Аялайық гүлдерді, мектепке дейінгі ашық сабақ

Білім беру саласы: Қатынас,Таным, Шығармашылық

Оқу қызметті: Кіріктірілген сабақ түрі

Тақырыбы: «Аялайық гүлдері»

Мақсаты: Жыл мезгілінде болатын маусымдық өзгерістер туралы түсінік қалыптастыру. Гүлдердің түрлерімен таныстыру,гүлдердің түр-түстерін ажыратуға,санай білуге баулу.Қол маторикасын дамыту. Балалардың тілін,сөздік қорын,логикалық ойлау қабілеттін,сұрақтарға жауап беруге қызығушылықтарын арттыру.

Әдіс-тәсілі: Көрсету,түсіндіру,сұрақ-жауап,ойын.

Көрнекіліктер: Суреттер,лепбук,Зайцев кубиктері,ұнтақ жармасы.

Сөздік минимум: Көктем -весна,гүл-цветок.

Шаттық шеңбері

Аппақ болып таң атты,

Түтін тік боп шығады.

Гүлге қонған көбелек,

Самғап биік ұшады.

Қоюланып қара бұлт,

Төкті жаңбыр себелеп,

Жапырақты жамылып

Бұға қалды көбелек.

Балалар шаттық шеңберіне тұрып, қимыл-қозғалыспен орындап шығады.

- Ал енді әр түсті гүлдерді таңдау арқылы топқа бөлінейік.

Балалар өздеріне ұнаған гүлді таңдап, сәйкесінше сол түсті гүлге

барып отырады.

Балалардан өздері тұратын ауыл, балабақша тобы туралы сұрау.

-Балалар, бір жылда қанша мезгіл бар?

Балалар лэпбук арқылы төрт мезгілді атап шығады.

-Көктем мезгілінің айларын атап шығайық.

Жарайсыңдар, балалар!

Тәрбиеші: Наурыз айында аналар мерекесін өткіздік, аналарымызға өз қолымызбен қағаздангүл жасап сыйладық. Сонымен қатар көктемнің алғашқы айында Ұлыстың ұлы күні наурыз мейрамын қарсы алдық. Бұл біздің ұлттық мейрамымыз.

Көктемде күн жылынады, қар ериді, жиі жаңбыр жауады, жерге шөп, гүлдер өсе бастайды. Ағаштар бүршік атады, шөптер көгеріп шығады, гүлдер бүршік жарады.Қар астынан ең алғашқы болып бәйшешек шығады.

Балаларға әр түрлі гүлдердің суреттерін көрсету, аттарын атап шығу.

Көктемде қызғалдақ, бәйшешек, бақбақ, жауқазын, т.б гүлдер өседі.

Бұл гүлдер дала гүлдеріне жатады.

Сонымен қатар бөлме гүлдері болады. Бөлме гүлдерін арнайы ыдыстарға салып, бөлмеде өсіреді. Біз гүлдерді қопсытып, , су құйып қарап, өсіреміз. Гүлдер бізге таза ауа, сұлулық, жұпар иіс береді.

Әр топтың топ басшысын сайлап алу.

1-топ: Н.Зайцев кубиктерімен гүлдердің суреттеріне қарап сөз құрастыру. Бәйшешек, қызғалдақ, раушан гүл,

2-топ:Монтессори технологиясын пайдалана отырып, ұнтақ жармасымен гүлдің суретін салу. Ермексазбен гүлдерді жасау.

3-топ:Жәндіктерді ермексаздан жасау.

3-топ: Лэпук. Гүлдерді түсіне қарай орналастыру, санау,су бояумен жұмыс.

Балалар кубиктермен, лэпбукпен, ұнтақ жармасымен жұмыс жасайды.

Балалардың жұмысын әр топ басшысына бағалату.