Балабақшадағы ұлттық құндылықтарды зерттеу жұмыстары

Ұлттық құндылықтарды қалыптастыру бағытындағы балабақшадағы ғылыми-зерттеу жұмыстар

Садырова Шынар Файзуллаевна

Атырау қаласы.

№1 Мектепке дейінгі авторлық

гимназияның әдіскері

"Қазақстанның отаншылдық сезімін тәрбиелеу

білім берудің мектепке дейінгі жүйесінен

жоғарғы оқу орындарына дейінгі орталықтарда

барлық ұйымдарда көкейкесті болып

табылады. Балаларды Отанды , туған жерді,

өзінің халқын сүюге тәрбиелеу- мұғалімнің

аса маңызды, аса жауапты да қадірменді

парызы

Н. Назарбаев

Еліміздің дербес, толық қанды ел, егеменді мемлекет болуы, халқымыздың ертеден бергі еркіндік үшін, туған жері – Отаны үшін күресінің жемісі. Бүгінгі таңдағы еліміздің әлемдік өркениет шеңберінде өз орны мен статусын алуға ұмтылысы заңды құбылыс. Өйткені, әр елдің, халықтың өзіндік болмысына тән мақсат – мұраты бар. Мұрат – алға жетелейтін, болашақтан қол бұлғап шақыратын, халықтың арманы, мақсаты. Ал мақсат немесе мұрат – ол, болашақта қол жеткізуге жетелейтін қоғамдық-рухани сананың көрсеткіші - идеал.

Осы тұрғыдан, Қазақстан халқының мұраты: еркін халық болу; өзгелермен терезесі тең мемлекет болу; өз ішінде береке-бірлік пен ынтымақ орнаған халық болу. Бұл мұратты жүзеге асырудың негізгі шарты – әрбір Қазақстан азаматының қатардағы қоғам мүшесі деңгейінен мемлекеттің саналы әрі белсенді азаматы әрі өз Отанының, халқының нағыз патриоты дәрежесіне көтерілуі.

Отансүйгіштік және рухани – адамгершілік тәрбие мектепке дейінгі білім беру сапасын көтерудің кепілі-жаңа кезеңдегі білім берудің өзекті мәселесі жас ұрпаққа Отансүйгіштік және адамгершілік – рухани тәрбие мектепке дейінгі білім беру сапасын көтерудің кепілі болып табылады.

Халқымыз «Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзете алмайсың» деп бекер айтпаған. Сондықтан баланың бойына жастайынан мейірімділік, қайырымдылық, яғни адамгершілік құнды қасиеттерді сіңіріп, өз-өзіне сенімділікті тәрбиелеуде отбасы мен педагогтар үлкен роль атқарады. Рухани – адамгершілік тәрбие – екі жақты процесс.

Тәрбиенің негізгі мақсаты – дені сау, ұлттық сана сезімі оянған, рухани ойлау дәрежесі биік, мәдениетті, парасатты, ар – ожданы мол, еңбекқор, іскер, бойында басқа да игі қасиеттер қалыптасқан ұрпақ тәрбиелеу.

Рухани адамгершілік тәрбие – бұл дұрыс дағдылар мен өзін-өзі ұстау дағдыларының нормалары, ұйымдағы қарым – қатынас мәдениетінің тұрақтылығын қалыптастырады. Жеке адамның адамгершілік санасының дәрежесі оның мінез – құлқымен іс – әрекетін анықтайды.

Қазіргі таңда мектепке дейінгі тәрбие саласында оқу тәрбие жұмысында көптеген жаңа инновациялар пайдалануда. Жаңа инновация үдерісінің негізгі үш бағыты бар:

-басқару әрекетіндегі инновациялар

-педагог кадрлармен жұмыстағы инновациялар

-білім беру мазмұнындағы инновациялар

Мен өзім еңбек етіп жатырған гимназия жұмысында білім беру мазмұнындағы инновациялар бағытына тоқталғым келеді. Білім беру мазмұнындағы инновациялар:

-қосымша авторлық бағдарламаларды бейімдеу мен енгізу;

-педагогикалық технологиялар мен авторлық бағдарламаларды енгізу мен жетілдіру;

-қосымша білім беру қызмет көрсетуін ұйымдастыру.

