Балабақшаға арналған ата-аналар жиналысы хаттамасы

Ата-аналар жиналысының хаттамасы №1

«Мейірімді достардың кездесуі»

Күні: 21.09.18ж.

«Балауса» тобындағы ата - ана жиналысының №1 Хаттамасы

Қатысқан ата - аналар саны: 17

Қатыспағандар: 7

Күн тәртібінде:

1. 2018 - 2019 жаңа оқу жылының іс - жоспарымен танысу.

2. Ата - аналар комитетін қайта сайлау.

3. Тәрбиеші Аманжол .М «Ұрпақ тәрбиесі – ұлт болашағы» атты баяндама оқылды.

4.Жазғы сауықтыру жұмысының қорытындысы

5. Әр түрлі мәселелер.

Бірінші мәселе бойынша тәрбиеші Омрзакова Айым Дауренбекқызы жаңа оқу жылының іс - жоспарымен таныстырып өтті. Балалармен мектепке дейінгі білім беру стандарты бойынша жұмыстар атқарылатынын атап өтті.

Шешім: 2018 – 2019 оқу жылының іс - жоспары қанағаттандарылсын.

Жауаптылар: Омрзакова Айым Дауренбекқызы , Аманжол Мартгуль

Мерзімі: Келесі ата - аналар жиналысына дейін

Екінші мәселе бойынша ата - аналар комитетін қайта сайлауға ұсыныс тастады. Ата - ана сөз кезегін алып Мухамеджанова Арайлым Айдарқызын сайлауға ұсыныс тастады. Мүшелері: Мекежанова Балқадиша Уахитовна ата - аналар комитетінің мүшесі болып сайланды. Ата - аналар бір ауыздан келісіп сайлады.

Шешімі: ата - аналар комитетінің төрағасы Мухамеджанова Арайлым Айдарқызы мүшесі болып Мекежанова Балқадиша Уахитовна сайлансын. Жауапты: ата - аналар комитетінің төрайымы мен мүшелері.

Мерзімі: келесі ата - ана жиналысына дейін. Үшінші мәселе бойынша балабақша тәрбиешісі Аманжолқызы Мартгуль «Ұрпақ тәрбиесі – ұлт болашағы» атты баяндама оқылды. Болашағымыз балалар олардың жауапкершілігі біздің қолымызда. Сол үшін болашағымыз туралы ойланатын мәселе бойынша тақырып қозғады.

Шешімі: Баяндама бір ауыздан мақұлдансын.

Жауаптылар: ата - аналар мен тәрбиешілері. Мерзімі: келесі ата - аналар жиналысына дейін. Төртінші мәселе бойынша Омрзакова Айым Дауренбекқызы әр түрлі мәселерді ортаға салды Оқу құралдарын толық әкелуін талап етті .Балалардың тазалығын, балабақшадан себепсіз қалдырмай, кешікпей келуін, төлемақысын уақытылы төлеуін айтып өтті.

Шешімі: «Балауса» тобындағы кезекті ата - аналар жиналысы қаралған мәселелерді бір ауыздан мақұлдады

Жауаптылар: барлық ата - аналар мен топ тәрбиешілері.

Мерзімі: келесі ата - аналар жиналысына дейін. «Балауса» тобының балаларының жаңа оқу жылына толық дайындықпен қатыссын.

Дауыс беру нәтижесі: «ия»

Ата-аналар жиналысының хаттамасы №2

«Тіл дамыту»

Күні:14.12.18ж.

Ортаңғы топ «Балауса»

Барлық бала саны: 24

Ұл балалар: 12

Қыз балалар: 12

Қатысқан ата-аналар саны: 18

Келмеген ата-аналар саны:6

Күн тәртібінде:

1. Балабақша- үйіміз баяндама

2. «Балабақша-біздің үй!» видеофильм.

3. Әр түрлі мәселелер

Балабақша- үйіміз баяндама

«Бала естігенін айтады, көргенін істейді» - деп қазақ халқы бекер айтпаған. Мектеп жасына дейінгі балаларды адамгершілікке тәрбиелеудің маңызы зор. Кішкентай сәбилеріміз ата - анасының, тәрбиешісінің, достарының мінезінен, жүріс - тұрысынан, сөйлеген сөзінен, істеген ісінен үлгі алуға тырысады. Бала бойына адамгершілік қасиеттерді ойын, салт - дәстүр, мақал - мәтелдер, ертегілер, жұмбақтар, айтыс өлеңдер арқылы сіңіру ата - ана мен тәрбиешілердің басты міндеті.

Ертегінің тәрбиелік мәні зор. Ол сәбидің қиялына қанат бітіріп, бойындағы игі қасиеттердің қалыптасуына жол бастайды. Мысалы «Шалқан» ертегісін тыңдап болған соң, балалар шалқанды көптің көмегімен жұлып алғанын білді. Ал, «Ақмышым» ертегісін тыңдап болып, кішкентай бүлдіршіндер қамқорлық, мейірімділік сезімдерімен танысты.

Адамгершілік дүниесіндегі ұрпақтан - ұрпаққа жалғасып келе жатқан қымбат қазыналарымыздың бірі – бесік жыры, мақал - мәтелдер болып келеді. Сәбилер «бесік жырын» тыңдай отырып, ананың бесік жырымен, әлдиімен, өзінің туған тілінің әуенінен тұңғыш рет нәр алады. Мақал - мәтелдер арқылы кішкентай бүлдіршіндеріміздің қайырымдылық, ілтипат сезімдерін арттырамыз, адамгершілік сезімдерін оятамыз. «Үлкенге – құрмет, кішіге - ізет» деген мақал – мәтел арқылы бала бойына үлкенді құрметтеу, қамқорлық сезімдерін туғызамыз.

Балаларды еңбек сүйгіштікке баулу арқылы, адамгершілік, эстетикалық қасиеттерін дамытуға болады.

Өз – өзіне қызмет ету;

- Кішкентай топтарда балалар тәрбиеші көмегімен киініп, жуынып, сүртінеді, бір - біріне көмектеседі, «рахмет, кешір, өтінемін» сөздерін айтуға баулу. Ұжымға тәрбиелеу, балалардың өзара ұжымда қарым - қатынастарын қалыптастыру. Осылайша мейірімділіктің негізі қаланады немқұрайлықтың пайда…