Бала құқығы туралы 7-сынып тәрбие сағатының жоспары

«Бекітемін» МДТЖЖО: Мусағалиева А.А.

Тақырыбы: Бала құқығы – асыл қазына

Мақсаты: Оқушылардың адам құқықтарын сақтау, өз құқықтары мен міндеттерін жүзеге асыруға дайындық қабілеттігін қалыптастыру.

Оқушыларға адам құқығы, бала құқығы, құқықты алаң, оқушының құқығы мен міндеті ұғымдарын меңгерту, проблемалық жағдаяттарды құқықтық тәсілмен шешуге үйрету.

Оқушыларды заңдарды сыйлауға, өз құқығын қорғауға тәрбиелеу.

Көрнекілігі: тақырыпқа байланысты суреттер, Қазақстан Конституциясы, Бала құқықтары туралы Конвенциясы, интерактивті тақта, слайдтар, ертегілер, жағдаяттар.

Барысы:

Құқық – мемлекет тарапынан, болмаса тиісті қаулы, заңмен әрбір адамға берілген ерік, бостандық.

Конституция – бұл Қазақстан Республикасында тұратын барлық азаматтардың құқықтары мен міндеттері берілген құжат.

12-бап. Біреудің атына кір келтіруге, жеке басының тіршілігіне араласуға, рұқсатсыз үйіне кіруге, біреудің хаттарын оқуға ешкімнің құқы жоқ.

17-бап. Адамның қадір-қасиетіне қол сұғылмайды. Ешкімді азаптауға, оған зорлық, зомбылық жасауға, қатыгездік немесе адамдық қадір-қасиетін қорлайтындай жәбір көрсетуге, яки жазалауға болмайды.

19-бап. Әркімнің ана тілі мен төл мәдениетін пайдалануға, қарым-қатынас, тәрбие, оқу және шығармашылық тілін еркін таңдап алуға құқығы бар.

29-бап. Қазақстан Республикасы азаматтарының денсаулығын сақтауға құқығы бар.

30-бап. Азаматтардың тегін орта білім алуына кепілдік беріледі. Орта білім алу міндетті.

Қазақстан Республикасы азаматтарының конкурстық негізде тегін жоғары білім алуға құқығы бар.

Конвенция – арнайы бір мәселе жөніндегі мемлекеттердің өзара келісімі.

1994 жылы 8 маусымда Қазақстан Республикасы «Бала құқықтары туралы» Конвенцияны бекітті.

«Балалар құқығы туралы» халықаралық Конвенциядан

-Мемлекет әрбір баланың аман-сау өсіп, жан-жақты дамуын қамтамасыз етеді;

-Бала жарық дүниеге келе салысымен тіркеуге алынады және өзіне есім мен азаматтық алуға құқылы;

-Әрбір бала өз отбасында, ата-анасымен бірге өмір сүруге құқылы;

Біріккен Ұлттар Ұйымы (БҰҰ)– жер бетіндегі халықтардың мүддесін қорғайтын халықаралық ұйым. 1948 жылы 10 желтоқсанда БҰҰ «Адам құқықтарының жалпыға ортақ декларациясын» қабылдады. Адам құқығы күні. 1 маусым – Балаларды қорғаудың халықаралық күні.

Туу туралы куәлік – баланың қашан туылғандығын анықтайтын негізгі құжат. Бұл баланың ең бірінші құжаты.

Азамат – жеке тұлға, ол мемлекеттің тұрақты тұрғыны және құқығы мен міндетінің иесі.

Балалар адамға қатысты барлық құқықтарға ие, бірақ ересектерге қарағанда өз құқықтарын қорғау мүмкіндіктері аз болғандықтан ерекше құқықтық қорғауды қажет етеді. Қазақстанда балалардың құқығын қорғау туралы атаулы күндер берілген.

“Әрекет – қабілеттілік пирамидасы”

0-жас. Туу құқық қабілеттілікке ие болу.

6-7 жас. Тұрмыстық келісім шаралар, мектепке оқуға бару.