Балабақшадағы ата-аналармен жұмыс материалы

Тақырыбы: «Әкем, анам және мен – шынығамыз спортпен!»

Мақсаты: Мектеп жасына дейінгі балаларды салауатты өмір сүруге қызығушылығын арттыру. Спортпен айналасудағы әртүрлі дене шынықтыру жаттығуларының әдістерін үйрену, оларды қолдану. Салыстыру арқылы балалардың ой-өрісін дамыту. Ата-аналардың балабақшамен тығыз байланысын дұрыс жолға қою және ойындарға ата-аналардың белсене қатысып, ынтымақтаса жүргізілген жұмыстың нәтижелі болатындығын көз жеткізу.

Іс -шараға қажетті құралдар: доп, жалау, кегли, шығыршық, қапшық, кішкентай доптар, шар, ракетка.

Іс-шараның өту барысы:

Жүргізуші: Бүгінгі сайысымыз Астана қаласының 20-жылдық мерекесіне арналады. Бүгінгі эстафеталық жарысымызды бастамас бұрын әділқазылар алқасын таныстырып өтуді рұқсат етіңіздер.

А.Мухаметжанова – балабақша меңгерушісі;

Е.А.Чумак – балабақша медбикесі.

Жүргізуші: Бүгін үш топ жарысқа түседі.

Мерген, мерген, мергенбіз,

Бәрін көздеп жеңгенбіз.

«Жүйріктер»

Топты бастап жүретін,

Жүйріктерміз біз алды.

Жеңісті қолдан бермейтін

Жүйріктерміз біз мықты.

Жүргізуші: Ал, қане бір-бірімізді қостаймыз

Бүгінгі жарысымызды бастаймыз.

1. «Жалауды тез жеткіз» Әр топтан 4 баладан шығады. Балалар жалауды ұстап кеглилердің арасынан жүгіреді, ата-аналар шармен секіріп барып қайтады.

2. «Қапшықпен секіру»

3.«Туннель»Әр топқа матадан жасалған туннель беріледі. Әр ойыншы туннель арасынан өтіп, белгіленген жерге дейін жүгіріп, орнына келеді.

4. «Фитбол» - секіріп мәреге жету.

5. «Кім шапшаң» - ата-аналар скакалкамен белгіленген жерге жетіп, қайтар жолда мәреге допты теуіп қайтады.

6. «Паравозик» - ата-ана баласымен жүгіріп мәреге жету.

7. «Кенгуру» - допты аяқтың ортасына қысып мәреге жету.

Жүргізуші: Бүгін міне оң болып бәріміз жоғары боп күш – жігер намысымыз осылайша қуанышпен думандатып аяқталды жарысымыз. Сөз кезегін әділқазыларға береміз.

Ата-аналарды құттықтап «Алғыс хатпен» марапаттау.

Жүргізуші: Осылайша жарыс жолын тартамыз

Барлығымыз көңілді қайтамыз

Балаларды шынықтырған, жаттықтырған

Жаттықтырушы ағайға рахметімізді айтамыз!

Көрсетті міне өз өнерін балалар,

Сайыстың да соңы келіп таянар.

Жеңімпазды анықтайық қанекей,

Әділқазы сайысты әділ бағалар,-деп, сайысымыздың шарттары бойынша қорытынды шығарып жеңімпаздарды анықтап, марапаттау үшін сөз әділқазыларға беріледі.

Жүргізуші:

Спорт –көркі өмірдің,

Спорт- досың, серігің.

Жаттықсаң шымыр боларсың!

Тақырыбы: Жарасымды отбасы

Сайысқа бірнеше отбасы әке-шешесі,балалары қатысады.

Өткізілу түрі: сайыс

Мақсаты: Отбасы мен балабақша арасындағы қарым-қатынасты нығайту. Ұлттық салт-дәстүріне деген сүйіспеншілігін арттыру. Қазақтың салт-дәстүрлері және ырым-тыйым сөздері жайында мағлұмат беру. Ата-аналар мен балалардың бір-біріне деген түсінушілік көз қарастарын кеңейту.

