Аяулы күз, алтын күз тәрбие сағатының материалы

Өскемен қаласы әкімдігі

«Оралхан Бөкей атындағы № 44 лицейі»КММ

«Аяулы күз, Алтын күз» атты тәрбие сағаты

5- «А» сыныбы

Мадина: Армысыздар қымбатты мырзалар мен ханымдар!Баян: Қайырлы күн,Ұлағатты ұстаздар, жалынды да жігерлі достарым.Берекелі де мерекелі Алтын күз мерекелеріңіз құтты болсын!

Мадина:Шөп сарғайып ,Өңі тайып.Дала сұры қашадыБой жаза алмай,Денең мұздап тоңадыАйтшы БаянБұл қай кезде болады?

Баян:Қараша айы молшылықДәулет қорын қаладыЗаңғар көкке жол сызып,Құстар қайтып барадыБұл құбылыс МадинаКүзде ғана болады.

Мадина:Көк аспаным мөлдіреп,Шуақты көзім елжірепАсыр салып жүретінСары көйлегім желбіреп,Айтшы БаянБұл қай мезгілдің келгені.

Баян:Жайдары күз, жарқын күзАяулы күз,алтын күзДәнге толы кең даламДариядай шалқар күзМадина, бұл Алтын күздің келгені.

Мадина:

Қуандырып біздерді

Мерекелі күз келді

Кел жемісті алтын күз

Кемелденсін халқымыз

Ортаға себет толы жемістері бар Күз-Амина келеді. (қол соғып қарсы алу)

Күз-Амина:

Сәлем өрен достарым

Өмірге көп қосқаным

Қымбатты сый алыңдар

Молайтыңдар шаттықты

Ән айтыңдар бақытты..

Баян:

Астық жеміс жиылды

Қамбамызға құйылды

Ардақты күз мың алғыс

Алдық өнім сыйыңды

Хормен: Ардақты күз мың алғыс.

Күз-Амина: Мен күзбін, өте еркемін, сәл нәрсеге ренжіп бұртиып, қабағымды түйе қаламын. Кейде болмашыға өкпелеп, көз жасымды аямай төгіп- төгіп жіберемін. Әйтсе де менің жомарттығым мен ақкөңілділігім үшін бәрі де ұнатады.

Мадина: Иә, біз сізді дархан алтын күз деп байлық, молшылық, дархан алтын күз деп білеміз.Біздің сізге арнаған сыйымыз бар .Бүгін сыныптастарымыз сізге арнап өз өнерлерін көрсетпек.

Баян:

Көбейді құт- береке

Астық толы қоймамыз

Құтты болсын мереке

Алтын күзді тойлаймыз.

Күз-Амина:

Барлығыңды қимаймын

Барымды мен сыйлаймын

Бір айға бір демім

Өздеріңмен біргемін.

Мадина: Алтын күз, төрге шығыңыз. Әділқазылар алқасының қасына отырғызу. Баян Аминаны қолынан ұстап, әділқазылар алқасының қасына отырғызады.

Мадина:

Уа, халайық, халайық!

Мұнда назар салайық.

Мерекесі халықтың,

Алтын күзді бастайық

Алтын күзге арналған

Сайысты біз бастайық.

Баян: Құрметті халайық бүгінгі өткізгелі отырған байқауымыздың негізгі мақсаты жаңа ғасырдың ұлы көшінде егемендігі еңселене түскен Тәуелсіз Қазақстанда тұрып тәрбиеленіп жатқан жастарымыздың рухын көтеріп, эстетикалық талғамын арттыру арқылы өнерге сезімталдыққа, адалдыққа, еңбекқорлыққа тәрбиелеу болып табылады.

Мадина: Олай болса, бүгінгі «Аяулы күз,Алтын күз» атты кешімізді ашық деп жариялаймыз. Сайысымыз 5 кезеңнен тұрады.