Азық-түлік тауарларының сапасы туралы ашық сабақ

Күні Пәні: Азықтық өнімнің тауартануы . Курс: 1 «А» Сабақ реті:

Сабақтың тақырыбы: Азық түлік тауарларының сапасы

Сабақ мақсаты

1.Білімділік мақсаты: Тауарлардың сапасымен танысуды қамтамасыз ету

2.Дамытушылық мақсаты: Алған білімдерін ары қарай сабақ барысында әдіс дағдыларын дамыту

3.Тәрбиелік мақсаты: Өзара көмек көрсетуге тәрбиелеу.

Сабақ түрі: Аралас сабақ

Әдіс-тәсілдері: Түсіндірме

Сабақтың көрнектілігі: аграномия негіздері

Пән аралық,пәншілік байланыс:

Сабақ барысы

1.Ұйымдастыру кезеңі- 3мин.

2. Үй тапсырмасын тексеру, қайталау: 10 мин

3. Жаңа сабақты түсіндіру -20 мин.

4. Жаңа сабақты бекіту -10 мин.

5. Үйге тапсырма беру- 2 мин.

Сабақтың барысы

Ұйымдастыру кезеңі: 1. Оқушыларды түгендеу.

2. Оқушыларды сабаққа дайындығын тексеру

Үй тапсырмасын тексеру, қайталау:

1. Азық – түлік тауарларын жіктеу дегеніміз не?

2. Тауарларды майда жіктеуге қалай бөлеміз?

3. Ассортимент дегеніміз не? Неше топқа бөлінеді?

Жаңа сабақ : Тауар сапасы – тұтынушы сұранысын құру және бәсекеге қабілеттілікті қалыптастыруда шешуші әсер ететін негізгі сипаттамалардың бірі. Сапа нақты немесе болжаулы қажеттіліктерді тағайындалуына сәйкес қанағаттандыру қабілеті бар өнім мен қызметтердің сипаттамасы, қасиеттерінің жиынтығы. Тамақтануда адам қажеттіліктерін қанағаттандыру қабілеті мен пайдалылығын анықтайтын азық – түлік тауарлардың негізгі қасиеттері тағамдық құндылық, физикалық және дәмдік қасиеттері, тағамдық қауіпсіздігі, өнімнің қолдануға дайындығын және оның сақталғыштығы болып табылады.

Тағамдық құндылық – өнімнің барлық пайдалы қасиеттерін, яғни энергетикалық, биологиялық, физиологиялық,органолептикалық құндылығын, сіңімділігін, сапалылығын сипаттайтын күрделі қасиет.

Өнімнің энергетикалық құндылығы оның құрамындағы май, белок, көмірсу мөлшерімен анықталады.

Биологиялық құндылық өнімде биологиялық активті заттар мөлшерімен сипатталады: алмастырылмайтын амин қышқылдары, витаминдер, макро және микроэлементтер алмастырылмайтын полиқанықпаған май қышқылдары.

Физиологиялық құндылық тамақ өнімдерінің адамның ас қорыту, жүйке, жүйке – қан тамыр жүйелеріне әсер ету қабілетімен және организмнің ауруларға қарсы тұру қабілетімен анықталады.

Тамақ өнімдерінің органолептикалық құндылығы сапа көрсеткіштеріне негізделген: сыртқы түрі, консистенция, иісі, дәмі, құрамы, балғындылық дәрежесі.

Тамақ өнімдерінің сіңімділігі өнімнің қай бөлігі организмге толығымен қолданылатынын көрсететін сіңу коэффициентімен өрнектеледі.

Тауарлардың сапасын анықтау әдістері:

Талдау және өлшеу құралдарына байланысты сапа көрсеткіштерін органолептикалық, аспап, құрал жабдықтар көмегімен (лабораториялық), сонымен қатар эксперттік, өлшеу, тіркеу, есептеу немесе әлеуметтік тәсілдермен анықтайды.

Органолептикалық әдіс - өнімдердің сапа көрсеткіштерін сезім мүшелерімен көру, иіскеу, ұстап сезу, есту, дәмін көру негізінде анықтау әдісі. Бұндай бағалаудың дәлдігі мен мәндерінің нақтылығы қызметкердің біліктілігіне, қабілетіне, сонымен қатар талдауды жүргізу жағдайына байланысты. Органолептикалық әдістің артықшылығы: сапа көрсеткіштерінің жеткілікті және тез анықталуы,…