Аяз атаға көмек жаңа жылдық ертеңгілік сценарийі

Аяз атаға көмек

(Балалар әуенмен залға кіреді)

Жүргізуші: Жаңа жылдың таңы жеткен арайлы,

Ақ мамыққа бөлеп алды маңайды.

Жаңа жылмен құттықтаймын деген үн,

Қанаттана кең алқапқа тарайды.

Жасыл желек жамылған,

Асыл моншақ тағылған,

Міне, сұлу шыршамыз,

Көптен күтіп сағынған.

Кел, балалар, келіңдер

Тамашаны көріңдер.

Тақпақтар: Әнел, Айдана,Жамбыл, Алия, Аяжан

Ән: «Ахау, Жаңа жыл!»

Жүргізуші: Аяз ата мен Ақшақардың келе жатқаны көрінбейді ғой. Балалар, кәне оларды шақырып көрейікші.

(Балалар Аяз ата мен Ақшақарды шақырады)

(Аяз ата мен Ақшақар болып киінген Леший мен Кикимора әуен залына кіреді)

Леший: Сәлеметсіңдер ме, балалар!

Мені күтіп қалған боларсыңдар?

Балаларға келдім алыстан,

Әкелдім сыйлыққа қатқан нан.

Кикимора: Ала келдім сыйлық мен де

Қалтамда жатқан кәмпиттен де.

Жүргізуші: Сәлеметсіздер ме, Аяз ата, Ақшақар! Сіздерге не болған? Қандай қатқан нан? Қандай жатып қалған кәмпит?

Леший: Сіз тәтешка дауды қойыңыз. Әйтпесе мүлдем сыйлықсыз қаласыз.

Кикимора: Иә, одан да бізге ән айтып, би билеп бермейсіңдер ме?

Тақпақтар: Арайлым, Дильназ, Мансур, Аружан, Данель

Ән: «Аяз ата»

Жүргізуші: Аяз ата мүмкін балалармен ойын ойнарсыз?

Леший: (Кикимораға қарап)Бұлардың не қалап тұрғандарын қарашы! Ойын ойнағым келмейді.

Кикимора: Шалға неге тиісе бересіңдер?Көрмей тұрсыңдар ма.....сендермен ойнамақ түгілі, тік тұруға шамасы жоқ. Одан да әзірлеп қойған кәмпит, мармелад тағы тағысын әкеліңдер.

Жүргізуші: Ақшақар, сен не айтып тұрсың? Балалар, менің ойымша бұлар Аяз ата мен Ақшақардың киімін киіп алған алаяқтар. Кәне, бұларды сынақтан өткізейік.

Аяз ата, қарашы, біздің шыршамыз жанбай тұр.

Леший: Қазір, қазір сонымнан қайталаңдар

«Бір, екі, үш деп санаймыз,

Шамдардың жарқырағанын қалаймыз».

(Балалар қайталайды. Шамдар жанбайды).

Леший (Кикимораға): Әй, Ақшақар, енді не істейміз? Мен шыршаны жаға алмай тұрмын.

Кикимора: Саспа! Қазір бәрін реттеймін. (Сіреңкенің қорабын алып) Міне, ұста!

Леший: Кәне, кәне, қазір біз сендердің шыршаларыңды....

(Леший шыршаны жағып жібермек болады)

Жүргізуші: Не істеп тұрсыздар?!

(Леший мен Кикимора сіреңкені тыға бастайды)

(Залға Ақшақар кіреді)

Ақшақар: Бақша іші той – думан,

Ойын күлкі асқақ ән

Шыршамыз тұр сымбатты

Балалар жүр қымбатты

Мерекені тойлауға

Келдім мен де ортаға

Сәлеметсіздер ме, қонақтар! Сәлеметсіздер ме, балалар! Аяз ата келген жоқ па?

