Балабақшаға арналған көліктер туралы оқу материалы

Тақырыбы:Көліктер

Мақсаты: Балаларға көліктер және олардың пайдасы туралы түсінік беру. Сөздік қорларын дамыта отырып, сөздерді анық айта білуге, жұмбақтарды дұрыс шеше білуге үйрету.Әдептілікке,татулыққа тәрбиелеу.

Әдіс-тәсілдері: жылулық шеңбері, көрсету,түсіндіру,сергіту сәті,қозғалмалы ойын,тақпақ, жұмбақ шешу,қортынды.

Көрнекіліктер: көліктер туралы слайдтар, машина мен торғайлардың кароналары.

Билингвалдық компонент: машина-машина, автобус-автобус, ұшақ-самолет, тікұшақ –вертолет, пойыз-поезд, қайық –лодка, кеме- корабль, көліктер-транспорт, жүргізуші – водитель.

Оқу іс –әрекетінің барысы:

Ұйымдастыру

Тәрбиеші: - Балалар көңіл күйлерің қалай?

Балалар: Жақсы.

Тәрбиеші: Тамаша, балалар бүгін біз сендермен көліктер туралы танысатын боламыз.

Қане,қане тұрайық,

Жылулық шеңберін құрайық.

Жылулық шеңбері.

Шеңбер болып тұрайық,

Алақанды ашайық.

Жүрекке жылу салайық,

Жиналған жылы шуақты,

Бір-бірімізге сыйлайық.

Тәрбиеші: Жарайсыңдар,орнымызға отырайық.Балалар, мына суреттерге қараңдаршы, суреттерден нелерді көріп отырсыңдар? (балалар өздеріне таныс суреттерді атайды)

Суреттермен жұмыс.

Мынау – машина. Қане,барлығымыз қайталайық. Ма-ши-на.Орысша машина. Трактор, автобус, пойыз, тікұшақ, ұшақ, қайық, кеме. (барлығы бірге қайталайды, балаларға жеке-жеке айтқызу.)Бұларды бір сөзбен көліктер деп атаймыз, қане, қайталайық кө-лік-тер.Көліктер орысша-транспорты.

Суретпен жұмыс. Адамдар машина, автобус, трактор, пойызбен жерде жүреді.Тік ұшақ, ұшақпен аспанда ұшады. Кеме, қайықпен суда жүзеді.

Сергіту сәті. (қимылмен көрсетеді)

Қане, кімнің бойы ұзын,

Паровозы ол пойыздың,

Қатар-қатар тұрайық,

Пойызды біз құрайық.

Гу-гу, гу-гу,гулде,

Қалып қойма бәріңде.

Пш-пш, пш-пш, біз кеттік,

Жүрісті біз тым үдетейік.

Суретпен жұмыс: Көліктердің адамдарға пайдасы көп.Көліктермен алыс жерлерге баруға болады,жүк тасуға болады.Көліктерді жүргізетін адамды-жүргізуші деп аталады.

Қозғалмалы ойын «»Торғайлар мен машина»

Ойынның шарты: Тәрбиеші «машина» болады,балалар «торғай» болады. Топта әуен ойналады,торғайлар алаңда секіріп, жерден дән шоқып, қанаттарын қағып, секіріп жүреді,машинаның дауысы естілгенде торғайлар ұяларына ұша жөнеледі.Ұсталған торғай машина болып ауысады.Ойын ары қарай жалғасады.

Тәрбиеші: Балалар, машина туралы тақпақты бірге жаттап алайық.

Тақпақ.

Бип-бип-бип (қолдарын кеуде тұсына қойып, төменге сермейді)

Жолдан бұлай тұр,-дейді.(қолдарын жанға қарай сермейді)

Күшікті басуға, басуға,

Болмайды машина (бастарын шайқайды)

Бип-бип-бип. (қолдарын кеуде тұсына қойып, төменге сермейді)

Ойын «Не жоқ?»

Жасырынған көлік түрлерін табады.

Тәрбиеші: Көліктер туралы жұмбақтарды бірге шешейік.

Жұмбақ жасыру

Құс сияқты,құс емес,