Ормандағы оқиға жаңа жылдық ертеңгілік сценарийі

Атырау облысы

Жылыой ауданы

Құлсары қаласы

КМҚК «Аққайың» ясли бақшасы

Тажигалиева Куралай Жолдасовна

Ормандағы оқиға.

Ерте , ерте, ертеде , алыс, алыс өлкеде, ну орманда аң патшасы мекендепті. Ол ормандағы аңдар, құстар, тіпті жәндіктердің өзін де көзден таса қылмай бақылайды екен. Бір күні Арыстан: «Күз мезгілі болса өтіп барады , орманның сәні мені мәні азайып, қыс та келіп қалды. Мен бұларды басын қосып қонаққа шақырайын» - деп ойлайды. – «Бірақ барлық аңдар бос келмей өздерінің өнерлерін ортаға салсын» дейді. Мұны естіген аңдар: «Қайырымды патшамыздың көңілін көтерейік», - деп уәделесіпті. Бірінші қасқыр келіпті:

Қасқыр: Біз қайратты қасқырмыз,

Біз айбатты қасқырмыз.

Күш сынасып көрейік,

Аң патшасы арыстан.

Арыстан: Р-р-р

Қасқырлар жарадыңдар.

Ортаға қонжығың ерткен Аю келеді.

Аю: Қоңыр аю баласы ,

Қорбаңдаған қонжықтың.

Аунап – аунап дем алып,

Дөңгеленіп билейміз.

Арыстан: Аюлар – аңдар ағасы,

Аман болсын баласы.

Осы кезде сылаңдап түлкі келеді.

Бастаушы: Түлкі шықты сылаңдап,

Құйрықтары бұлаңдап.

Биші дейік бұралып

Билеп кетті бұраңдап.

Түлкі: Біз түлкіміз, түлкіміз,

Тұнып тұрған күлкіміз.

Бұлаң – бұлаң құйрығым,

Бізден басқа қулық жоқ.

Қоян: Қайшы құлақ, қоянбыз,

Ақшыл түске бояндық.

Сытыр еткен бұтақтан,

Елең етіп ояндық.

Арыстан: Жарадыңдар, достарым,

Бәріне де ризамын.

Өнерлерің үстесіп,

Орман іші әлем бір.

Сазды әуенге бөлінді,

Сән салтанат думанды

Шарықтата шалқытты.

Бастаушы: Ал, балалар, сендер де,

Дос болыңдар олармен.

Мекендейтін орманды

Аңдар, құстар, жәндік бар.

Қамқорлық жасап қорғаңдар,

Ойын ойнап, ән салып,

Ой саналы болыңдар.

Өнер- білім шыңына,

Талпынып талмай шығыңдар.

Жұмбақтар шешіледі.

Жаңғақ жауған орманда

Күндіз қорек айырып ,

Жатады кеш болғанда

Өз құйрығын жамылып.

(Тиын)

Қалың майдан маймаңдап,

Қар астында қалған қап.

Көп ортайып көктемде,

Тұрды орнынан айқайлап.

(Аю)

Жасыл орман желекті

Оның күтіп- баққаны.

Тоқылдатса теректі-

Құртын қуып жатқаны.

(Тоқылдақ)

Қайталаумен келеді

Құлағына сіңгенді.

Өзінің не дегенін

Өзі бірақ білмейді.

(Тоты)

Мың найзалы жалғыз батыр,

Жауларына алғызбай тұр.

(Кірпі)