Жүргізуші: Жоқ, Ақшақар, Аяз ата келген жоқ. Бірақ Аяз ата мен Ақшақар кейпінде бізге кімдер келгенін қараңызшы. Олар біздің шыршамызды жағып жібермекші болды

Ақшақар: Бұлар Леший мен Кикимора ғой. Орманның белгілі бұзықтары.

(Леший мен Кикимора сасқалақтап бірінің артына бірі тығыла бастайды).

Ақшақар:Шыршаның шамдарын жағуға мен көмектесемін. Менің соңымнан қайталаңдар!

«Қуант бізді таңырқат,

Жасыл шырша шамдарыңды жарқырат».

(Балалар қайталайды, шыршаның шамдары жанады)

Ақшақар: Ал сендер тығылып әуре болмаңдар! Қазыр Аяз ата келгенде, осы қылықтарын үшін жазаланатын боласыңдар.

Кикимора: Ой, ой, ой! Қорқытайын деген екенсіңдер. Біз Аяз атадан қорықпаймыз!

Леший: Оны күтпеңдер, сендерге келмейді

Кикимора (Лешийді түртіп, сыбырлайды): Тыныш! Үндеме! Біздің құпиямызды сен айтып қоя жаздадың ғой.

Жүргізуші: Кәне, кәне, шыңдықты айтыңдар! Аяз атаға не істеп қойдыңдар?

Кикимора: Ештеңе де біз айтпаймыз. Ештеңе де біз айтпаймыз. Ля – ля – ля!

Леший: Иә – иә – иә! Ештеңе де айтпаймыз. Сендерде Жаңа жыл болмайды.

(Кикимора мен Леший мазақтап, қашып кетеді)

Жүргізуші: Ақшақар, шынымен де Аяз атамыз кешігіп жатыр, бірдеңе болып қалған шығар.

Ақшақар: Кәсіби маманды шақыру керек.

(Телефонды алып, қоңырау шалады)

Ақшақар: Алло, бұл «На курьих ножках» детективті агенттігі ме? Мен Ақшақармын. Шұғыл қоңырау қабылдаңыз. Бізде Аяз ата жоғалып кетті. Жақсы, күтеміз.

Жүргізуші: Не, не деп айтты, Ақшақар?

Ақшақар: Күтіңдер, ең жақсы сарапшыны жібердік деді.

(Залға Мыстан кемпір, артынан үйшік кіреді. Шыршаны бір айналып, тоқтайды).

Мыстан кемпір: Қайырлы күн! Детектив Мыстан кемпір. Не болды? Кім жоғалды? Кім күдікті?

(Барлығын үлкейген шынымен қарап шығады)

Жүргізуші: Бізде аяз ата жоғалып кетті. Мерекемізге келуі тиіс еді.

Мыстан кемпір: Барлығы түсінікті. Біздің Аяз атамызға Кикимора батпақтың суын ішкізген. Сондықтан ол жолды таба алмай орман ішінде адасып жүр.

Ақшақар: Енді не істейміз? Аяз атаны Кикимораның сиқырынан қалай құтқарамыз?

Мыстан кемпір: Қорықпа! Мен көмектесемін. Мен бұрын сиқыршы болған едім. Ал қазір кәсіпкер әжеймін.

(Ойланып жүреді)

Мыстан кемпір: Көмектесемін, көмектесемін. Ал сендер кемпірдің көңілін көтеріп, ойнайсыңдар ма?

Мыстан кемпір: Балалар, сендер сиқырлы сыпырғышта ұшып көрдіңдер ме?

Ойын: «Сыпырғышпен сайыс»

Мыстан кемпір: Ой рахмет, достарым. Көңілімді бір көтеріп алдым.

(Бір нәрсе іздеп жүріп, оппа қарға барады)

Мыстан кемпір: Міне, осы оппа қар маған керек еді.

Сыпырғышым айнала

Сыпырады жай ғана

Оппа қар айналар

Тірі суы бар құдыққа

(Ақ матаны ақырын құдықтың үстінен алып тастайды. Мыстан кемпір су құйып алады)