Азбайтұғын адамның алтындығы туралы мақала

Маңғыстау обылысы Ақтау қаласы

№3 жалпы білім беру орта мектебі КММ

Ескалиева Жанар Сайлаубаевна

Қазақ тілі мен әдебиеті пәні мұғалімі

Азбайтұғын адамның алтындығы

«Үш-ақ нәрсе адамның қасиеті:ыстық

қайрат ,нұрлы ақыл,жылы жүрек»

А Құнанбаев

Ата-ана - отбасының негізгі діңгегі,бастапқы дәнекері. Әсіресе,тіршіліктің қайнар көзі,махаббаттың шуақ күні,мейірімнің кәусәр бұлағы Ана есіміне қатыссыз дүниеде қасиетті ештеңе жоқ,

«О,дүние,төсіңді аш мен келемін,

Алынбаған ақым бар сенде менің,»-деп ақиық ақын Мұқағали айтқандай

барлық адам баласы мына дүниеге шыр етіп келетініміз хақ. Ал сол сәтте ерекше мейіріммен балапанын бауырына басып,елжірей қарайтын жан ол-Ана.Ана-жер бетіне шуағын төккен күндей,барлық жанға бірдей,пейілі әркез көлдей ,сабырлы да сырбаз жан емес пе?! Даналығы,адалдығы ,кеңдігі,

бәрінен бұрын «құлыным»деген даусын айтсаңшы.

Мен-үйде анамын,мектепте ұстазбын. Осы екеуін ұштастыра отырып, бүгінгі ұрпақ-ертеңгі болашақты тәрбиелеудемін.«Балаға мінез үш алуан адамнан жұғады,біріншісі-ата-анасынан,екіншісі-ұстазынан, үшіншісі- құрбыларынан»-деп ұлы Абай айтқандай ,баланың болашақта мейірімге толы жүректі , ата-ана қалағандай азамат болып өсуіне осы екі жан- Ана мен Ұстаздың орны ерекше деп білемін, Әдетте ,«Ана бір қолымен бесікті,бір қолымен әлемді тербетеді» дегенді айтамыз . Осының негізінде «Ұстаз әлемді білім бесігінде тербейді,»- деген ой менің санамда жаңғырады да тұрады.

Фараби: «Тәрбиесіз берілген білім –адамзаттың қас жауы» дегендей,тәрбие мен білімді қатар алып жүрудеміз.Ұстаз-әрбір адам өміріндегі ең маңызды тұлға.Ұлы Абай айтқандай: «Адамның адамшылығы ең алдымен жақсы ұстаздан»жас жеткіншектерді білім нәрімен сусындата отырып,жеке тұлға ретінде тәрбиелеуде мұғалімнің еңбегі зор екендігі сөзсіз.Ұлттың болашығы- ұрпағында болса,ұрпақтың тәрбиесі-ұстаз қолында.

Мұғалім еңбегі адамзат қызметінің өте маңызды да күрделі түрі екені даусыз,ол жүрек жылуы мен күш- жігерді,тіпті уақытпен санаспай еңбек етуді қажет етеді.Ең алдымен ұстаз өзінің ісімен,өзінің сөзімен тәуелсіз еліміздің болашағын ойлайтын,Отанның беріктігін қорғайтын білімді ұрпақ тәрбиелейді.Әр адам-қайталанбас тұлға.Оның жан дүниесі-өзінше бір әлем.Ал ұстаз-сол әлемді шартарапқа жетелеуші.Ұстаз-бала болмысына өзгеріс енгізуші,бағыт-бағдар беруші,ата-ананың сенімді көмекшісі.

Өз тәжірибемнен байқағаным:баланы жақсылыққа жетелеп жанастырар да,жамандықпен адастырар да-мұғалім болғандықтан,ұстаз болу жеткіліксіз,ол үшін асқан билік иесі,адалдық,ұсталық та,ұстамдылық та қажет.Жалпы бала жеке тұлғаға айналу үшін мұғалімде мынадай қасиеттер болуы қажет деп ойлаймын: жылылық,түсінгіштік,сезімталдық,

мейірімділік,адалдық,шығармашылық ізденіс,баланы шабыттандыра алу;

Ұстаз ретінде негізгі мақсатым:

білім мен тәрбиені қатар алып жүре отырып ,әр баланы өз балаңдай бауырыңа баса білуің, олардың еркелігін көтере отырып,қателерін аңғарабілуің керек.Ол үшін шын сөйлей отырып,сырын біліп,жылылықпен баурай алу қажет секілді.Талаппен бірге әзілдей де отыру дұрыс. Оны сабақпен байланыстыра білген де жөн.