Бағдаршам әмірі бойынша сабақ жоспары балабақшаға

Сабақтың тақырыбы: Бағдаршам әмірі

Сабақтың мақсаты:

Білімділік: Оқушыларды жолда жүру ережелеріне сәйкес бағдаршамның атқаратын қызметімен таныстыру.

Дамытушылық: Оқушыларды жауапкершілікке, жол ережесін бұлжытпай орындауға дағдыларын дамыту.

Тәрбиелік: Зейінді, абай, мұқият болуға тәрбиелеу.

Көрнекіліктер: Бағдаршам, презентация

Сабақтын әдісі: Түсіндіру, сұрақ-жауап.

Сабақтың түрі: жаңа сабақ

Сабақтың барысы:

1.Ұйымдастыру кезеңі.

-Оқушылармен амандасу;

-Оқушыларды түгендеу;

-Көңіл-күйлерін сұрау.

- Балалар, біз бүгін сендермен «Бағдаршам әмірі» тақырыбын өтеміз. Бағдаршам деген не?

Бағдаршам бұл жолды реттейтін құрал.

2.Миға шабуыл.

-Балалар, суретте не көріп тұрмыз?

-Бағдаршам.

-Біз оны қайда көреміз?

-Көшеде, жолда

-Ол бізге не үшін керек?

-Жолда дұрыс жүру үшін

-Көшеден, жолдан өтерде қайда қарау керек?

-Бағдаршамға

-Дұрыс айтасыңдар.

Ал,енді балалар, мен сендерге жұмбақ жасырайын:

Үш көзі бар қаз-қатар,

Кезек-кезек жанады.

Үшеуінен байқасам,

Үш түсті нұр шашады.

Бұл не?

(Бағдаршам)

Балалар, бағдаршам дегеніміз жол тәртібін реттеп тұратын құрал. Оның үш көзі бар.

Қызыл жарық жанғанда,

Қалт тоқтай қал таңбада,

Қызыл түс – мұқият бол! Қозғалысқа тиым салынады!

Сары шамы жанғанда,

Сақ, абай бол барынша,

Сары түс – абай бол! Дайындал көшені өтуге рұқсат беремін! Келесі белгіні күт!

Жасыл жарық жол ашық,

Зымырай бер бел асып.

Жасыл түс – жол бос! Ашық жүріңіз!

Балалар, егер өтетін жерде бағдаршам болмаса не істейсіңдер?

Балалар, егер өтетін жерде бағдаршам болмаса, көшеден өте бере әуелі сол жаққа қараймыз. Көшенің орта тұсына жеткенде оң жақтан машина көрінбесе, өтуге болады.

Жұмбақ шешу:1.Үш көзді батыр Жолды аңдып жатыр?

(Бағдаршам)

2.Арқаным бар тым ұзын,Ала алмайсын бір үзім.

(Жол)

3.Сөйлеуді ол білмейді,Бірақ тоқта, жүр дейді.

(Бағдаршам)

Қорытынды

1.Бағдаршам деген не?

2.«Тоқта!» дегенде бағдаршамның қай көзі жанады ?

3.«Сақтан !»дегенде қай көзі жанады ?

4.«Жол ашық!» дегенде қай қөзінен білесін?

5.Бағдаршам жоқ жерде жолды қалай қиып өтуге болады ?

6.Бағдаршамның неше көзі бар ?

7. Ақ жолақ деген не?

- Балалар, көше тәртібін сақтау – сіздің міндеттеріңіз! Егер жол ережесін бұзсаң, тек өзіңе қауіп төндіріп қоймай, басқа адамдарға да…