Балабақша жүрегі мектепке дейінгі балаларға сабақ жоспары

ӘДІСКЕР -БАЛАБАҚША ЖҮРЕГІ

Бүгінгі қоғам құзырлы тәрбиешінің алдына баланың жан дүниесін жақсы түсіне білу жөнінде нақты міндеттеме қойып отыр. Құзырлы оқыту мен тәрбиелеудің маңызды факторы тәрбиешінің баланың тақырыптың мәнін қызығушылықпен қабылдауы және оны өзі жасап көруі болып табылады. Сапалы оқыту - тәрбиеші бейнесімен танылатын сан алуан элементтер арасындағы байланыс болып табылады, сапалы оқыту балалардың қоршаған ортаны жеңіл әрі тез меңгерту жағдайы. Сондықтанда ең ұтымды инновациялық технологияларды қолдануды іс тәжірибеде көрсетемін. Үйренгенін ғана оқу қызметте қолданады. Әрбір педагогикалық технологияның өзіндік жаңа әдіс –тәсілдерінің ерекшеліктеріне қарай әр тәрбиеші өз ізденісі арқылы жеке баланың қабылдау деңгейімен қабілетіне сәйкес іріктеп пайдаланады. Балалардың жас ерекшеліктері ескеріледі.

Қазіргі білім беру саласында оқытудың озық технологияларын меңгермейінше, балаларға заман талабына сай жан –жақты білім беру мүмкін емес. Жаңалықтан қалмай, сабағын түрлендіріп өткізе білетін тәрбиеші өзін - өзі дамытып, оқу –тәрбие үрдісін тиімді ұйымдастыруына көмектеседі. Менің жұмыс жүйем тәрбиешілердің тиісті сапалық деңгейге қол жеткізуіне бағытталған. Ол сапалық деңгей тәрбиешінің өзін кәсіби тұрғыдан ой толғауға қабілеттілігі, өзінің оқыту және оқу тәжірибесін өзгертуге, сондай –ақ инновациялық технологияларды тез игеріп, идеяларын іске асыруға, талдауға және бағалауға дайын маман ретінде тануы.

Балалардың танымдық қабілеттерін арттыру үшін және де жан –жақты дамыту үшін тәрбиеші ұйымдастырылған оқу іс - әрекетінде қызығушылықты арттыруға көңіл бөлсе ғана олардың өз бетінше жұмыс істеу қабілеті мен өз өзіне қызмет көрсете алуы, белсенділігі және тіл де дамып, логикалық ойлау қабілеті қажетті деңгейде дамиды, ал соның арқасында балабақша тәрбиеленушілерінің бәсекеге қабілеттілі мен зияты едәуір көтеріле түседі. Бұл жетістіктердің барлығы тәрбиешілердің тынымсыз еңбегі мен ізденісінің жемісі. Ал, тәрбиеші – баланың табысына қатты ынта қоятын, олардың рухани өсуіне мүдделі, жауапты да қамқор адам екенін ұмытпауы керек. Тәрбиеші - алдымен баланың оқу тәрбиеге деген қызығушылығын ояту қажет. Баланың қызығу жәрдемімен оқып – үйрену барысында қабілеті ашылып, дарыны ұшталады, өз күшіне мүмкіндігінше сенімі артады мендігі қалыптасып, жеке тұлғалық сипаттарға ие бола бастайды.