Ауызекі және жазбаша тіл туралы сабақ жоспары 4 сынып

Пәні: қазақ тілі Өткізілген мерзімі:

Сабақтың тақырыбы: Ауызекі және жазбаша тіл.

Сабақтың мақсаты: а)Сөйлеудің ауызша және жазбаша түрі, олардың ерекшеліктері туралы

білімдерін пысықтау.

ә) Сыпайы, әсерлі, дәлелді сөйлей білуге баулу, сөздік қорларын дамыту.

б) Ана тілін қадірлей білуге тәрбиелеу.

Сабақтың әдісі:сұрақ-жауап, қайталау, жаттығу.

Сабақтың түрі:аралас сабақ

Сабақтың көрнекілігі:кестелер жинағы,топшама

Сабақтың барысы:

I. Ұйымдастыру бөлімі.

Оқушылардың сабаққа дайындығын қадағалау.

II. Үй тапсырмасын тексеру.

3-жаттығу.

Сурет бойынша мәтін құрастырып жазу.

-Осыған байланысты қандай мақал-мәтел білесіңдер?

III. Жаңа сабақ

-Адамдарға сөйлеу не үшін керек?

-Сөйлеу не арқылы жүзеге асады?

-Ауызекі тіл мен жазбаша тілдің айырмашылығы қандай?

Оқулықпен жұмыс.

1-жаттығу.

Мақалдарды түсініп оқы және мағынасын түсіндір.

Тіл қаруы – сөз,

Сөз қаруы – ой.

Сөз – адамның айнасы.

2-жаттығу.

Мәтінді мәнерлеп оқу.

-Алпамыстың тойында қандай тілектер айтылды?

-Тағы қандай тойларды білесіңдер?

-Онда қандай тілектер айтылады?

3-жаттығу.

Жұмбақтар.

1.Ойды аяқтап тұрады,

Жауап сөз қалап тұрады. (Сұраулы сөйлем)

2.Ұранды, шаттықты,

Өкініш, аптықты,

Білдіріп ойын талайдың,

Шарға ине қадаймын. (Лепті сөйлем)

Жұмбақ шешуі болған тыныс белгілеріне екі-екіден сөйлем құрастырып жазу.

4-жаттығу.

Өлеңді жатқа жазу. «Ана тілім».

*Өлең мазмұны бойынша мәтін құрастырып айт.

-Сендер қандай сөйлем түрін қолдандыңдар?

IV. Сабақты бекіту. Қорытынды.

а) Сұрақ-жауап арқылы бекіту.

ә) Топшамамен жұмыс.

V. Бағалау, мадақтау.

Сабаққа белсене қатысқан оқушыларды мадақтап, бағалау.

VI. Үйге тапсырма.

5-жаттығу. (22-бет)

Мәтінді түсініп оқу.

Әңгіменің мазмұнын өз сөзіңмен баянда.