Азияның саяси картасы мен аймақтары 11 сынып жоспары

11 сынып сабақ жоспары

Сабақтың тақырыбы: Азияның саяси картасы және аймақтары.

Сабақтың мақсаты: Білімділік: Оқушыларға Азия елдерінің қалыптасуы мен аумақтарға бөлінуі туралы түсіндіру. Ішкі айырмашылықтар мен басқару формаларының өзгеруі жөнінде білім беру.

Дамытушылық:Азия елдерін саяси картадан көрсете отырып білім, біліктерін қалыптастыру. Кескін картадан аумақтарды бейнелеу, оларды еске сақтауды қалыптастыру.

Тәрбиелік:Географиялық мәдениетке тәрбиелеу. Өзге елдердің тарихын құрметтеуге тәрбиелеу.

Сабақтың түрі: Жаңа тақырыпты түсіндіру.

Сабақтың әдісі: Түсіндіру, картамен жұмыс, кестені толтыру.

Сабақтың барысы: І: Ұйымдастыру кезеңі 1 мин

Оқушылармен амандасу. Түгендеу. Сабаққа дайындалу.

ІІ: Жаңа тақырыпты түсіндіру.

Өткен материалдан оқушыларға сұрақ қою. Азияның шекараларын және географиялық орнының ерекшеліктерін естеріне түсіріңдер. Азияның аумақтарына саяхат жасағандар.

Азия-екі жарты шарда бірдей орналасқан ең үлкен дүние бөлігі, ауданы 44 млн км2 . Жер шарының халқының жартысы мұнда тұрады. 40-қа жуық мемлекет бар. Саяси картаның қалыптасуы ұзақ уақытты қамтиди.

Саяси картаның қалыптасуының кезеңдері.Азиядағы ежелгі мемлекеттер негізінен, ірі өзендердің аңғарларында қалыптасыт. 4 мың жылдай бұрын Тигр және Ефрат ө аралығында алғашқы қалалар пайда болды. Б.з.д. ҮІІ ғ. Вавилон қ. 1 млн –ға жуық адам тұрды.

Сонымен Азия айрықша көшпенді өркениеттің бесігі болды. Қара теңіз бен Сары теңіз аралығында ғұн мемлекеті қалыптасты. Қазақтар осы өркениеттің бір тармағы болды. Отырықшы және көшпенді өркениеттің ірі мемлекеттік құрылымдары пайда болды.

Тарихтан алған білімдерін естеріне түсіріп, Орта Азия мен қазақстан жерінде қандай мемлекеттер болғанын естеріңе түсіру.

Азияның отарлау кезеңі ХҮ ғ. Васко да Гамманың Үндістанға баратын жолды ашуынан басталды. 1511 ж. португалдықтар Малакка түбегін басып, Испания Филиппин аралдарын басты. Ең күшті держава болған Ұлыбритания мен Нидерланд Азияның көп бөлігін өз иелігіне басып алды. Кейін Франция, Португалия, Ресей, АҚШ және Жапонияның отарына айналды. ХХ ғ 56 пайыз отарланды. Отарлаушы мемлекеттердің ішінде Ұлыбритания алдыңғы орынға шықты. 10- сызбанұсқаны қарау.

Дамыған елдер Азияны ХХ ғ. ортасына дейін сақтады. Отарлық жүйе екінші дүние жүзілік соғысынан кейін ыдырай бастады. Көпшілік мемлекеттер тәуесіздікті алды.