Балабақшада бала тәрбиесіне арналған пікірталас

Тақырыбы: «Бала тәрбиесі баршаға ортақ».(пікірталас).ата-анамен жұмыс

Мақсаты:Ата-аналардың бала тәрбиесіне көзқарасын өзгерту,балабақшамен тығыз байланыста болуын қалыптастыру.

Сәлеметсіздер ме,құрметті ата-аналар,№10 балабақша ұжымы!Ересектер «Балдырған » тобында ұйымдастырылып отырған,ата-аналармен пікірталасқа қош келдіңіздер!

Адамзат баласының ең негізгі мақсаты-дүниеге келген ұрпағының болашағына жауапкершілікпен қарау.Бала ата-ананың көз қуанышы,болашағы.Бүгінгі біздің пікірталасымыздың тақырыбы: «Бала тәрбиесі баршаға ортақ»-деп аталады.

Ата-аналар барлығымыз орнымыздан тұрып,бір-біріміздің қолымыздан ұстап,балаларымызбен бірге шаттық шеңберін орындалық.Балаларымыздың көмегімен іс-қимылмен орындаймыз.

Шаттық шеңбері.

Бала,бала,балақан(бір-бірінің қолынан ұстап тұрады)

Қане қайсы алақан(алақандарын көрсету)

Саусақтарың әйбат(саусақтарына қарау)

Былай-былай ойнат(саусақтарын айналдыру)

Топ-топ,топ-топ басайық(аяқтарын тарсылдату)

Жалаудан күн жасайық(екі қолдарын дөңгеленту)

Жаса-жаса жарқын күн(оң қолын созу)

Жаса-жаса алтын күн.(сол қолын созу)

Шаттық шеңберін жасап болсақ.Орнымызда бір-бірімізге қарама-қарсы тұрамыз.

Бір күнгі танысыңа қырық күн сәлем дегендей,біз бүгін бір-бірімізбен дәстүрден тыс амандасу түрлерін жасаймыз.Мен сіздерге қалай қимылмен жасайтынымызды айтам,сіздер соны жасауларыңыз керек.

1.Алақанымыздың ішін және сыртын тигізіп,бір-бірімізге күлімсірей қарайық.

2.Бір-бірімізге маңдайымызды тигізіп сәлемдесеміз.

3.Оң және сол шынтағымызды тигізіп сәлемдесеміз.

4.Екі қолымызды қосып,басымызды иіп сәлем береміз.

Ата-аналар сәлемдесу кезінде қандай әсерде болдыңыздар!Айтып өтсеңіздер.

Енді мен сіздермен танысу айдарын ұйымдастырамын.Танысу айдарында ата-аналар,өз есімін айтып өтіп,есімінің бас әріпіне байланысты сын есіммен сөз қосып айтады,содан кейін баласының есімін айтып,оның да бас әрпіне байланысты мінездеме беріп өтеді.

Мысалы:Менің атым -Айгүл.Мен айдай сұлу Айгүлмін.Баламның есімі-Ерасыл-ер мінезді бала.Бір-бірімізбен сәлемдесіп,танысып алсақ.

Сіздерге Әке,ана сөзі жазылған 2парақ берем.Соған әке ,ана дегенде ойларымызға не келеді,соны жазып,түсіндіріп өтсеңіздер.

Ата-аналар сіздер балаларымыздың әнін тыңдай отыра тапсырманы орындай беріңіздер.

Хор:Топ-топ балақан

Енді сіздермен кішкене ойын ойнасақ.Ойынның аты: «Өтінемін»

Шарты:Мен сіздерге бірнеше нұсқаулар айтамын.Сіздер іс-қимылмен көрсетесіздер.Мен өтінемін сөзін қосып айтқанда ғана қимылды жасайсыздар.

Өтінемін қолымызды көтерейік.Өтінемін билейік.Ал енді бір-бірімізді құшақтайық.Өтінемін бір-бірімізге қарап жылаймыз.Ал енді қабағымызды түйеміз.Ойын сіздерге ұнады ма?

Ситуациялық сұрақтар

Менің қолымда конверт тұр.Конверттың ішінде, карточкаға сұрақ жазылған.Сұрақтарға жауап берсек.Үш ата-ана сұрақ алса.Ата-аналар көңіл-күйлеріңіз қалай?

Осындай көтеріңкі көңіл күймен Сіздерге дайындаған сауалнамам бар.Сауалнамаға жауап берсек.

Сіздер сауалнамаға жауап берем дегенше балаларымыздың биін тамашалайық.