Б дыбысы мен әрпіне арналған мектепалды сабақ жоспары

Білім беру саласы: Қатынас

Ұйымдастырылған оқу іс-әрекет түрі: Сауат ашу

Сабақтың тақырыбы: Б дыбысы мен әрпі

Сабақтың мақсаты: Б дыбысы мен әрпімен таныстыру. Б дыбысы бар сөздерді айтуға, буынға бөлуге үйрету, ойлау қабілеттерін дамыту. Қол жаттықтыру жұмысы дәптерге Б әрпінің баспа түрін жазуға үйрету.

Дамытушылығы: Балаларды сауатты жазуға үйрету. Құрамында Б дыбысы бар сөздерді ойлап табуға үйрету. Б - дауыссыз дыбыс екендігін меңгерту.

Тәрбиелігі: Әріпті сауатты жаза білуге, әдептілікке, тазалыққа тәрбиелеу.

Әдіс – тәсілдері: сұрақ – жауап, түсіндіру, топтық жұмыс.

Көрнекілігі: Б дыбысы бар суреттер, кеспе әріп.

Пәнаралық байланыс: тіл дамыту, бейнелеу.

Әрекет кезеңдері: Мотивациялық қозғаушы:

а) Сәлемдесу: Психологиялық дайындық:

Мейірімді жүрекпен,

Ақ пейілді тілекпен,

Амандасып алайық,

Бір жадырап қалайық.

ә) Балалардың назарын сабаққа аудару

б) М дыбысы мен әрпін сұрақ-жауап арқылы пысықтау. Өткен оқу іс – әрекетімізде қандай дыбыспен таныстық?

М дыбысы қандай дыбыс?

М дыбысы қандай текшемен белгіленеді?

М дыбысы бар сөз ойла: мысық, машина, қамшы.

М дыбысы сөздің басында, ортасында, соңында кездеседі.

Ұйымдастыру, іздену:

Балалар бүгінгі сабақты бастамас бұрын мен сендерге жұмбақ жасырамын:

Қызықтырып әркімді,

Суда жүрер жалтылдап

Қай әріптен басталған,

Сол жәндіктің атын тап. (Бақа)

Қанаты жоқ ұшпайды,

Су астында қыстайды. (Балық)

Дұрыс айтасыңдар, балалар.

Бақа, балық сөздерінің біріншісі қандай дыбыс?

Б дыбысы.

Балалар, бүгінгі оқу іс – әрекетімізде жаңа сабағымыздың тақырыбы:

«Б дыбысы мен әрпі».

Сурет бойынша әңгіме

Балалар, суретте нелерді көріп отырсыңдар?

Бөрік, барабан.

Қане, бәріміз бөрік, барабан сөздерін айтып көрейікші.

Бірінші қандай дыбыс естіп тұрмыз?

Б дыбысын естіп тұрмыз.

Бәріміз Б дыбысын айтайық.

Б б б

Б дыбысы қалай айтылып тұр?

Қысқа кедергімен айтылады, ерніміз ернімізге тиіп тұр.

Б дыбысы қандай дыбыс, қандай текшемен белгілейміз?

Б дауыссыз дыбыс, көк текшемен белгілейміз.

Балаларға бөрік, барабан сөздерін буынға бөлгізу;

Бө – рік, ба – ра – бан

Б дыбысының баспа түрімен таныстыру.

Дәптермен жұмыс:

Б әрпін ауада жазып көрсету. Б әрпін жазу.

Сергіту сәті: