Бала құқығын қорғау конвенциясы тәрбие сағаты 11 сынып

Атырау қаласы

Жалпы білім беретін

М.Өтемісов атындағы орта мектеп

Сынып жетекші: Мырзашева Г.Ғ.

Тақырыбы: Бала құқығын қорғау конвенциясы – дүние жүзілік

балалар конституциясы

Мақсаты : Оқушыларға адам баласының қадір – қасиетін, құқықтары мен бостандықтарын, зорлық – зомбылық пен қанауға қарсы екендігін, адамның құқықтары заң билігімен қорғалатынын, барлық адам тең құқылы екендігін, әрбір азамат өз құқын қорғай білу керектігін айта отырып, департамент мамандарымен бірлесе құқықтық тәрбие беру.

Көрнекілігі :

Қазақстан Республикасының Конституциясы.

Адам құқығының жалпы ортақ Декларациясы.

Балалар құқықтары туралы Конвенция.

Интерактивті тақта, шарлар, кітап көрмесі.

Әдісі : Әңгімелесу, пікірлесу, тренинг, сұрақ – жауап.

Жүрісі : 1. Ашылу.

2. Конвенция баптарынан үзінділер.

3. Мектеп психологтарының «Жеке тұлғаны қалыптастыру» тренингі.

4. Конвенция баптары бойынша көріністер.

5. Сұрақтар қою.

6.Қорытындылау.

1. Кіріспе сөз.

2. Конвенция баптарынан үзінділер.

1-о. Адам құқықтарының жалпыға бірдей Декларациясы 1948жылы 10- желтоқсанда қабылданып, Бас Ассамблеяның 217(ІІІ) қарарымен жария етілді. Әлемде 1979 жылы Халықаралық балалар жылын өткізу кезінде «Балалар құқығы» туралы халықаралық конвенцияны дайындау жөнінде топ құрылды. 1989 жылы 20 – қарашада Конвенция БҰҰ-да бір ауыздан қабылданды. Конвенция әлем балаларының құқын қорғау туралы және оларға тәрбие беру жөніндегі бірнеше баптан тұратын маңызды құжат.

2 – о. Онда : «Қатысушы мемлекеттер әрбір баланың өсіп-жетілуі үшін қажетті тұрмыс дәрежесін қамтамасыз етеді және оның құқығын мойындайды» (27-бап) делінген.

3 – о. 1995 жылы Қазақстан Республикасының Президенті Н.Ә.Назарбаев Нью – Йоркте Юнисеф-тің атқарушы директоры Джеймс Грантпен бірге «Бала құқығы туралы Конвенцияға қол қойды. Әлемнің 156-шы елі болып қол қойған бұл елеулі қадам жыл сайын 20-қарашада Республика балаларының өз құқықтарын қорғау мерекесі ретінде аталып өтіледі.

4 – о. Адам құқықтарының жалпыға бірдей Декларациясы – адам құқықтары мен бостандықтарына жататын құқықтық нормалар мен ережелер халықаралық құқықтың маңызды құрамдас бөлігі.

5 – о. Балалар құқықтары туралы конвенциядан кейбір баптарды қарастырамыз.