Балабақша тәрбиеленушілеріне жол қауіпсіздігі ойыны

ҚАРАҚИЯ АУДАНЫ ӘКІМДІГІНІҢ «ҒАРЫШКЕР»БАЛАБАҚШАСЫ

МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРЫН

«Қызғалдақ» тобы

Жол қауіпсіздік ережесін сақтайық!

Тәрбиеші: Б.Т.Кдыршаева

Жетібай ауылы

2019 жыл

Тақырыбы: Жол қауіпсіздік ережесін сақтайық!

Мақсаты: 1. Балаларды жолда жүру ережесімен таныстыру.

Жол қауіпсіздігін есте сақтауға, білуге жол ережесінің белгілерімен таныстыру.

Жаяу жүргінші мен көліктің байланыс қатынасын білдіру.

Балаларды көшеде дұрыс жүріп, жол ережесін сақтауға тәрбиелеу. Көшеде жүру

ережесін түсіндіру арқылы жолда жүру мәдениетін үйрету.

Көрнекіліктер: демонстрациялық материалдар, бағдаршам, жолақ жол, слайд тақта.

Жүргізуші: -Сәлеметсіздер ме құрметті балалар,қонақтар! Бүгін біздің ұйымдастырылған «Жол қауіпсіздік ережесін сақтайық! » атты тәрбие сағатына кош келдіңіздер.

Шуақты өміріміз күндей күліп,

Жүректе бүршік атып гүлдейді үміт.

Арманға сапар тарту мүмкін емес

Жол жүру ережесін білмей тұрып.

-Жол заңы дұрыс жүріп, абай болуды талап етеді. Жол тәртібін бұзба, ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны, шаңғы тебетіні, жүріп бара жатқан машинаға жабысатыны, қалтарыстан жолға шығып келетін салдарынан бұзылады. Сондықтанда балалар жол ережесін үнемі есімізден шығармауымыз керек.

Жүргізуші: Балалар жол ережесін сақтауға дайынбыз ба?Балалар хормен: Жол тәртібін білейік, Аман - есен жүрейік.

Жүргізуші: -Балалар жол ережелерін сақтау үшін бізде көптеген жол белгілері бар,олар бізге көмек береді.

-Бүгін бізге қонаққа бағдаршам келді, қазір балалар мен сендерді бағдаршаммен таныстырайын, және ол туралы әңгімелесейік,мен сендерге бағдаршам туралы тақпақты айтып берейін

Қызыл көзін ашқанда,

Сынық сүйем баспа алға

Сары көзін ашқанда,

Қарап қалма аспанға!

Жасыл көзін ашқанда,

Өте бергін, жасқанба!

Қызыл түсі – Тоқта!

Сары түсі – Сақтан!

Жасыл түсі – Жол ашық!-деп білдіреді

Жүргізуші: Жұмбақтар шешу

1. Ала таяқ ұстаған,

Жол тәртібін нұсқаған.

Өміріңді күзеткен,

Ысқырықпен түзеткен. (Милиционер)

Көше бойлап аяңдайды,

Адам тасып аялайды. (Автобус)

Көліктің қаншасын үстінен өткізген,

Іргеден басталып, алысқа жеткізген. (Жол)

Арқаным бар тым ұзын,

Ала-алмайсың бір үзім.

Табыңдаршы, балалар,

Бұл жұмбақтың шешуін. (Жол)

Көзін ашып жұмады.

Бағыт сілтеп тұрады. (Бағдаршам)

Жүргізуші: Сұрақтар: