Бала біздің болашағымыз туралы психологиялық материал

«Бала біздің болашағымыз»

Мақсаты: Бала тәрбиесіндегі отбасының маңызын ұғындыру, ата-аналардың жауапкершілігін арттыру.

Адамға нағыз бақытты – тәрбиелі ұрпағы ғана сыйлай алады. «Адам ұрпағымен мың жасайды» деген сөз тегін айтылмаса керек.

Отбасындағы басты мәселелердің бірі – баланың тіршілік іс-әрекетін дұрыс ұйымдастыру. Ол үшін баланың күн тәртібі, жеке басына қойылған талаптар, міндеттер, үй еңбегіне араласуы, білімі, қызығушылықтары, бос уақытын дұрыс ұйымдастыруына көмектесіп ықпалын тигізу.

Мына жасампаз ғасырда, жаһандану дәуірінде мектеп партасында отырған баланың жан-жақты тәрбие алуына ең бірінші ықпал ететін ұстаз болса, оның сүйеушісі – ата-ана. Сондықтан ата-ана өз баласының білім алуына барынша жағдай жасауы тиіс. Бала тәуліктің төрттен бір бөлігінде, яғни 6 сағат мектепте болса, қалған 18 сағатын өз отбасында өткізетінін білеміз. Бала тәрбиесі – өте күрделі үрдіс. Оның күрделілігі бесіктен бастау алып, үнемі уақытпен, көңіл-күйі және қабілетімен, икемділігімен қадағалау қажеттіліктерімен айқындалады. Отбасы – бала тәрбиесінің ең алғашқы ұжымы. Баланың тәрбиелі болып өсуіне берекелі отбасының тигізетін әсері мол.

Отбасындағы әкелердің ролі орасан зор деп санаймын

Бір тал ағаш өсірсең,

Еңбегіңнің жанғаны

Абзал адам өсірсең

Басыңа бақ қонғаны – деген қазақ атам. Ал А. С. Макаренко «Балаларды тәрбиелеу біздің өміріміздегі ең жауапты сала, ал дұрыс тәрбиелеу – бұл біздің бақытты қарттық шағымыз, жаман тәрбиелеу, бұл біздің келешек қасіретіміз, біздің көз жасымыз, бұл біздің басқа адамдар алдындағы, бүкіл ел алдындағы айыбымыз» - деген екен.

Балаларымызға көңіл бөлуді ұмытпайық. Қазірден бастамасақ, ертең кеш қаламыз.

Қазақтың «Бала балдан тәтті», «Бала адамның бауыр еті», «Бала – көңілдің гүлі, көздің нұры» деген сияқты мақалдарында, халықтың балаға деген мейірім махаббаты, сүйіспеншілігі көрсетілген. Баланы жақсы көріңіз, бірақ оны асыра еркелетіп жібермеңіз. Жанұяда ерке болып өскен бала, әдетте өмірге икемсіз, ынжық, тоғышар, өркөкірек, өзімшіл болады. Жанұяда, мектепте, көшеде тәртіп бұзу, қоғамға жат істер жасау, тіпті ауыр қылмыс жасауға дейін барады. Осындай ерке, қыңыр, тәрбиесі қиын оқушылар бізде де кездеседі. Мысалы, ешбір рұқсатсыз орнынан тұрып кету, сабқта тыныш отырмау, мұғалімнің сабақ…