсетіледі.)

2-жүргізуші: 1989 жылы ақпан айының 15-інде талай аналарды перзенттен айырған, мыңдаған жерлес бауырларымыз қаза тапқан қасіретті де, қайғылы да «Ауған соғысы» аяқталды. Жылдар өткенімен жауынгерлеріміздің өшпес ерлігі ел есінде сақталуда. Бүгін де «Ауған соғысы» қажет пе еді? деген сұрақтар көп қойылған кезде, біз жастар, еліміздің сол соғысқа қатысқан ұлдарын Отан алдындағы борыштарын адал атқарған азаматтар деп құрмет тұтамыз.

1-жүргізуші: Ауған соғысының табиғаты да, тарихы да өзгеше. Ол уақытта 18 бен 20-ның арасындағы өрімдей жастар, бас-аяғы 22 мың қазақстандық өзге азаматтар мамыражай тіршілік етіп жатқан кезде, бөтен елде өздерінің ел алдындағы борышын өтеді.

2-жүргізуші: Ауған соғысына КСРО құрамында 22 мың қазақстандық қатысты. 2238 күнге созылған соғыста 924 қазақстандық мерт болып, 1015 жауынгер мүгедек болып қайтты, 21 адам хабар-ошарсыз кетті.

1-жүргізуші: Соғыс деген қаралы ұғым. Ауған соғысында мерт болғандар мен ардагерлердің алдында қашанда бас иеміз. (Бейне таспа)

2-жүргізуші: Еске алайық, құрметтейік құрбандардың рухын,

Қабірлері нұрға орансын, суық көрде жылынсын.

Есіл ерлер ескерткішке айналсаңда біз үшін,

Мәнгі бақи тірісіңдер, тірісің.

1-жүргізуші:Бұл соғыста өздерінің азаматтық борышын өтеп жүріп жарқын өмірлерін қиған, елге оралмаған жауынгер азаматтарымызды 1 минут үнсіздікпен еске алайық. (Еске алу.)

1-жүргізуші: Рахмет! Отырыңыздар.

2-жүргізуші: Ауған соғысының ардагері бүгінде мәжіліс депутаты, қоғам қайраткері Бақытбек Смағұл ағамыз «Ең алдымен адам баласын жақсылыққа үміттендіріп, жақсылыққа жетелеген лазым. Жамандықтың бір кілті ашылса адамның да, қоғамның да қалған өмірі күреспен өтеді. Елбасының биылғы Жолдауы Қазақстанның әлемдік деңгейдегі бет алысы мен бағытын айқындап берді. Президентіміз Жолдауын жастарға арнады. Шын мәнінде бүгінгі жастар өзгеше. Тәуелсіз елдің төл перзенттері, санасы тәуелсіз, ойы озық, білімі асқақ азаматтар. Жастар жауапкершілікпен қатар, ауыртпашылықты да сезінуі керек » - дей келе бүгінгі еңбек майданын кешегі Ауған соғысына теңеген еді.

1-жүргізуші: Мархабаева Арайдың орындауында «Нұрсұлтан аға» әнін қабыл алыңыздар!