Балабақшаға арналған көңілді математикалық ойындар

Тақырыбы: « Көңілді ойындар» (математикадан қорытынды кіріктірілген ойын)

Мақсаты: 1.Балалардың сан және санау,геометриялық пішіндер,кеңістікті бағдарлау бойынша жыл бойына өткен білімдерін бекіту.

2. логикалық ойлау қабілеттерін жетілдіру.

3.ойындар арқылы математикалық іс-әрекеттерге деген қызығушылықтарын арттыру,шапшаңдыққа,тапқырлыққа үйрету.

Әдіс-тәсілдер: сұрақ-жауап, түсіндіру,әңгімелеу

Көрнекіліктері: Сандар,әртүрлі пішіндер,суреттер,робот тышқан.

Ұйымдастыру кезеңі:

Шаттық шеңбер:

Бақыт деген-осы шаттық шеңбері,

Қол ұстасып тұрайықшы,кел бері.

Бақыт деген-көрмей қалса сағынып,

мені іздейтін, адал жүрек сендегі.

Жұмбақтар жасыру

1.Допқа өзі ұқсайтын,

Ерекше бір пішін бар.

Атын оның атаңдар? (шеңбер)

2. Төрт қабырғасы тең болса

Төрт бұрышы тең болса,

Жауап берер балақай,

Ой өрісі кең болса.

Бұл қандай пішін екен? (төрт бұрыш)

3. Бұрыштарын табамыз,

Бұған келер шамамыз,

Төбесінен сырғанап,

Құлап қалсақ күлеміз.

Бұл қандай пішін ? (үш бұрыш)

Ендеше балалар, осы пішіндерге байланысты әркім өз орындарына жайғасыс жыл бойына алған білімдеріңді тексеру үшін ойын ойнағым келіп тұр.

Ойынымызды бастамас бұрын бүгінгі көңіл-күйімізді біліп алайық.

Бүгінгі көңіл-күйіміз қалай?

Жүргенде қалай?

Жүгіргенде қалай?

Ойнағанда қалай?

Ұйықтағанда қалай?

Отырғанда қалай?

Бүгінгі күнімізге сәттілік!

Ғажайып сәт:

Қораптан істен шыққан Робот шығады жанында тапсырмалары бар. (тәрбиеші балаларға роботтың қуаты азайып бұзылып қалғанын айтып,әрбір тапсырманы орындаған сайын роботтың қуаты артып,күш алатынын айтады)

Робот тышқан арқылы бірінші қай тапсырмаға бару керегін анықтайық.

1-тапсырма

«Дұрыс орналастыр»

Шарты: көрсетілген үлгіге қарап роботтарды дұрыс орналастыру

Тапсырманы орындап қайта робот тышқанға барып келесі тапсырманы анықтау.

2 — тапсырма:

«Сәйкестендір» ойыны

Шарты: Заттарды санау арқылы сандармен сәйкестендіру

Тапсырманы орындап қайта робот тышқанға барып келесі тапсырманы анықтау.

3 — тапсырма:

«Сыңарын тап» ойыны.

Шарты: киіз үйдегі түстерге қарап пішіндерді орындарын тауып орналастыр.

4- тапсырма: «Пирамида» ойыны

Шарты: берілген үлгіге қарап түрлі-түсті стақандармен пирамида құрастыру

Балалар,байқайсыңдар ма, әр тапсырманы орындаған сайын робот қозғала бастады. Соңғы тапсырмада толық қуатталып сөйледі.

Робот:

-Сәлеметсіңдер ме,балалар! Сендерді көргеніме қуаныштымын. Маған сендердің үлкен көмектерің тиді,сендер болмағанда мына тапсырмаларды орындамағанда мен былай сөйлемес едім.