Инновациялық бағыттағы авторлық бағдарлама жалпы ғылыми ұйымдармен тығыз байланыстың арқасында ғана пайда болады деп ойлаймын. Осы ұйымдармен келісім шартқа отырып, ғылыми жетекшісін белгілеп, «Өрлеу» БАҰО АҚ филиалы Атырау облысы бойынша педагогикалық қызметкерлердің біліктілігін арттыру институтынының кеңесімен соңғы 3 жылда гимназияда- «Үштілділік», «Ойна да ойлан», және осы «Шаңырақ» бағдарламасы аясында жұмыс жасап келеміз.

Осы бағытта біздер шығармашылық топ құрып, "Өрлеу" институтының ғылыми кеңесімен және Қалалық білім бөлімінің 2012 жылдың 31 мамырындағы №430 бұйрығына сәйкес гимназияда балаларды адамгершілік-отансүйгіштік қасиетке туған өлкесін терең таныстыру арқылы тәрбиелеу мақсаты бойынша эксперимент алаңын аштық. Біз ғылыми жетекші етіп Амангелді Шамғонұлын тағайындаған себебіміз, ол адам тарихшы және бірнеше жылдан бері Атырау туралы зерттеп келе жатқан өлкетанушы.

Біздің мақсатымыз-әрбір баланың өзіндік мүмкіндігіне қарай толық жан-жақты дамуы үшін оқу-тәрбие үдерісін жетілдіруге жағдай жасау.

Қазіргі мезгілде өзекті мәселелердің бірі-адамгершілік тәрбие мәселесіне көңіл бөлу.Тәрбие дені сау, ұлттық сана сезімі оянған, рухани ойлау дәрежесі биік, мәдениетті, парасатты, ар-ожданы мол, еңбекқор, іскер, бойында басқа да игі қасиеттер қалыптасқан ұрпақ тәрбиелеуге негізделеді десек, Отансүйгіштік тәрбиенің маңыздылығы қазіргі жағдайда Қазақстан Республикасының "Білім туралы заңы", 2011-2020 жылдарға арналған Білім беруді дамыту мемлекеттік бағдарламасы "Ұлттық мұра" бағдарламасында атап көрсетілген. [1 ]

Қазақтың ғұламасы Ахмет Байтұрсынов: "Отан -өткенімізді танып, бағалай білу, ең әуелі өзімізді қадірлей білу" дегендей Қазақстанда тұратын әрбір қазақстандық туған жерінің тарихын, әдебиеті мен мәдениетін , ең бастысы адамын қадірлеп, өткенін сыйлай, бүгінгісін сезіне келешегін қорғай білгені абзал. Өзінің туған жерінің аты несімен әйгілі, туған топырағынан атақты кімдер шыққанын білуі қажет деп ойлаймын. Біз болашағымызды ертеңгі күннен емес, өткеннен Атыраулық батырлардан, Атырау тарихынан іздеу керек деп білемін. «Мен қоғамда «Қазақ елінің ұлттық идеясы қандай болуы керек?» деген сауал жиі талқыға түсетінін көріп жүрмін. Біз үшін болашағымызға бағдар ететін, ұлтты ұйыстырып, ұлы мақсаттарға жетелейтін идея бар. Ол–Мәңгілік Ел идеясы»-деп елбасы жолдауында айтылған «Мәңгілік ел» идеясының тарихтан бастау алатындығы дәлел. Біздің бастаған жұмыстың бағыты туған өлкесі туралы білім беру, тарихы мен символикасы, көркем жерлері мен табиғаты, өндіріс орындары, олардың пайдасы және туған жердің атағын асқақтатқан адамдармен таныстыру болатын. Гимназияның шығармашылық құрамы соңғы кездегі қоғамды толғандырған мәселе тақырыбын таңдап, қажеттілігін сараптап, жұмыстың мақсаты мен міндетін а

Жұмыс өзектілігі: мектепке дейінгі ересек балаларды адамгершілікке тәрбиелеу материалдары алғашқы рет жүйеленіп, педагогикалық процеске енгізілген.

Эксперимент ІІ кезеңнен тұрды.