Бағдаршам және жол жүру ережесі бойынша ашық сабақ

Қаратал ауданы

Алғазы орта мектебі

«Бағдаршам біздің досымыз»

Тәрбиеші:Бахтаева Р.А

Қарақұм ауылы

Ұйымдастырылған оқу іс-қызметі

Білім беру саласы: «Әлеуметтік орта», «Шығармашылық»

Тақырыбы:«Бағдаршам біздің досымыз!»

Мақсаты: Балалардың бағдаршам туралы және жол жүру ережесіне сәйкес бағдаршамның атқаратын міндеттері туралы түсініктерін одан әрі толықтыру.

Білімділік:

1.Бағдаршам көше реттеушісі екендігі туралы білімдерін бекіту.

2. Түстер мен пішіндер туралы түсініктерін бекіту.

3. Қайшы және қылқаламмен дұрыс жұмыс жасауға кеңістікте пішіндерді

дұрыс орналастыра білулерін бекіту.

4. Көркем сөзді қолдана білуге үйрету.

Тәрбиелік:

Көше тәртібін сақтауға,байқағыштыққа, қамқорлыққа , жанашырлыққа тәрбиелеу.

Тазалыққа, ұқыптылыққа тәрбиелеу

Ұжыммен жұмыс істей білуге тәрбиелеу.

Дамытушылық :

Зейінін, есте сақтау, ойлау қабілеттерін дамыту.

Көру арқылы өз ойларын жеткізе білуге дағдыландыру.

Өлең шумақтарын мәнерлеп айтуға дағдыландыру

Түзетушілік:

Сөздік қорларын молайту, белсендендіру

Дыбыстау қабілетін жетілдіру, дыбыстар қатарын дұрыс айтуға жаттықтыру

Сұраққа толық сөйлеммен жауап беруге дағдыландыру

Ұсақ қол моторикаларын дамыту.

Қостілділік: бағдаршам- светофор, қызыл- красный, сары- желтый, жасыл- зеленный

Әдіс- тәсілдері: шаттық шеңбері,әңгімелесу, жұмбақ жасыру, сюжетті суретті қарастыру,сұрақ -жауап, ойындық, көркем сөз,мадақтау.

Алдын ала жұмыс

Бағдаршам, көше ережелері туралы әңгімелесу. Бағдаршам туралы жұмбақтар мен тақпақтар айту. Балабақшадан тыс ата-аналарға көшедегі бағдаршам жұмысын баласымен бірге бақылауды ұсыну.

Іс әрекет барысы

I Ұйымдастыру кезеңі

Балалар шеңбер жасап тұрады

Шаттық шеңбері

Біз әдепті баламыз,

Біз ерекше боламыз,

Қонақтарды көргенде,

Сәлеметсіздерме! – деп

Сәлемдесіп аламыз.

Тәрбиеші: Балалар бізге келген қонақтарымызбен қазақ және орыс тілінде амандасайықшы.

Балалар: Сәлеметсіздер ме! Здравствуйте!

Тәрбиеші: Балалар, біздің бүгінгі күніміз ерекше болмақ.

Қазір мен сендерге жұмбақ жасырамын,сендер сол жұмбақтың жауабын табыңдар.

Жұмбақ жасыру

Бұйырмапты бас та, ауыз да, құлақта,Бақырайған үш көзі бар бірақ та.

Балалар: бағдаршам

Тәрбиеші: Дұрыс айтасыңдар балалар. Ол бағдаршам.

(Осы кезде есік қағылып бағдаршам келеді)

II негізгі бөлім

Бағдаршам: Сәлеметсіңдер ме балалар?

Балалар: Сәлеметсіз бе.

Тәрбиеші:Сіз кім боласыз? Неге көңілсізсіз?

Бағдаршам: Мені танымадыңдар ма? Мен Бағдаршаммын.Мына қатты аяздан менің шамдарым сынып, істен шығып қалдым. Енді көше тәртібі бұзылып, көліктер мен жаяу жүргінішілер жол ережелерін бұзып жатыр.

(Балалардың назары проекторлық экранға аударылады)

Тәрбиеші: Балалар,экранға назар аударайықшы,қараңдаршы көшеде бағдаршамсыз қандай жайыттар болып жатыр?

Балалар: Көшеде адамдар мен көліктер қалай жүру керектігін білмей бір- біріне кедергі келтіруде.

Тәрбиеші:Сендер көше тәртібін бұзған кімдерді көріп тұрсыңдар?

Балалар: Ата автобусаялдамаға тоқтамай жатып, ата мініп барады. Бала автобус көлігінің алдынан жүгіріп шықты. Таға бір бала қолына шар ұстап, мысығын жетектеп рұқсат етілмейтін жерден өтіп барады.

Тәрбиеші: Дұрыс.Балалар, бағдаршамның неше көз болады?

Балалар: Бағдаршамның үш көзі болады.

Тәрбиеші: Ол үш көзінің түстері қандай?

Балалар: қызыл, сары, жасыл