Балабақшадағы шаттық шеңберіне арналған ашық сабақ

Шаттық шеңбері

1.Амансың ба, Алтын Күн? Амансың ба, Көк Аспан? Амансың ба, достарым? Сендерді көрсем қуанам.

2.Келші, досым, айналайын, Құшақтайын, аймалайын.

3.Біз қандаймыз, қандаймыз, Шұғылалы таңдаймыз! Күлімдеген күндейміз! Еш уайымды білмейміз.

4.Сәлеметсіз бе, апай? Сәлеметсіз бе, ағай? Есенсіз бе, әжей? Амансыз ба, атай?

5.Күндей жадырап, Жұлдыздай жарқырап, Судай мөлдір таза көңілмен, Бүгінгі күнімізді бастайық.

6.Жарқырап күн де ашылды, Айналаға гүл шашылды. Қайырлы күн! Біз көңілді баламыз! Қайырлы күн! Біз сүйкімді баламыз!

7.Бақшамызға барғанда, Жолыққан бар жандарға. Ертемен ақ пейілмен: «Қайырлы таң!» деймін мен. Күндіз де елді елеймін, «Қайырлы күн!» - тілеймін. Үйге кешке келемін, Не дерімді білемін: «Кеш жарық!» деп кіремін.

8.Баршаға сыйла махаббат, Қуансын бар адамзат. Сан есеге көбейіп махаббатың, Тиеді саған шапағат.

9.Қайырлы таң, Аспан Ата! Қайырлы таң, Жер Ана! Амансыз ба? Есенсіз бе?

10.Достық іс пен қасты да, Жеңеріме сенемін. Ақыл, сана, біліммен, Өнеріме сенемін.

11.Қуан, шаттан, алақай, Қуанатын күн келді. Күліп шықты күн бүгін, Қайырлы таң! Қайырлы күн!

12Алдымыздан кезіккен, Көп танысты көреміз. Бәріне де ізетпен -Сәлеметсіз бе, ағай?-деп -Сәлеметсіз бе, апай?-деп -Есенсіз бе, әжей?-деп -Амансыз ба, атай?-деп -Ұл-қыз сәлем береміз, -Өнегелі өренбіз.

13.Аспан Атадан күш-қуат алайық. Армысыз, қайырымды Аспан Ата! Армысыз, мейірімді Жер-Ана! Армысыз, шұғылалы Алтын Күн!

14.Еңбек етсем ертеңгі, Бақытыма сенемін! Мақсатыма жеткізер Уақытыма сенемін!

15.Ойнасын, мейлі ойнасын, Ойынға ешбір тоймасын. Алаңсыз болып ай-күнің, Жақсылық бүгін тойлансын!

16.Мен келдім, міне, бүгін ортаңызға, Амандық тілеп сізге, баршаңызға. Саулығын берсін деймін бәрімізге, Келесі кездескенше жаңа күнге.

17.Жарқын болсын өміріміз, Жаздың әсем таңындай. Таза болсын көңіліміз, Таудың аппақ қарындай.

18.Шеңберге мен шақырамын, Мейіріммен бас қосуға. «Өзін-өзі тану» пәні Көмектесер достасуға.

19.Қайырымды жандар айнала, Шеңберге келсін жайлана. Жалықпастан қайта біз, Махаббат сөзін айтамыз. Сүйеміз барлық әлемді, Әлемдегі бар елді. Бақыттымыз осы біз Қасымызда досымыз!

20.Балабақшам, армысың, Сені қатты сүйемін! Достарым, аман бармысың, Сендерді қатты сүйемін!

21.Адал жақсы ниетпен Бар адамға бақ тілеп. Жарып шыққан жүректен, Сөздің бәрі-Ақ тілек!

22.Отбасының гүліміз, Көңілді өтер күніміз. «Қайырлы таң!» деп айтамыз, Бір болып, кеште қайтамыз.

23.Досың сені қалдырмайды қиынға, Сұрамайды сенен артық бұйым да. Нағыз дос деп осыны айт, Көңілдердің хошын айт!

24.Көк аспанда күн күлсін, Бірге күлсін бүлдіршін. Көк аспанда күн күлсін, Жерге ұдайы нұр құйсын. Көк аспанда күн күлсін,

25.Ұл қолында ту жүрсін. Қыз қолында гүл жүрсін, Көк аспанда күн күлсін, Бірге күлсін бүлдіршін.

26.Бақыт-біздің сиқырлы шеңберіміз, Бақыт-біздің достарға сенгеніміз. Бақыт-таңнан біреумен достасуың, Бақыт-кеште достармен қоштасуың.

27.Бақытты дәйім армандап, Досқа да бақыт тіледің. Күтеді сені алдан бақ, Жақсылық етсең үнемі.

28.Қоңырау біздің сиқырлы, Сыңғырлап тағы ән салды. Шақырды түріп ұйқыңды, Шеңберге тұр,-деп баршаңды!

29.Қайырлы таң, құсқа, аңға да, Қайырлы таң, жайдары жанға да. Қайырлы таң алға ассын, Кешке дейін жалғассын!

30.Күн күлімдеп нұр төкті, бізге жолдап.. Сәлем! Жақсы сөздер нұр септі, бізге жолдап... Сәлем! Еске сақтап кеңесті, достарға сыйла... Сәлем! Кел, қосылып айтайық бір-бірімізге... Сәлем!

31.Достарменен бір жолда Иықтасып жүреміз. Қиындықта қол ұшын Береріне сенеміз.

32.Әдеп сақтап әманда, Әрбір адал адамға. Жасасаң бір қамқорлық, Қайтарады саған да.

33.Шеңбер бойлап жүреміз, Әр гүлге көңіл бөлеміз. Сұлулық пен махаббатты Сезініп өмір сүреміз.

34.Қоршаған өмір әлемі, Не деген көркем, әдемі! Сол сұлулықты сақтайық, Мадақтайық, мақтайық!

35.Жер-Ана, саған мың алғыс, Сыйлайсың бізге қуаныш. Жазда, күзде, қыста да, Көркемсің көктем тұста да!

36.Біз кішкентай баламыз, Қазақстанда тұрамыз. Отанды біз сүйеміз, Мақтаныш оны қыламыз.

37.Қазақстан- туған жер, Сені қатты сүйемін. Көлдер, таулар, даламды, Отаным деп білемін!

38.Кел балалар, күлейік! Күлкіменен түлейік! Күлкі көңіл ашады, Күліп өмір сүрейік!

39.Арым таза, ақ көңіл, Адалдыққа сенемін. Абыройлы, ақ ниет, Адамдыққа сенемін!

40.Бақшамызға барғанда, Жолыққан бар жандарға. Ертемен, ақ пейілмен, «Қайырлы таң!» деймін мен.

41.Кел, балалар, күлейік, Күлкіменен түлейік,