Аяулы күз, алтын күз балабақшаға арналған жұмыс

«Аяулы күз, алтын күз»

Мақсаты: Балаларды күз мерекесіне тән белгілерді тауып, табиғатты қорғауға жемістер мен көкөністерді ажырата білуге, оның сұлулығын тамашалауға тәрбиелеу. Берекелі күз туралы мағлұмат беріп, тақпақтары мен ән билер арқылы мерекелік көңіл күй сыйлау.

Көрнекілігі: саз залы мерекеге сай безендірілген «Бақ іші» көрінісі «Алтын күз» ханшасы, көкөністер ағашы, күн мен жаңбыр, құстар кейіпкері.

Жүргізуші: Қарсы алайық бәріміз,

Жасымыз бен кәріміз.

Қырдан кепті қыдырып,

Алтын күз бізге нұр төгіп.

Тілегім аман болсын ел іргесі,

Алтын күз қайта келді берекесі.

Молшылықтың жаршысы бола білді,

Алтын күз – ырыс, береке ала келді.

Армысыздар ағайын! Сәлеметсіздер ме қадірлі қонақтар! Бүгін біз жыл мезгіліндегі ең тамаша «Аяулы күз – Алтын күз» атты ертеңгілігімізге қош келдіңіздер! Олай болса «Балауса» тобының бүлдіршіндерін қарсы алыңыздыр.«Алтын күз» мерекесіне сай киінген балалар қол ұстасып әдемі әуеннің үнімен саз залына кіреді.

Хор-би: «Жапырақ»

Ғажайып сәт: орманнан дыбыстары шығады.

Жүргізуші: ой қарандаршы, балалар үлкен алма ағашы тұр екен. Қандай әдемі! Балалар алма ағашы қозғалып жатырған сияқты. Бұл не болды екен а?

Ұлу: Бұл менің алмам. Мен сендерге бермеймін.

Жүргізуші: жоқ, бұл біздің аламамыз. Бұны біз мереке біткен сон жейміз.

(Ұлу ренжіп жерге отырып алады)

Жүргізуші: Ұлу сен ренжіме. Бізбен бірге мерекені тойлауға қалай қарайсын. Мереке біткен сон бәріміз бірге алманы бірге жейміз. Кел бәріміз бірге ән салып, би билейік,бізге қосыл.

Жүргізуші: Қане, балалар ұлуға өз өнерімізді көрсетейік. Келесі кезекте тобымыздың бір топ бүлдіршіндерінің күз мерекесіне арналған ізгі тілектерімен ортаға шақырамыз.

Шахмардан: Алтын күз, әсем айналам,

Қараймын көзім тойғанша.

Жақын қалды желтоқсан,

Жабырқайды жапырақ.

Мерей: Алтын, сары, қызыл, көк,

Алуан, алуан жапырақ.

Күзгі бақта күлімдеп,

Көз тартады жапырақ.

Асанәлі: Алақай, алақай,

Шаттанды балақай.

Береке – салты күз,

Мереке – Алтын күз.

Жүргізуші: Жарайсыңдар балалар!

Ұлу: Жарайсыңдар балалар! Сендер өнерлі екенсіңдер.

Ғажайып сәт: Күз ханшайымы әсем әуенмен келеді.

Күз ханшайымы:

Уа халайық, дархан далам армысың!

Табиғатым жаны жайсаң тал мүсін.

Ханшайымы күздің бүгін келіп тұр,

Алмақ болып бар халқының алғысын.