Ауғанстан жүректегі жара тәрбие материалы

Тәрбие сағаты: «Ауғанстан - журектегі жара»

Мақсаты:

Білімділігі: Ауған оқиғасының тарихи мағынасын ашып, оқушыларға түсіндіру.

“Ауған соғысы” – жайлы тереңірек біліп тану, соғыс ардагерлері туралы мәлімет алу.

Дамытушылық: Тарихи деректердің маңыздысын аша білуге және материалдарды диалектикалық тұрғыдан талдай білуге дағдыландыру.

Тәрбиелік: Тәуелсіздік жолында күрескен аға - апаларымыздың ерлігін кейінгі ұрпаққа үлгі ете отырып, оқушыларды ұлтжандылыққа, отанын сүюге тәрбиелеу.

Әдісі: еске алу сабағы

Көрнекілігі: Тақырыпқа сай слайд. Интерактивтік тақта.

Сабақ жүрісі: Ашылуы

Жүргізуші – Надыр, Мехрбан

Сол Ауғанда талай досты жерледік

Қарлы шыңға күн түн демей өрледік

Сұрапылда ерледік те шерледік

Намыс туын қолдан бірақ бермедік

Надыр:

Армысыздар қымбатты ұстаздар, оқушылар және бүгінгі кездесуіміздің аса құрметті қонақтары!

Мехрбан:

Батырлыққа уызынан жарыған,

Ер төркіні байрағынан таныған.

Өзі ақын, өзі әнші халықта

Кім айта алар, болмаған,- деп - Әнұран?!

Жүргізуші –Надыр: Қазақстан Речпубликасының мемлекеттік әнұраны өрындалсын!

Әнұран орындалады.

Жүргізуші - Мехрбан:

Соғыс жан алып – жан беру

Соғыс халықтың басына келген қасірет, жұт

Кеңес әскерлерінің Ауған жерінен шығарылғанына 29 жыл толуына байланысты «Ауғанстан - жүректегі жара» тақырыбындағы кешімізді ашық деп жариялаймыз.

Жүгізуші - Надыр:

1989 жылы, Ақпан айының 15 - де талай аналарды перзенттерден айырған, мыңдаған жерлес бауырларымыз қаза тапқан қасіретті де, қайғылы да «Ауған соғысы» аяқталды. Жылдар өткенімен жауынгерлеріміздің өшпес ерлігі ел есінде сақталуда. Бүгінде «Ауған соғысы» қажет пе еді? деген сұрақтар көп қойылған кезде, біз жастар, еліміздің сол соғысқа қатысқан ұлдарын Отан алдындағы борыштарын адал атқарған азаматтар деп құрмет тұтамыз.

Жүгізуші – Мехрбан:

Ән: Құрбан Диер «Ұлы дала»

Жүгізуші - Надыр:

Баяндама: «Қажетсіз соғыстың қасіреті». Баяндама оқитын

Ахмет Азиза

КОКП ж/е КСРО басшылығы Ауғанстандағы 1978 жылғы сәуір төңкерісі нәтижесінде билікке келген "Халықтық-демократиялық үкіметті" қолдап, көршілес елдің социалистік бағытпен дамуын көздеп интернационалдық әскери жәрдем береміз деген желеумен оның ішкі істеріне араласты. 1965 жылы қаңтарда Ауғанстанда Кеңес Одағы Мемлекеттік қауіпсіздік комитеті тыңшыларының қатысуымен астыртын қызмет атқарған Ауғаныстан халықтық-демократиялық партиясы құрылып, біраздан соң ол екіге бөлініп "Халық" тобын Н.М.Тараки, Х.Амин, ал "Парчам" тобын Б.Кармал басқарды. 1977 жылы мамырда Мәскеудің нұсқауымен Ауғанстан халықтық-демократиялық партиясының екі тобы бірігіп астыртын қимылдарын ұлғайта түсті. Мұхаммед Дауд үкіметі халықтық-демократиялық партиясына қысым жасап, 1978 жылдың 26-сәуірінде оның бала-шағасымен қазаға ұшырады. Сөйтіп Ауғанстанда АХДП билігі орнады. Жаңа үкімет КСРО-ның айтқанынан шықпай, бірден социализм негізін қалауға көшті. Жер реформасын енгізу, діндарларды қудалау, ағарту саласындағы өзгерістер, кеңестік романдарды көбірек пайдалану жергілікті көшпелі тайпалардың әдет-ғұрпымен, салт-мүддесімен санаспау, т.б. бұхара халықтың наразылық тудырды. 1978 жылы қазанда ірі қақтығусылар басталды.

Жүгізуші – Мехрбан:

Еске алайық, құрметтейік құрбандардың рухын,

Қабірлері нұрға орансын, суық көрде жылынсын

Есіл ерлер ескерткішке айналсаңда біз үшін

Мәңгі бақи тірісіңдер, тірісіңдер, тірісің!

Жүгізуші – Надыр:

”Батырдың ғұмыры қысқа, даңқы ұзақ” дегендей сіздер мәңгі бізбен біргесіздер. Ауғанстан жерінде интернационалдық борышын өтеп жүріп мерт болған сарбаздарды бір минут үнсіздікпен еске алайық!

Рамет отырыңыздар

Жүгізуші – Мехрбан - Надыр:

Жалт ете қап оқ жаудан ұшқан,

Сен құлаган көлбетіп таулы алыстан.

Елестейсің көзіме қасірет боп

Қайғым да сен мәңгілік- Ауғаныстан!

Надыр: «Ауған соғыс ардагерлеріне арналады» ауған соғысы жайындағы репортаж.

Жүгізуші – Мехрбан:

Жеке би: Жұмабай Шадена

Жүгізуші – Надыр:

Өлең жөлдары: Айжамал, Әділ, Жасмина, Қадір

Жүгізуші – Мехрбан:

Ардагерлер Айтса ертек көргендері Табандары таймаған өрден кері Сыңғырлап сыр шертеді жиындарда, Кеуде толы жарқырап ордендері.

Сөз кезегі «Ауған соғысының ардагері» Бабаев Мухаметжан Маметжанұлыны беріледі.

Жүгізуші – Надыр:

Құрметті ауған соғысының ардагерлері Бабаев Мухаметжан ағай, осы соғыс туралы сіздерге қоятын оқушылардың бірнеше сұрақтары бар : Санжар: Адам жүрегіне жара, санасына ауыр салмақ салып, сұм соғысқа өз еркіңізбен бардыңыз ба?Мухит: Соғысқа шыдамай өз - өзіне қол жұмсаған адамдар болды ма?

Юсуф: Бастан өткізген қиындықтарды ұмыту мүмкін емес қой. Ал сіздің әскери борышыңызды өтеу қай жерде басталды, алғашқы кездерде қандай қиындықтар болды? Ауғанстан несімен есіңізде…