Әжемнің орамалын әшекейлейік ашық сабағы

Күні: 22.02.2019жБілім беру саласы: ШығармашылықБілім бөлімі: Сурет салуТақырыбы: «Әжемнің орамалын әшекейлейік» Мақсаты: Отбасы туралы түсінік беру. Әжелері туралы әңгімелеу. Ойын арқылы есте сақтау қабілеттерін, саусақ театрына қатыстыру арқылы тіл байлықтарын дамыту. Отбасы мүшелеріне деген құрмет сезімдерін ояту. Парақ бетіне бояуды нүктелеп жағу арқылы шығармашылық қабілеттерін дамыту.Үлкенді сыйлай білуге тәрбиелеу.

Қолданылатын көрнекіліктер: Лэпбук, Үлгі сурет, гуашь,

Ұйымдастырушылық кезең Тәрбиеші: - Келіңдер балалар, біздің бүгінгі сабағымыз ерекше болмақ, себебі сабағымызға қонақтар келді. Қане амандасайық!

Жылулық шеңбері:

Біз қандаймыз,қандаймыз.

Шұғылалы таңдаймыз.

Күлімдеген күндейміз.

Еш уайымды білмейміз.

Тәрбиеші: балалар бағана топтың ішін жинап жүріп мен мына сандықшаны тауып алдым. Ішінде не бар екен көремізбе?Ашып көремізбе? (сандықшаны ашып ішіндегі заттарды киіп көреді)

Балалар мынау не? – алжапқыш. Тағып алайын.

Ал мынау ше? – орамал. Орамалды да тағып алайын.

Ал мынау не? – көзілдірік. Тағып көрейін.

Балалар мен кімге ұқсап қалдым? (Ой белім ай, белім ай)

Балалар: Әжеге.

Тәрбиеші: Балалар әже қандай болады?

Ал сендердің әжелерің бар ма?

Жылаған дыбыс естіледі.

Тәрбиеші Бибобо апа қуыршақты қолына алады.

Тәрбиеші: Ой балалар қараңдаршы бұл кім?

Балалар : Әже.

Тәрбиеші: Балалар неге әже көңілсіз, әжеден сұрайықшы?

Әже неге көңіл күйіңіз жоқ.

Әже: Ой балаларым мен орамалымды жуып жайып қойып едім,жел соғып ұшырып әкетті. Не жасарымды білмей тұрмын.

Тәрбиеші: Балалар апамызға көмектесемізбе?

Балалар: Көмектесейік.

Тәрбиеші: Балалар менде ақ орамалдар бар, біз әжемізге орамалдарын әшекейлеп берейік.

Тәрбиеші: Үлкен кісіге үнемі көмектесіп отыруымыз қажет қой.

Балалар сурет салмас бұрын саусақ жаттығуын орындап алайықшы.

Сергіту сәті: Саусақ жаттығуларын орындату.

Бас бармағым - атам.

Балан үйрек -апам.

Ортан терек – әкем.

Шылдыр шүмек -анам.

Кішкентай бөбек - мен.

Сурет салу үлгісімен таныстыру.

Үш бұрышталған ақ бетке, Мақта таяқшасымен нүктелеп сурет салу.

Рефлексивтік –түзетушілік. Балалар қараңдаршы Әжеміздің орамалы қандай әдемі болды. (таңырқай)

Әже: Ой балаларым сендерге рахмет!

Енді мерекеге арналған орамалымды тағып бараммын. Әже рахметін айтып шығып кетеді.