Ауылым алтын бесігім тәрбие сағаты

«Ауылым алтын бесігім»

Мақсаты:

Жеке тұлға бойында туған жер, атамекенге сүйіспеншілігін қалыптастыру.

Өзі тұратын еліне құрметпен, мақтанышпен қарауға тәрбиелеу.

Туған жеріне, табиғатқа, қамқорлықпен қарауға баулу, балалардың ұлтына деген сүйіспеншілік, мақтаныш сезімдерін тәрбиелеу.

Туған еліне деген сүйіспеншілік, патриоттық сезімдерін оята отырып, адамгершілікке, ұқыптылыққа,әдептілікке тәрбиелеу.

Міндеті:

Өз тарихына деген мақтаныш сезімін ұялатып, отаншылдық тәрбие бере отырып, ұлт тарихын санаға сіңіру.

Мәселесі:Тұңғыш елбасымыз Н.Ә.Назарбаевтың «Рухани жаңғыру» атты бағдарламалық мақаласынан туындайтын міндеттердің бірі ұлтымыздың ұлыларын қастерлеу, оны ұрпақ санасына жеткізу.

Уақыты: 2020-2021 оқу жылы

Бүкіл 19-ғасыр әдебиетінде қимыл мен күрес жырын Махамбеттей ғып жырлаған өзгеше ақын болған емес.Алды да, арты да бір өзі сияқты.

Мұқтар Әуезов

Дауылпаз жырдың тарланы- Махамбет

Махамбеттің Исатай Тайманұлына арнап жазған өлеңдері:

«Исатай деген ағам бар»

«Мінгені Исатайдың ақтабаны-ай»

«Тайманның ұлы Исатай»

«Мінкен ер»

«Исатай сөзі»

«Тарланым»

Ұлы қазақ батырлары Исатай мен Махамбетке арналған ескерткіш Атырау қаласындағы Махамбет алаңы орталығында орналасқан.

Атырау облысындағы тарихи-мәдени ескерткіштер қатары тағы бір нысанмен толықты.

Махамбет ауданының орталық алаңына Халық батыры Махамбет Өтемісұлының болмыс- бітімін бейнелейтін еңселі ескерткіш орнатылған.

Халқымен қайта қауышқан хас батыр.

Махамбет-ғасырдан ғасырға жалғаса беретін, уақыт өткен сайын қын түбінде жатпас алмас қылыштай жарқырай беретін тұғырлы тұлға.Махамбетті білмейтін қазақ жоқ. Бірақ, бұл оның адами болмысы мен айбалта –жырын көзге елестетіп, тілге оралтумен шактелмейді. Бейбіт заманда өмір сүріп жатырмыз десек те, Махамбеттің жүрегін кескілеген намыс пен күрескерлік қасиеттер қазіргі кезде де кез келген «ұлтым, жұртым» дейтін азаматтың бойында атойлап тұруы тиіс. Өйткені, арын таптатқан, рухын төмендеткен елдің болашағы бұлыңғыр. Махамбет ұлттық тұлға, оның батырлығын, ақындығын, күйшілігін азаттық жолындағы арыстандай арпалыып болашақ ұрпақтың санасына сіңетіндей етіп дәріптеу- алты алаштың айбынын асқақтатары сөзсіз. Бодандықтың бұғауынан бұлқынып, «ереуіл атқа ер салған» сол күндердің көмескілеу ізі қалса да тарихи маңызы жойылмақ емес.Махамбет ауданындағы Халық батыры Махамбет Өтемісұлы ескерткішінің техникалық сипаттамасы:

-Ескерткіштің биіктігі- 5метр 40 см

-Тұғырдың биіктігі -5метр 40см

-Жалпы биіктігі-10метр 80 см

-Ескерткіш қоладан жасалған