Ауылым алтын бесігім ашық тәрбие сағаты

Сабақтың тақырыбы: «Ауылым – алтын бесігім»

Сабақтың мақсаты: Туған ауыл тарихымен таныстыру.

Оқушылардың туған жер, ауыл туралы түсініктерін кеңейту. Туған жердің қадір – қасиетін ұғынуға, өз ойларын жүйелі түрде жеткізе білуге үйрету, тәрбиелеу.

Сабақтың әдісі: сұрақ – жауап, түсіндіру, ой – қозғау.

Сабақтың көрнекілігі: интерактивті тақта, қанатты сөздер, ауыл туралы бейнебаян мен ән, суреттер.

Сабақтың барысы:

І.Ұйымдастыру кезеңі:

Психологиялық дайындық. «Ақ тілек. Әсем күлкі»

-Көңіл-күйлеріңіз қалай?

-Керемет!(қолдарын көтереді)

-Сабаққа дайындықтарың қалай?

-Тамаша! (қол соғады)

-Ынталарыңыз қалай?

-Ғажап! (қолдарын көтереді)

-Ендеше ашық тәрбие сағатымызды бастайық!

- О, о, о (бас бармағын көтереді)

ІІІ. Топқа бөлу.

«Түймедақ гүлі»

Ортаға түймедақ гүлі қойылады. Әр оқушы түймедақ гүлінің күлтесін алып, күлтенің артындағы көл аттары бойынша топтасады.

ІІІ.Негізгі кезең

Мұғалімнің кіріспе сөзі.

Біз қазақ деген мал баққан елміз,

Ешкімге соқтықпай жай жатқан елміз.

Жерімізді жау баспасын деп,

Елімізден құт – береке қашпасын деп, Найзаға үкі таққан елміз, - деген екен рухы мәңгі өлмейтін Қазыбек би атамыз. Біздің Отанымыз - Тәуелсіз Қазақстан! «Қазақстан» дегенде көз алдымызға кең байтақ, ұлы дала бейнесі көз алдыңа келеді.

Олай болса бейнебаянға назар аударайық.(Бейнебаян)

Қайда жүрсем, туған жерім

Сен есімнен шығармысың!

Жастық дәурен құрған жерім

Көз алдымда тұрармысың!

Ғашық едім қыр гүліне

Қызық-тойым сенде өтеді

Сенде өткізген бір күніме

Дүниеде не жетеді!

- Бейнебаянның әнінде не туралы баяндалған?

- Ауыл дегенде көз алдарыңа не елестейді? – деген сұраққа не деп жауап берер едіңдер?

Ендеше бүгінгі сабағымыз сол ауыл туралы болмақ.Ашық тәрбие сағатымыздың тақырыбы «Ауылым – алтын бесігім» деп аталады.

Ауыл. Көктемдегі малдың төлдеуі, жасырынбақ ойнау, тауықтарға жем шашу, қой кезегі, атпен шауып ойнау, бүлдірген теру, егін жинауы көз алдымызға елестейді.

1- тапсырма.Венн диаграммасы бойынша жұмыс.

Ауыл өмірі мен қала өмірін салыстыру, оларға не ортақ?

2- тапсырма.Ауылда тұру «тиімді», «тиімсіз» бағыттары бойынша сөзсайыс.

Мұғалімнің сөзі.

- Балалар, біздің ауылымыз қалай құрылған?-деген сұрақ төңірегінде ой өрбітіп көрейікші. (Оқушылар Бексейіт ауылы туралы не білетінін баяндайды).