Бала эмоциясын дамытуға арналған ойындар жинағы

«Эмоциялар» ойыны

Балалның эмоционалдық әлемін дамытуға бағытталған ойын. Ойын барысында бала эмоцияның негізгі түрлерін ажырата алуға, графикалық сурет арқылы эмоцияның түрін көрсетуге үйренеді.

Ойынның басында мақсатты түрде барлық ергежейлілердің суреттерін қарап шығу ұсынылады. Ойынның барысында қиындық туындамас үшін баламен әр суреттің эмоциялық жай-күйін бағалап шығу қажет.

Қажетті құрал-жабдықтар:

Ергежейлілердің әр түрлі эмоциядағы суреті бар 6 карточка: қуану, ренжу, ашу, қорқу, таңқалу, кінәлау;

6 пиктограмм бөлігіне бөлінген 10 карточка;

Әртүрлі түстегі фишка жинағы – 60 дана;

Сызбасы бар текше;

Бос шеңберлері бар карточка жинағы;

Ойынға 2-ден 10-ға дейін бала қатыса алады. Ойын 4-7 жасар балаларға арналған.

Ойынның шарты:

1-нұсқасы: балаларға пикторгамма карточкасы суреті мен түрлі-түсті фишка жинағы таратылып беріледі. Жүргізуші балаларға ерегежейлінің суретін көрсеткен кезде, балалар пикторгаммада көрсетілген ерегежейлінің эмоциясына сай келетін суретті фишкамен жабуы тиіс.

2-нұсқасы: балаларға пикторгамма карточкасы суреті мен түрлі-түсті фишка жинағы таратылып беріледі. Үстел үстіне балалардың алдына ергежейлілердің бейнеленген суреттері қойылады. Карточкалар аударылған күйде болуы тиіс. Жүргізуші балалардың біреуіне кезкелген суретті қалған балаларға көрсетпей алуын сұрайды. Суретті алған бала сол эмоцияны салуы тиіс, ал қалған балалар ол қандай эмоция екенін тауып, фишкамен пиктограммадағы суретті жабуы керек.

3-нұсқасы: балаларға пикторгамма карточкасы суреті мен түрлі-түсті фишка жинағы таратылып беріледі. Жүргізуші балаларға кезекпен текшені лақтыруға ұсыныс береді. Текшені лақтырған бала оған түскен эмоцияны атайды, ал қалған балалар өздерінің карточкасындағы эмоцияны жабады.

4-нұсқасы: Ойынға 6 адам атсалысады. Әр балаға бір-бір ергежейлінің суретін алып шығуға тапсырма беріледі. Балалар кезекпен алып шыққан эмоциясын бет-әлпетінде бейнелейді, ал қалған балалар оны фишкамен пиктограммадан тауып алып жабады. Кім көп эмоция тапса сол жеңіске жетеді.

5-нұсқасы: Балаларға бос шеңберлердің суреті салынған карточка беріледі. Балалардың біреуі схемасы бар текшені лақтырады. Балалар текшеге түскен эмоцияны айтып, кейін оны шеңберге салуы тиіс.

Эмоцияны бейнелеуге қысқаша ойындар

«Шаршау» Асан күні бойы бақшада әжесіне көмектесті. Олар ағашты түптеп, суарды. Барлық жұмыстарды жасап болғаннан соң, Асан өзінің өте қатты шаршағанын сезді. (басын, иығын түсіріп, қолдарын босатып астына қарай жіберіп еңкейю)

«Тұзды шай» Таң атты. Анасы Аружанды оятты. Ол ас үйге ұйқысын ашар-ашпастан келсе, анасы шай кұйып қойған екен. Қант салуға қолын созған Аружан байқаусызда тұз салып шайн былғай бастады. Енді бір кезде шайын ішсе, өте дәмсіз, тұздың ащы дәмін сезді. (басын артқа тартып, көзін қысыңқы етіп, қасын қосу)

«Ашулы ата» Асқар ауылға атасына қонаққа келді. Ол атасынан сұранып қыдыруға кеткен еді. Атасы оған ауладан ұзап ешқайда баруға болмайтынын ескерткен болатын. Асқар болса ойынның қызуымен ауладан шығып кеткен екен. Атасы Асқардың қылығына ашуланды. (қабағын түю)

«Ойлану» Қыздар орманда саңырауқұлақ пен жидек теріп жүріп адасып кетті. Олар қай жақ жолмен үйге баратынын білмеді. (қолдарын алдына бірінің үстіне бірін қойып, игіне қолын сүйеп ойлану)

«Бұлттар» Балалар жағажайда жатып аспандағы көшкен бұлттарды неменеге ұқсайтынын айтып таңқалысып «Бұлттар неменеге ұқсайды?» ойынын ойнап жатыр.

«Әжем келді» Бір күні есік қағылды. Айдана жүгіріп барып есікті ашып, қатты таңқалды. Ауылдағы әжесі қонаққа келген екен, ол оны көптен көрмеген еді. Бұл Айдана үшін тосынсый болды. (қасын керіп, көзін кең ашу)

«Досыммен кездесу» Таир мен Алишер жылда ауылға әжелеріне баратын. Олар дос болатын, үнемі бірге ойнайтын. Балалар бір қалада тұратын бірақ ешқашан кездеспеген. Жаз бітіп жатқан кезде олардың көңіл-күйі түсіп, жыл бойына қоштасуға бірін-бірі қимайтын. Қыстың бір күнінде Таир автобус аялдамасынан Алишерді көріп, өте қатты қуанды. (күлімдеу, қол созу)