Көрнекті құралдар: Сиқырлы қоржын, асықтар, конверттер, қағаз, қайшы, желңм, түрлі-түсті қағаздар, әр түрлі табиғи материалдар, қыл-қалам, картон, салфетка, сыйлықтар т.б.

Әдіс-тәсіл : Сұрақ-жауап, ойын.

Ұйымдастыру барысы : Ата-аналармен таныстыру:

Жүргізуші:

Кең даланы ежелден,

Мекен еткен халықпыз,

Өзге ұлттай біздің де,

Бар дәстүр мен салтымыз.

«Жарасымды отбасы» атты сайысымызды бастайық.

Құрметті қатысушылар сіздерді сайыстың бағдарламасымен таныстырып өтейін.

Отбасылардың таныстыруы

Мұны сіз білесіз бе...? Сұрақ жауап сайысы

Өнерлі отбасы

Тоқсан ауыз сөздің тобықтай түйіні... Мақал-мәтел

Өнерлі екен он саусақ

Балаларға сұрақтар

Жұмбақ шешіп жарысайық

Ойын

Бірінші сайыс: Таныстыру. Әр отбасы өлеңмен, әнмен, слайд арқылы, әңгіме арқылы өздерін таныстырады.

Екінші сайыс: Мұны сіз білесіз бе...? Ата-аналарға сұрақ жауап сайысы.

Жеті қазынаны атаңыз.

Жеті атаны атаңыз.

Ұлттық музыкалық аспаптрады атаңыз.

Қазақтың ұлттық киімдерін атаңыз.

Наурыз көже калай жасалады?

Мұсылманның бес парызын атаңыз.

Ұлттық ойындарды атаңыз.

Халық шеберлері кімдер?

Қазақтың тұңғыш ханы кім?

Ұлттық көліктерді атаңыз.

Балаларға сұрақтар:

Жыл мезгілдерін ата.

Үй жануарларының аттарын айтып бер.

Бір жылда неше ай бар, атап бер?

Қандай ұлттық ойындарды білесіндер?

Қандай ертегі білесіңдер?

Ұлттық ойындарды ата.

Үшінші сайыс: Мақал-мәтелдер сайысы.

Жүргізуші: Қазір бір жолын айтамын, Сіздер әрі қарай жалғастырасыздар.

Өнер он іспен тең ...

(Өнерпаз он кісімен тең)

Ақылдан асқан байлық жоқ ...

(Кітаптан асқан қазын жоқ)

Еңбек етсен ерінбей ...

(Тояды қарнын тіленбей)

Сәбидін тілегі қабыл...

(Атаның батасы қабыл)

Ұлт қасиеті – тілінде...

(Құс қасиеті – қанатында)

Атадан ұл туса игі...

(Ата жолын қуса игі)

Бесінші сайыс:

Жүргізуші:

Қазақ жұрты киелі, өнерліні сүйеді,

Сіздерді күтіп отыр, сонша қауым.

Би билеп, ән салып бер енді. – демекші, ендігі кезекті өнерге береміз. (Әр бір отбасы өз өнерлерін көрсетеді).

Алтыншы сайыс: Шеберхана

Жүргізуші: Әркімге керек қол өнер,

Он саусағынан он өнер.

Түгел болар дүниең,

Біліп алсаң оны егер.

Келесі кезекті қол өнерге береміз (7 минутта әр түрлі заттар жасау).

Жетінші сайыс: Жұмбақ сайысы.

Жүргізуші: Ойнайықта, ойлайық қандай жұмбақ болсада шешпей оны қоймайық.

Еріксе, құйрығымен ойнайды,

Зеріксе, ұйқыға бір тоймайды. (Мысық)

Қаймықпайды күшті аңнан,

Қорқады тек тышқаннан. (Піл)

Бір көрсе өзі білік, іші қуыс,

Ол заттың сүйегі көп айқыш-үйқыш

Көзі бар жарқыраған төбесінде,

Жайса үлкен, жинағанда бәрақ уыс. (Киіз үй)