Азық-түлік дүкені қазақ тіліне арналған сабақ жоспары

Батыс Қазақстан облысы

Тасқала ауданы

Ыбырай Алтынсарин атындағы ЖОББ мектебі

Сабақтың тақырыбы

«Азық-түлік дүкенінде»

(5 сынып)

Өткізген қазақ тілі мен

әдебиеті пәні мұғалімі

Утешева Роза Айсиевна

2017 жыл

Сабақтың мақсаты:

1.Білімділік: Зат есімнің септелуі туралы түсініктерін кеңейту. Септік жалғауларын және сұрақтарын толық меңгеру, білімдерін тиянақтау, бағалау.

2.Дамытушылық: Ауызекі сөйлеу дағдасын жетілдіру; оқушылардың дүниетанымын кеңейту; ауызша сөйлеу мен ойлау қабілетін дамыту; сөз тіркесін және сөйлем құрау дағдысын қалыптастыру;

3.Тәрбиелік: Тілге деген қызығушылығын арттыру, топтық жұмыс арқылы достық қарым-қатынасқа, сыпайы болуға тәрбиелеу.

Сабақтың түрі:аралас сабақ.

Сабақтың әдіс-тәсілі: түсіндіру, сұрақ-жауап, топпен жұмыс

Сабақтың көрнекілігі: слайдтағы азық-түлік суреттері, жаттығулар

Сабақтың барысы:

1. Ұйымдастыру кезеңі.

Оқушылармен сәлемдесіп, түгендеп, топқа бөлу, оқу құралдарының толықтығы, оқушылардың көңіл-күйі, оқушылар назарын сабаққа толық аудару.

2. Мұғалім: Тілдік ортаға ену. - Балалар, қазір қай жыл мезгілі?- Қазір қай ай?- Аптаның қай күні?- Ауа райы қандай?

-Біз қай Республикада тұрамыз?

-Қазақстан Республикасының астанасы қай қала?

-Қазақстан Республикасының Президенті кім?

3.Үй тапсырмасын тексеру:

Тәуелсіз Қазақстанның Елордасы қай қала?

Ол қайда орналасқан?

Қаланың негізі қай жылы қаланған?

Қала бұрын қалай аталған?

Қашаннан бастап Тәуелсіз Қазақстанның астанасы болды?

ІІІ Жаңа сабақ:

Балалар, сабағымызды бастамас бұрын тағы бір қонақпен танысайық.

Қызыл телпек:- Сәлеметсіңдер ме, балалар!Балалар:- Сәлеметсіз бе!

Қызыл телпек: - Менің атым – Қызыл телпек. Дети, я сегодня пришла к вам с просьбой. Я заблудилась. Помогите мне, дойти до продуктового магазина. Поможете?Мұғалім:- Балалар, көмектесеміз бе?Балалар:- иә.Мұғалім: - Ол үшін біз әр түрлі аялдамада тапсырмаларды орындаймыз. Қай топ жылдам, қатесіз орындаса, сол топ Қызыл телпекке тезірек көмектеседі.Сондықтан мына жерден ұн тағамдары мен ет тағамдары суреттерін таңдап топқа бөлінеміз.Ал енді тақтаға қараймыз. Біз мына аялдамаларға тоқталамыз.

1-аялдама.Азық –түліктердің атауларын қайталау.

Қызыл телпекке азық-түлік атауларын айтып беріп, есіне түсіреміз.

Сөздік жұмысы

Шұжық; ет; қант; балық; нан; қаймақ; ірімшік; алма; май; алмұрт; кәмпит; айран; сүт; жұмыртқа

2-аялдама. Фонетикалық талдау жасаймыз

1-топ. Ірімшік сөзіне фонетикалық талдау жасайды.

2-топ. Шұжық сөзіне фонетикалық талдау жасайды.

3-аялдама.Көп нүктенің орнына азық–түлік атауларын жаз

Мен әкеммен дүкенге бардым.

Біз …,…,…,… сатып алдық.

Дүкенде … жоқ.

Біз үйге келдік.

4-аялдама.«Адасқан септіктер». Сергіту сәті

Өз орнына орналастыру керек: І, Т, К , А , Б, Ж, Ш

5-аялдама.«Адасқан жалғаулар».