Әжеме қонаққа келдім киіз үйге конспектісі

Бекітемін__________________

КМҚК «Айналайын» ясли бақшасының

әдіскері: Мушакулова С

« 23 » Сәуір 2015жыл

« Құлыншақ» тобы

Білім беру саласы: «Әлеуметтік орта»

Бөлімі: Қоршаған ортамен таныстыру

Тақырыбы: «Әжеме қонаққа келдім (киіз үйге) »

Мақсаты: Балаға жақын адамдардың еңбек әрекеттері туралы түсініктерін байыту. Қазақ халқының дәстүрлеріне қызығушылықты, қолдау және құрметтеуді дамыту. Ересектердің еңбегіне деген қызығушылығын және оның нәтижесін қадірлеуді тәрбиелеу. Балалардың қолдарынан келетін еңбек әрекеттерді ересектермен бірлесіп орындауға тарту (ыдысты жинауға, үстелдің бетін сүрту).

Көрнекілік: тақырыптық суреттер.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық

қозғаушылық

Шаттық шеңбері

Менің әжем жыр әжем,Шуағы мол нұр әжемАқ таяққа сүйеніп,Аман – есен жүр әжем.

Балалар шаттық шеңберге тұрады да, амандасу рәсімін орындайды.

Ұйымдастыру –іздестіру

-Балалар бүгін ауа –райы керемет. Сендердің де көңіл-күйлерің көтеріңкі. Олай болса, ата мен әжеміздің үйіне қонаққа апарайық. Қонаққа барғыларың келе ме?

-Жақсы, әжеміз сағынып күтіп отырған болар? Ауыл алыс,біз жаяу жете алмаймыз. Атамыз өзінің ат арбасын беріп жіберген екен, соған мініп барайық. (Балаларды әже қарсы алады.)

-Айналайындар, келдіңдер ме, құлыным,ботақандарым,кішкентай аппақ қозыларым! Ауылғада келіп жеттік арбадан ақырындап түсеміз.(Әженің үйіне кіреді) Бұйымтайларыңды айтыңдар.

Тәрбиеші: Әже біздің балалар сіздің қолөнеріңізді көруге келді.Әже: Ия, міне менің қолөнерім (қол өнер көрмесін көрсетіп,балалардан сұрақ –жауап алу.) Тәрбиеші:Әженің үйінде тағы не көріп тұрмыз?

-Мына киімдерді қандай кезде киеміз?-Қандай мерекеде? Өте жақсы балалар. Әже сізге көп рахмет. Балалар сендерге ұнады ма? Киіз үйді орысша юрта дейміз. (Осы кезде сиырдың мөңіреген дыбысы естіледі).

-Балалар,қорадан ненің дауысы естіледі?(үнтаспадан) Бұл сиырдың дыбысы. Дұрыс айтасыңдар,балалар. Онда әжемен бірге ойын ойнап көрейік. Тағыда ары қарай тыңдайық, қандай дауыстар естіледі екен.

Дидактикалық ойын. «Дауысынан таны» Бұлар үй жануарлары, себебі оларды адамдар бағады, күтеді. Олардың сүті, еті – тамақ, жүні, терісі – киім. Әже:Айналайындар, біз сиыр, қой, жылқы, ешкі асыраймыз. Үй жануарларының адамға пайдасы көп. Әжелерің сиыр сауады,сиырдың сүтінен май, қаймақ, құрт, ірімшік жасап, айран ұйытады.

Сергіту сәті:

Шөре, шөре, лағым,

Тентек болма шырағым.