Балабақшаға арналған сюжеттік ойындар картотекасы

Сюжеттіойындар картотекасы

1.«Сән ательесі»

Мақсаты: Балалардың шығармашылық қабілеттерін, тілдерін дамыту, достық

қарым-қатынастарын тәрбиелеу.

Қажетті атрибуттар: іс тігетін ойыншық машина, матаның қиықтары, қуыршақ, сән

журналдары.

Ойын шарты:Балаларды рөлдерге бөлу: 3-4 бала тігінші, 2-3-уі киім пішуші

(модельер).Ательеге 2-3 бала қуыршақтарын көтеріп, көйлек, т.б. заттарды

тіккізуге тапсырыс береді. Киім пішуші арнайы өлшеуішпен

қуыршақтың көйлегініңұзындығын, кеудесін, жеңін өлшеп алады да,

дайын үлгімен қияды.Бұл жұмысты ұжымды түрде барлық балалар

бірігіп істеуіне әбден болады.

2..Емхана

Мақсаты: Ақ халатты абзал жандардың игілікті еңбегіне деген балалардың сүйіспеншіліктерін арттыру.

Қажетті атрибуттар: дәрігердің ақ халаты, қалпақ, рецепті жазатын қағаз, қалам, фонендаскоп, градусник

Шарты: Балаларды рөлдерге бөлу: дәрігер, медбике, ауру бала - қуыршақ,

ауру баланың шешесі. Шешесі ауру баласын дәрігерге әкеледі.

Дәрігер «қай жері аурады?» деп сұрап балаға градусник қояды, өкпесін

тыңдайды, рецепт жазады. «Медбике күніне үш рет укол салады» деп

процедура кабинетіне жібереді.Ойын барысында емханада шуылдауға

болмайды, шу дәрігерге де, ауру адамға да бөгет .

3.«Теңізші»

Мақсаты:Балаларды теңізшілердің ңбегімен таныстыра отырып, еңбек құралдарымен және оларды қалай пайдаланатынын білгізу.

Қажетті атрибуттар: ағаштан жасалынған кеменің макеті, руль, капитанның

қалпағы, балықтар

Шарты: Балалар өз қалаулары бойынша капитан мен кеме жүргізушіні

тағайындайды, содан кейін әрқайсысы өз орындарына отырады.Капитан

өзінің жүргізушісіне оңға бұр, солға бұр, тура жүр,- деп басқарып

отырады.Кемемен серуенге шыққанда теңізшілердің еңбегі, балықтардың

түрлері жайында мағлұмат беріледі. Саяхат көңілді болу үшін ән

айтады. Бұл ойын балаларды ұйымдасқан түрде ойнай

білуге баулиды.

4. Шаштараз

Мақсаты: Балалардың достық қарым-қатынастарын, ұжымдық сезімдерін дамыту.

Еңбекке деген сүйіспеншіліктерін арттыру.

Қажетті атрибуттар: қайшы, шаш алатын машинка, иіс су шашатын пульверизатор, айна,

тарақ, ақ жапқыш, халат.

Шарты. Балаларды рөлдерге бөлу: 2-3 бала «шаштаразшы», 1 бала-кассир, қалған балалар шаш алдырушылар (клиенттер). Тәрбиеші ойын ережесін түсіндіре отырып,

балаларға шашты қию дағдыларын көрсетеді. Әуелі шашты тарап, сосын

қиған тәрізді қимылдар жасап, иіс су сепкен тәрізді (пш-пш) деп сеуіп,

сосын шашты оңға, не солға жатқызып тарайды.Балалар кезекпен

«Шаштаразға» кіріп, шаштарын алғызып, рахметін айтып ризашылық

сезімдерін білдіреді.

5.«Пошташы»

Мақсаты:Балаларды достыққа, ізгілікке, т.б. қасиеттерге тәрбиелеу

Қажетті атрибуттар: пошташының қалпағы, сөмкесі; пошта жәшігі,

Шарты. Тәрбиеші балаларға: «Қазір бір-біріңе хат жазасыңдар» ,- деп

хабарлайды.

Ол үшін хаттыстың сыртына достарыңның атын жазып, ішіне өздерің қалаған

суреттеріңді салып, пошта жәшігіне тастайсыңдар. Пошташы хаттарды жәшіктен сөмкесіне салып, өз иесіне тарата бастайды. Ойынды әрі қарай

өрбітуге болады. «Сәуле , саған кім хат жазды?» немесе