Бала денсаулығын қорғауға арналған мектеп әкімшілігі мақаласы

Бала денсаулығы – басты назарымызда

Еліміз Тәуелсіздік алғалы, Аллаға шүкір, өшкеніміз жанып, өлгеніміз қайта тірілгендей. Білім ошақтары таза ана тілінде тегін оқытып, жас ұрпақтың сапалы білім алуы үшін толық жағдай жасалған. «Еліміздің ертеңі – білімді жастардың қолында» деп Елбасымыз айтқандай, ел ертеңінің еңселі болуы үшін балалардың озық технологияны меңгеріп, ақпараттық сауаттылығы жоғары деңгейде болуы шарт. Ал осы тұста, адамға ең алдымен, біліммен қатар денінің сау болуы да аса маңызды.

Алдымызға келген бүлдіршіннің бөбек кезінен туа бітті денсаулығында кінарат бар немесе жоқтығын саралап, тіркеуге қойып, күнделікті көңіл-күйінің, ағзасындағы өзгерісіне шейін жіті бақылауда ұстап отырамыз.

Мектеп аяжанының жауапкершілігі деген өте үлкен. Балалар мен мектеп педагогтарының күнбе-күн дене қызуын өлшеп, сабақ аяқталар сәтке шейінгі эмоциялық-психологиялық, физикалық қалпына бақылау жасайсың. Дәл қазіргі ЖРВИ, тұмау, COVID-19 т.б. вирусты респираторлық ауру дендеген суық шақта, әр баланың денсаулығына мұқият болған керек.

Мектеп қарауылынан бастап, дене қызуын өлшеп, оқушылардың жиі топтанбауына, сабақ процесінде тым жақын орналаспауына шейін, сыныптыағы кварцтау ережесін, антисептикалық заттардың болуын, тамақтану барысындағы, дене шынықтыру сабағы барысында да, қоңырау кезіндегі ойын барысына шейін жіті мейіргердің бақылауында жүреді. Бұл жауапты қызметті өте белсенді атқаруға тырысып жүрміз. Барлығы да бала денсаулығы үшін болғандықтан, еш ренжіп-шағым айтуға, жұмыстың күрделілігіне арыз айтуға негіз жоқ. Біз әлі де елімнің ертеңі кемел боларына сенемін, бұл елге келген дертті жұмыла жеңеміз!

Кулайша Ауелбекова

№40 А.Қыраубаева атындағы орта мектеп мейіргері